Apocalipsis 12:7 - Nuevo Testamento Toba Sur

⁷ Ime, nachi huo'o so lta'adaic loquiaxac, huo'ot na piguem, cha'ayi so lataxala' na namaxashic piguem l'ecpi, l'enaxat Miguel, qataq 'enauac so nallippi, qailoctague' so shiguiÿac mayi 'ico' da'ail'oc. Qaq se'eso shiguiÿac qataq na nallippi ÿataqta deloctac,

Nuevo Testamento Toba Sombrero Negro

⁷ Yem da'me dojo', qama'le 'uo ga'me nalada't di'me piyem, qa'a joñe'me piyem laje'pi lejaliaĝanec Miguel choqoga'me piyem laje'pi jo'ne nejoĝonaqapi nauteta ñe'me ñaĝadiaq polio' qama'le deloiquitapegue', qama'le ñe'me ñaĝadiaq polio' nataq'aen jogaa'me piyem laje'pi laqaya' jo'ne mach'e lalemaĝajetpi yataqata deloiqui'tape,

La'aqtaqa Ñim Lo'onatac 'Enauacna 2013

⁷ Ime, nache huo'o so lta'araic loquiaxac, huo'ot na piguem. Qaq huo'o so 'oonolec maye lataxala' na namaxashec piguem le'ecpi, le'enaxat Miguel, nnaictague' so nalleppi da delogui' so shiguiỹac leguemaxaic. Qaq se'eso shiguiỹac qataq so nalleppi ỹataqta deloctac.

Apocalipsis 12:7 Iomraidhean Croise

Mateo 13:41

Na shiÿaxaua llalec namaq qome na lamaxashicpi piguem l'ecpi da nqateeguesop da l'onataxanaxac 'enauac nam ÿasouaxateguet ca lasouaxashit ca lÿa, qataq nam i'ottac na qauempi.

Mateo 16:27

Cha'ayi ne'ena shiÿaxaua llalec, qom ñi'iguelaq, nachi nactaigui da lli'oxoyic ñi lta'a qataq nam lamaxashic piguem l'ecpi. Huaña, nachi ishiiten ñi 'oonolec cam l'onataxanaxac.

Mateo 24:31

Nachi ÿamaq qome na lamaxashicpi piguem l'ecpi, da yaqto' n'axannec na l-lamaxa ana lashiide da dashiidaxan, da yaqto' lapona't 'enauac na lca'aguishicpi mayi neta'aguelo naua cuatro llico na l'at. Qaq 'enauac namayipi ÿachigoxottalo naua loga'te ana 'alhua.

Mateo 25:41

Nachi ne'ena nta'a 'enapega qome nam hueta'ague na n'emaq, 'eeta': “Aÿim qoquiÿa'ai qome, qami' mayi qaÿauo'o da qanhuaxanaguiiqui. Qaÿingui yim chochaq tateec nodec mayi qaÿaqataxaatai' da yaqto' qaÿasaxangui so shiÿaxaua lma'na qataq nam lamaxashicpi.

Mateo 26:53

¿Sa qauaÿajñiÿo' da aÿim ishit da seÿaxanot ñi ita'a, nachi ñimayi ishit da aÿim namaxa nagui ca napacalec ca doce mil lamaxashic piguem l'ecpi?

2 Corintios 12:7

Qaq de'eda ÿauanaqchic ÿataqta qaica ca 'en'am da lli'oxoyic. Qalaxayi da yaqto' sa ishit da sagaqten da ñi'amqajñigui, nachi aÿim qoÿanem da ñiqui'ic, 'eeta'am aca ÿaxat le da huo'otaq i'attaigui da i'oquiaxac. Damayi lamaxashic so shiÿaxaua lma'na da aÿim iuaxan.

Efesios 6:12

Cha'ayi qomi' sa ishit da huo'otaq seloquiaqtapegue' ca yi'oqchigui qadapachiyaxaua, chaqnata nam n'añaxacpi qauemaicpi saq cha'a mayi hueto'ot na piguem, nam damaxasoxonapecpi, 'añaxaicpi mayi ÿamaqpec nam huetaigui na napalaxa.

2 Ts 1:7

qataq da qami' nmataxanaxaneeguesopa qome na qanque'ejnaxaqui, nataq'en qomi', que'eca na'a'q qom ñi'iguelaq so qadataxala' Jesús, chigoqo'ot na piguem da nachaxan, nactaigui na 'ico' l'edaxa na nodec qataq na chigaqshiguem Dios lamaxashicpi mayi 'añaxaicpi.

Hebreos 2:10

Cha'ayi 'enauac nam huetalecna, namayi lalamaxat ñi Dios, qataq maichi chigoqo'ot ñimayi. Qaq ñi Dios nshitaique da 'enauac na llalaqpi nhuanau'a de'eda lli'oxoyic. Qaq ÿoqo'oyi ñimayi naloqchiichiguiñi naq'en da lataxac so Jesucristo som lca'alaxaqui namayipi, ÿachigoxotchigui naq'en da nque'ejnaxac.

2 Pedro 2:4

Cha'ayi ñi Dios sa ishit co'ollaxa da ichoxonnai' som lamaxashicpi mayi huo'o da lasouaxashit. Chaqdata da ÿamaxaña cam nhuaxanqa' naq'en, qataq icoñida'aguet na napalaxa, da yaqto' iuata'aguet naq'en ca na'a'q qom nmit 'enauacna.

Judas 1:9

Qamaq so lataxala' na namaxashic piguem l'ecpi, l'enaxat Miguel, co'ollaq deloctague' so shiÿaxaua lma'na, qaq co'ollaq ncotatague' somayi, souaxat so l'oquiaxac so Moisés. Qalaq sa ishit da huo'otaq iuaxanque naua l'aqtaqa. Chaqdata da 'eeta': “Ñi qadataxala' Dios 'am nlaxa qome.”

Apocalipsis 12:8

qalaxayi somayi sa ishit da dauegaxan. Nachi somayi qataq so nallippi qaica ca lma' na piguem.

Apocalipsis 12:9

Qaq 'eda da 'eetec co'ollaq qaÿamaqhuec se'eso 'ico' da'ail'oc. Qaq somayi nachiso so n'adaxanaq mayi l'atchiguiñi da datenataxan, l'enaxat Satanás, som shiÿaxaua mayi lma'na. Qaq somayi qataq 'enauac so nallippi qai'odalec ana 'alhua.

Apocalipsis 13:7

Nataq'en qaÿashiitem se'eso shiguiÿac da yaqto' iloquiaxan 'enauac nam lalamaxatpi ñi Dios, ivitta'a da 'enauac loxonec, qataq da l'añaxac da yaqto' maichi ÿoiqueetac 'enauac nam ÿotta'a't shiÿaxauapi mayi ÿotta'a't na l'aqtacpi.

Apocalipsis 20:2

Qaq se'eso namaxashic, somayi ÿaconeu'a so 'ico' da'ail'oc som l'atchiguiñi n'adaxanaq mayi nachiso so shiÿaxaua lma'na, l'enaxat Satanás, nachi icoñidai' mil vi'iyi.