Apocalipsis 11:8 - Nuevo Testamento Toba Sur

⁸ Nachi da l'oquiaxa'c soomayi qaÿachitrangui na laiñi so nqa'aic yim lta'adaic la ciudad mayi huaña co'ollaq qaiuaxanguet so qo'ipaq so qadataxala', yim chochi qaÿamata'ac da l'enaxat Sodoma qataq Egipto.

Nuevo Testamento Toba Sombrero Negro

⁸ Chane'eja jogaa'me lapa'che dia'me joote yele'u nelagaĝachichidiñe, ueteda'ña ga'me naq'aeuo joga'me noic let'adaic, di'me jo'ne ua'ña joca'li ñe'me mach'e Qadejaliaĝanec da'me qoyep'enajeguem, di'me noic jo'ne lenaĝat qoyen Sodoma qama'le nach'e ena'am da'me lenaĝat laqaya qoyen Egipto.

La'aqtaqa Ñim Lo'onatac 'Enauacna 2013

⁸ Nache da lo'ocỹaxa'c caamaye qaỹachetrangui na laiñi so nqa'aic lta'araic ye nỹecpi maye huaña co'ollaq qaỹalauat So Qarataxala' qaiuaxaneguet so npe'enaxaqui. Qaq na shiỹaxauapi ỹamata'ac yi'iye nỹecpi da naigui naqa'en da Sodoma qataq Egipto.

Apocalipsis 11:8 Iomraidhean Croise

Mateo 10:15

Qaq ÿataqta 'eesa de'eda shinapec da qom ivita que'eca na'a'q mayi huetoigui da ñi Dios nmit 'enauacna, nachi ca nhuaxanaguec que'eca pueblo ÿataqta napacalec qome da nhuaxanaguec som shiÿaxauapi mayi netaña co'ollaxa yi Sodoma qataq yi Gomorra.

Hechos 9:4

Nachi so Saulo najñi. Huaña, nachi hua'axaÿa so n'aqtac, 'eeta': –Saulo, Saulo, ¿tá'ainco' yi aÿim 'aucaatac?

Hebreos 13:12

Qaq nachi 'eetec nataq'en so Jesús da nalaataguec huaña so qaÿoqteuga so la ciudad, da yaqto' ishit da iÿouec na lasouaxashit na shiÿaxauapi, deÿoxonalo soua maichi ltago'q.

Hebreos 6:6

qaq ne'ena shiÿaxauapi, da huo'otaq ÿi'iguelaxalec da dashiuec, nachi sa ishit da qaltaq ca'aisalo qanqoÿin naua n'onataxaco, cha'ayi namayipi 'eeta'am da qaltaq iuaxaneuo so llalec ñi Dios qataq qaÿauaachigui naq'en da ÿi'inai' somayi.

2 Pedro 2:6

Ñi Dios nataq'en ilaxachiguilo soua la ciudad Sodoma qataq so Gomorra, ÿataqta dachipchiyiñi naq'en, ivida'a da ndoteec na alo naq'en, cha'ayi ÿauotaique da laloqnaxanaxat naq'en nam shiÿaxauapi mayi qauemaicpi mayi taÿa'a da qaltaq nalec ana 'alhua.

Judas 1:7

Nataq'en so shiÿaxauapi lma' yi Sodoma qataq Gomorra qataq som shiÿaxauapi mayi lauodeuapi mayi 'eeta'am se'eso namaxashicpi piguem l'ecpi da nañanguet da lquishiguetaxac, qataq taigui da namanaxanaqtaic mayi sa natenguet da ÿoqta lataxac ca shiÿaxaua, nachi 'enauac somayipi nque'etaxangui so nodec mayi chochaq tateec co'ollaq qaÿauo'o da nhuaxanaguec. Qaq damayi 'eeta'am da nqataxac 'enauac na shiÿaxauapi.

Apocalipsis 11:13

Huaña, nachi huo'o so nacholaxanaxa, nachi nlaguiñi ñi 'oonolec nam diez noÿicpi se'eso la ciudad. Qataq ivi' na siete mil so ileu souaxat se'eso nacholaxanaxa. Qaq nam n'onañi na shiÿaxauapi ÿataqta huo'o da lcolanaxa, nachi ÿi'oxodeetac ñi Dios mayi neto'ot na piguem.

Apocalipsis 11:9

Qaq ivi' qome caua tres na'axa'te qataq ca laiñi ca lÿa na'a'q da imeteetac da l'oquiaxa'c soomayi na ÿotta'a't shiÿaxauapi mayi ÿotta'a't na l'aqtacpi. Qaq sa ishit qome da qaÿashin da qailalyiñi.

Apocalipsis 14:20

Qaq asa'aso uva, can qanlom na lli'i, qalaq huaña qanqoÿin som pa'aueegue da laÿi yi la ciudad. Nachi se'eso naponaxanaxaqui chigoqtoigui na ntago'q. Qaq ne'ena ntago'q ividashiguemque naua lquejnaxanqa'te na caipi. Qaq yi lcachiguiñi se'eso ntago'q ivi' trescientos kilómetros.

Apocalipsis 14:8

Qataq ca'attaueegue so lÿa namaxashic, detaqtac, 'eeta': –Mashi noxonec yi lta'adaic la ciudad l'enaxat Babilonia, mashi noxonec, cha'ayi yimayi ÿaueeguet 'enauac nam ÿotta'a't shiÿaxauapi da nquishishaxac, 'eeta'am da huo'otaq nÿomaxangui na lataxa.

Apocalipsis 16:19

Nachi so lta'adaic la ciudad colaxagui, somayi tres soua lpoxoÿaqa'te. Nachi 'enauac nam la ciudatpi mayi huetalec ana 'alhua hualolaguiñi. Huaña, nachi ñi Dios iuennate som lta'adaic la ciudad Babilonia, da yaqto' nÿomaxangui dam qaica ca 'en'am da lchiquiaxac lhuaxanaxanaxac mayi ÿaqataxaatapigui' da icodeec layiloxo.

Apocalipsis 17:1

Nachi so 'oonolec soua siete namaxa'shi piguem lashi' mayi lasoqta'alo soua siete ÿomaxaqui', somayi anac. Nachi aÿim 'enapega, 'eeta': –'Ayala, ñaq 'am sachaxana da nhuaxanaguec añim 'alo mayi ÿataqta quishiguetaxai mayi nso'ootalec na qalota 'etaxat.

Apocalipsis 17:18

Qaq asa'aso 'alo mayi 'auauaachigui, nachiyi yim la ciudad lta'adaic mayi ilo'ogue 'enauac nam nta'alpi mayi huetalec ana 'alhua.

Apocalipsis 17:5

Qataq asomayi nanettalec na latap so n'enaxat mayi saq cha'a ca naigui. 'Eeta': “Nam ÿataqta 'amaqtaqaic Babilonia, nachana ana late'e ana quishiguetaxaipi qataq 'enauac nam i'ot da nqaigaxa mayi huetalec ana 'alhua.”

Apocalipsis 18:10

Qaq ÿataqta qaÿoqteuga qome namayipi, souaxat da ñi'iÿa da nhuaxanaguec yimayi. Nachi namayipi 'eeta': –¡'Agai! ¡Ÿataqta 'am choxodaxaso', 'am mayi ÿataqta 'am lta'adaic Babilonia, 'am mayi qaica ca 'auqalanapec! Cha'ayi ÿataqta qaica ca queuoigui da 'anhuaxanaguec.

Apocalipsis 18:18

Qaq da ila'a na lmala'q da navigaqtaguec yi'iyi la ciudad, nachi i'alaq, 'eeta': –¿Negue'tom ca lÿa la ciudad da huo'otaq 'eeta'am yim ya' la ciudad?

Apocalipsis 18:2

Qataq ÿataqta alam da lavilÿaxac, detaqtac, 'eeta': –Mashi noxonec yim lta'adaic la ciudad l'enaxat Babilonia. Mashi noxonec. Qaq yimayi lma' nagui na lamaxashicpi so shiÿaxaua lma'na, qataq nqañoxotaqa' 'enauac na saq cha'a qauemaicpi, qataq laÿoqo' nam maÿopi mayi nshipaxan qataq nqaigaxatpi.

Apocalipsis 18:21

Nachi so 'oonolec namaxashic piguem l'ec mayi ÿataqta qaica ca 'en'am da l'añaxac, somayi ÿacoosop so coma' lta'adaic mayi 'eeta'am na namaicnaxanaxat. Nachi ÿasaxangui aso auaxai, nachi 'eeta': –'Eda qome da 'eetec da qaÿasaxañi yi Babilonia, yim ÿataqta lta'adaic la ciudad. Nachi sa ishit qome da qanauanapegue' da qaltaq qailogui.

Apocalipsis 18:24

Cha'ayi yi'iyi la ciudad nachi huaña da qailalec na ltago'q nam i'axatta'pe co'ollaxa na l'aqtaqa ñi Dios, qataq nam lalamaxatpi ñimayi, qataq 'enauac nam qaÿalauatpi mayi hualec ana 'alhua.