Apocalipsis 13:14 - Nuevo Testamento Toba Sur

¹⁴ Qaq chigoqchigui ne'ena i'ot n'anecpi mayi i'ot da n'aalaxa mayi qaÿashiitem da i'ot da ÿauaachigui naq'en som hua'auchiguiñi shiguiÿac, da yaqto' ÿatenachit 'enauac nam huetalec ana 'alhua. Nachi damaxasoxoolec da qai'ot ca n'enaqtac lqui'i se'eso shiguiÿac mayi huo'o co'ollaxa so lque'emaxa ÿiilonec lliguiñi, qalaxayi ñaqaiyita ishit da nca'aleec.

Nuevo Testamento Toba Sombrero Negro

¹⁴ Qama'le chiyaqayilo naa'me naajo' 'nanaqa jo'ne yauo'oe da'me ue'taguet ñe'me jiyac polio' jo'ne 'uaechiñe, male yaqanatet ta'le yejomaĝana'ape jena'me jiyaĝadipi jo'ne netalegue jena'me aleua, qama'le damaĝajoĝolo'te da'me qoya'uo ga'me qonetamenapecot jo'ne lequi'i ñe'me jiyac polio' laqaya jo'ne 'uo ga'me nedaĝanaĝat liñi qalaĝaja maliaĝa da'me nec'aletaye.

La'aqtaqa Ñim Lo'onatac 'Enauacna 2013

¹⁴ Qaq se'eso shiguiỹac leguemaxaic ỹatenachet na shiỹaxauapi da chegoqchigui naqa'en nam ỹo'otpi maye saq qaỹauanapega da do'onataxaatega da na'añaxac maye ỹachegoxoto'ot so hua'auchiguiñi shiguiỹac leguemaxaic. Ime, nache ỹamaxalec da ỹo'ot ca le'enaqtac maye lqui'i so hua'auchiguiñi shiguiỹac leguemaxaic, som huo'o co'ollaxa so lta'araic lque'emaxa, que'emaxam so ỹeelonec, qalaxaye saishet da ilem.

Apocalipsis 13:14 Iomraidhean Croise

2 Ts 2:4

'Eca ca depa'aguenataxan mayi nachajñi da dataÿa'aguet 'enauac na ÿachitac da l'enaxat ñi Dios, huo'otaq nam qanatameetacotpi. Qataq ivitta'a da nso'oolec ca atamnaqa' da qanatamnot ñi Dios, nachi 'eetega da nachica ca Dios.

Apocalipsis 12:9

Qaq 'eda da 'eetec co'ollaq qaÿamaqhuec se'eso 'ico' da'ail'oc. Qaq somayi nachiso so n'adaxanaq mayi l'atchiguiñi da datenataxan, l'enaxat Satanás, som shiÿaxaua mayi lma'na. Qaq somayi qataq 'enauac so nallippi qai'odalec ana 'alhua.

Apocalipsis 13:1

Ime, nachi aÿim sooto'ot na loigue aso auaxai. Nachi sauaateguet so shiguiÿac lta'adaic, chigoqchiguingui aso auaxai. Qaq somayi siete na lqaicpi, qataq diez ana lcouepi. Qaq añi 'oonole ana lcouepi ÿaatañi ana nado'o na nta'a. Qaq ñi 'oonolec naua lqaigo, qalaq huetalguete naua l'enqa'te mayi ÿataqta npa'agueneto ñi Dios.

Apocalipsis 13:15

Nachi se'eso ÿaqa'aguet shiguiÿac, somayi qoÿanem da n'añaxac, da yaqto' ishit da nca'aleec naq'en som n'enaqtac lqui'i som hua'auchiguiñi shiguiÿac, da yaqto' se'eso n'enaqtac ishit da detaqa, qataq 'enauac nam sa ishit da ÿi'oxoden asomayi, qalaq ishit da qaÿalauat naq'en.

Apocalipsis 13:8

Nachi se'eso shiguiÿac ÿataqta ÿi'oxodeetac 'enauac nam huetalec ana 'alhua, nam sa ishit da nanettau'a aso nanedaxalate nam lca'alaxaicpi co'ollaq chita'ague da qai'ottac ana 'alhua, asom hueto'ot so qagueta llalec mayi qaÿalauat co'ollaxa.

Apocalipsis 14:11

Nachi chochaq tatreec naua na'axa'te qataq pesa'chi da nchitapiguishiguem da nhuaxanaguec nam ÿi'oxodeetac som shiguiÿac qataq som n'enaqtac lqui'i, huo'otaq da n'angui da l'enaxat. Nachi ÿataqta qaica ca nmataxac.

Apocalipsis 14:9

Qataq ca'attalec so lÿa namaxashic, nataq'en ÿataqta n'axannec da l'aqtac, 'eeta': –Ca ÿi'oxodeetac ñi shiguiÿac qataq so n'enaqtac lqui'i, qataq da huo'otaq ÿauo'o aca n'anaqte na latap, huo'otaq na lhuaq,

Apocalipsis 15:2

Nataq'en sela'a so 'eeta'am na 'etaxat ÿataqta chauec. Qaq somayi ÿalecta'aguet na nodec. Qataq som shiÿaxauapi mayi sa ishit da nañanot da ÿi'oxoden so shiguiÿac qataq som n'enaqtac lqui'i, qataq sa ishit da n'angui yim ivi' da l'enaxat, qaq somayipi nachattañi, hueto'ot na loigue se'eso 'etaxat mayi ÿataqta chauec. Qaq lasoqta'a ana lviquepi mayi ÿami' ñi Dios.

Apocalipsis 16:13

Huaña, nachi sauaachigui na alap so 'ico' da'ail'oc, qataq som shiguiÿac, qataq som 'eetega da l'aqtaxanaxanec ñi Dios, da chigoqtoiguilo soua n'eco leguemaxaiqa, 'eeta'ama ana miÿo.

Apocalipsis 16:2

Nachi jec som hua'auchiguiñi namaxashic da icodelec ana 'alhua. Nachi 'enauac na shiÿaxauapi mayi huo'o ana n'anaqte mayi chigoqo'ot so shiguiÿac qataq natameetacot som n'enaqtac lqui'i, nachi namayipi nashiguem na l'oc na ÿataqta saq maxata lquesaxa qataq ÿataqta qui'aq.

Apocalipsis 18:23

Qataq sa ishit da 'edoigui ana 'adcoÿadaxanaxaquipi, qataq nachi sa ishit da qai'axaÿa ca laÿac cam huadona't, qaq nai'ctaxa da na 'admenaxanaxanecpi co'ollaxa ndoteec na 'añaxaicpi mayi huetalec ana 'alhua, qataq ÿataqta 'auatenachit 'enauac co'ollaxa na ÿotta'a't shiÿaxauapi da 'audolec da 'ayi'iyaqnataxanaxac.

Apocalipsis 19:20

Qaq se'eso shiguiÿac, qalaq qaicoñi', nataq'en so 'eetega l'aqtaxanaxanec ñi Dios mayi i'ottac na n'anecpi mayi sa qaÿauanapega da yaqto' qai'amaqten so shiguiÿac. Qaq chigoqchigui ne'ena n'anecpi se'eso 'eetega da n'aqtaxanaxanec da ÿatenachit nam nashiiteguet aso l'anaxanaqte so shiguiÿac, qataq da ÿi'oxoden so n'enaqtac lqui'i. Qaq se'eso shiguiÿac qataq som 'eetega da n'aqtaxanaxanec, soomayi nachi nca'altrauec qanqoÿin da qaÿasaxayingui so lta'adaic nodec mayi huaña da ÿavictac na quiquiaxadaic.

Apocalipsis 2:10

Qaq sa ishit qome da 'ayi'iÿa cam 'anque'ejnaxac. Cha'ayi so shiÿaxaua lma'na huo'o qome ca ÿamaxaigui añi ncoñitaxanaxaqui da qoñiita, da yaqto' 'enauac da qoñiita qaÿauo'o ca qañi'iguenaguiiqui. Nachi ÿataqta huo'o ca qanque'ejnaxaqui, ivittreec caua diez na'axa'te. Qalaxayi qoquiitot da qadpi'iÿaxaqui, chochi ivitta'a da qami' qadellivi. Nachi aÿim qami' sanema da achaalataxac, 'eeta'am aca qanshiitenaqchi.

Apocalipsis 20:10

Qaq som shiÿaxaua lma'na mayi ÿatenachit somayipi, qaÿasaxangui so lta'adaic nodec mayi huaña da ÿavictac na quiquiaxadaic, som huaña da qaÿasaxangui co'ollaxa so shiguiÿac qataq so 'eetega da l'aqtaxanaxanec ñi Dios. Huangui se'eso nodec, nachi huo'o da nque'ejnaxac chochaq tatreec 'enauaque naua na'axa'te.

Apocalipsis 3:10

Cha'ayi 'am ÿataqta 'au'ot da i'aqtac da ÿataqta 'anhualaxauen. Qaq ÿoqo'oyi aÿim 'am ñipaxatalec qom ivita ca laloqo' ca ñi'iguenataxanaxac mayi naguelec 'enauacna, da qaÿi'iguen 'enauac na netalec ana 'alhua.