Apocalipsis 11:3 - Nuevo Testamento Toba Sur

³ Nachi aÿim qome sama'q caua dos ÿamaxa'shi, da yaqto' i'axa't naua i'aqtaqa, ÿataqta ividaxattreec caua mil doscientos sesenta na'axa'te. Qaq caamayi ÿaatrañi caua alogo lasouaxaqui'.

Nuevo Testamento Toba Sombrero Negro

³ Qama'le jamaĝalo'te qomle gaa'me dos 'yaqataĝanaĝanaqa jo'ne uo'oe gaa'me louo jo'ne napidalo'te, qaedi 'yaĝatetedac na'me 'yaqataĝanaĝac chayovida'a qom nalo'taguet da'me mil doscientos sesenta naa'me noloqo'ote.”

La'aqtaqa Ñim Lo'onatac 'Enauacna 2013

³ Nache Aỹem sama'q caua dos ỹa'aqtaxanaxanaqa, da yaqto' ỹa'axa't da ỹataqta 'eesa ỹa'aqtaxanaxac. Qaq caamaye qom sama'q qalaq ỹaatrañi ñaqa'e'n caua alogo lasouaxaqui', da yaqto' ỹa'axat da ỹa'aqtaxanaxac iviraxattre'c que'ecaua tres vi'iye qataq ca laiñi ca lỹa vi'i.»

Apocalipsis 11:3 Iomraidhean Croise

Mateo 11:21

–¡Ÿataqta qami' choxodaxasodo', qami' mayi qoñiitaña yi pueblo Corazín! ¡Nataq'en qami' mayi qoñiitaña yi pueblo Betsaida! Cha'ayi nam netaña yi la ciudad Tiro qataq yi Sidón, da huo'otaq huañáctaxa nam qai'otpi mayi qami' huaiguilo, qaq sogotéctaxa quesom yimayipi da ca'aisalo naua n'onataxaco, qataq da nachaxaata da ÿaayiñi naua alogo na huasouaxaic qataq da nmettala't na alo.

Mateo 18:16

Qalaxayi camayi da sa ishit da 'am ÿalaxaguet, nachi 'am 'auÿaxana ca 'oonolec, huo'otaq caua lÿa't dos, yaqto' 'enauac nam 'ad'aqtaxanaxac ishit da nateeteguet da l'aqtaxanaxa'c caua dos huo'otaq caua tres mayi 'ad'aqtaxanaxa'u.

Lucas 10:13

¡Ÿataqta choxodaxasodo' qami' mayi qoñiitaña yi Corazín! Nataq'en ¡ÿataqta choxodaxaso' na netaña yi Betsaida! Cha'ayíctaxa da huaña yi la ciudad Tiro qataq yi Sidón da qai'ot na n'añaxacpi sa qaÿauanapega mayi qami' huaiguilo, qaq yimayi sogotéctaxa quesom da ca'aisalo na n'onataxaco, qataq nachaxaata da ÿaayiñi naua huasouaxaic alogo, qataq nmejla't na alo.

Lucas 24:48

Qaq nachi qami' qome mayi qau'axachiiuec 'enauac de'eda qadauanaqchiqui.

Juan 15:27

Qataq qami' nataq'en aÿim qau'axachi, cha'ayi nachi 'eetai' da aÿim qoviita'aguet co'ollaq chita'ague da so'onataxan.

Juan 3:27

Nachi so Juan 'enapegalo soomayi, 'eeta': –Qaica ca shiÿaxaua maichi nalligoxottela't da huo'o ca i'ot, da huo'otaq sa ishit da ÿanem ñi Dios camayi cam i'ot.

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

Hechos 13:31

Nachi somayi ÿataqta huo'oi soua na'axa'te da nachaxaategalo soua ÿataqta nnaigaxa'u co'ollaq chigoqchiguiña yi Galilea, chochi ivitta'a yi Jerusalén. Qaq nagui nachisoua soomayi som da'aqtaxaatapeguema na shiÿaxauapi de'eda.

Hechos 2:32

Qaq ÿoqo'oyi ñi Dios qaltaq nca'aleec naq'en se'eso Jesús. Qaq de'eda 'enauac da shinaqta sauanaqchigui.

Hechos 3:15

Qaq 'eda da 'eetec da qami' qaualauachi som chigoqo'ot da achaalataxac. Qalaxayi ñi Dios qaltaq nca'alaxateec somayi, qaq 'enauac de'eda qomi' sauanaqchigui.

1 Corintios 12:28

Qaq 'eda da 'eetec ñi Dios co'ollaq huo'o na ÿaconeu'a na 'amqajnataxanaxaicpi da ÿanagui da l'onataxanaxac. Ÿamataxaachiguiñi da ÿideuo na lamaxashicpi naq'en so Jesús. Ime, qataq jec na i'axat da l'aqtac ñi Dios. Ime, qataq jec na dapaxaguenataxanapecpi. Ime, qataq jec na i'ot na n'añaxacpi mayi sa qaÿauanapega. Ime, qataq jec na ishit da nataden na dalolaxaic, qataq na itaunec da lhuenaxanaxa ca lÿa, qataq na ishit da nataxala'. Ime, qataq huo'o na ÿanem da ishit da detaxaiguilo naua n'aqtaqa sa qaÿauangalo.

2 Corintios 13:1

Qaq mashi ivi' na tres nagui da shi'iguelaxalec da qami' ñoqo'onalo. Qaq 'enauac qome na nasouaxashitpi iuen da qai'axat da da'aqtaxa'n caua dos huo'otaq tres shiÿaxa'u.

Efesios 4:11

Ime, nachi ÿanem ca nshitaxat naq'en ñi 'oonolec shiÿaxaua. Nachi huo'o na lamaxashicpi naq'en somayi, qataq huo'o na l'aqtaxanaxanecpi naq'en ñi Dios, qataq huo'o naq'en na i'axattac da n'aqtaxanaxac mayi chigaqaigui da nca'alaxa, qataq huo'o na lataxala'pi naq'en na 'amqajnataxanaxaicpi, qataq na napaxaguenataxanaqpi.

Apocalipsis 1:5

Qataq chigoqo'ot so Jesucristo som ÿataqta ipacchiguilo naua l'aqtaqa ñi Dios, qataq nachiso so l'auaxanec da qanca'alaxateeguesop na leuaxaicpi, qataq nachiso so lataxala' na nta'alpi mayi huetalec ana 'alhua. Qaq somayi ÿataqta qomi' ÿauoteque, qataq iÿouec na qadasouaxashitpi, deÿoxonalo naua ltago'q,

Apocalipsis 11:2

Qalaxayi sa ishit qome da 'analoqten yi nqasoxoc añi n'onaxanaxaqui, cha'ayi yimayi qoÿanem nam ÿaqa'a ca chigaqa'ague. Qaq namayipi ÿataqta ÿi'inai' qome yi'iyi la ciudad mayi lalamaxat ñi Dios. Qaq ividaxattreec caua cuarenta y dos ca'agoxoiqa.

Apocalipsis 11:6

Cha'ayi se'esoua n'aqtaxanaxanqa huo'o da l'añaxa'c, da yaqto' ÿapoyigui na piguem da sa ishit da huo'o ca auot da huo'otaq ña i'axatta'pe naua l'aqtaqa ñi Dios. Qataq nataq'en huo'o da l'añaxa'c da nañigui naq'en na 'etaxat na ntago'q, qataq da ÿauo'o da nque'ejnaxac 'enauac nam huetalec ana 'alhua, da nque'etaxangui naq'en na ÿotta'a't napaxaco. Qaq ÿataqta maichi ÿoiqueeta'pe da ÿi'iguelaqtalguete cam i'oteque naq'en namayipi.

Apocalipsis 12:6

Qaq asa'aso 'alo, qalaq datauec, taÿa cam tojlec 'alhua, cam ÿaqataxaatapigui' ñi Dios da huotaique lma' asomayi, da yaqto' asomayi qaiqui'axaatac, chochi ivittraue'c caua mil doscientos sesenta na'axa'te.

Apocalipsis 13:5

Qaq nataq'en qaÿashiitem da se'eso shiguiÿac ishit da nasaxadeec naua n'aqtaqa mayi ÿataqta qauema qataq npa'agueneto ñi Dios. Qataq somayi qoÿanem da ividaxattreec caua cuarenta y dos ca'agoxoiqa da damaxasoxonapec.

Apocalipsis 19:10

Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.

Apocalipsis 20:4

Qaq can ime, nachi sela'a aso nso'onaxaquipi na nta'a. Qaq asomayipi nachi nso'ootangui som qoÿanem da nmit na nasouaxashitpi. Nataq'en sela'a na lqui'ipi nam qaipeteguec na lqaic co'ollaxa souaxat da i'axattac da l'aqtac ñi Dios mayi 'itchiguiñi naq'en so Jesús. Somayipi nachiso so sa ishit da ÿi'oxoden so shiguiÿac qataq som n'enaqtac lqui'i, qataq sa ishit da nashinguet aso l'anaxanaqte da yaqto' qai'an na latap, huo'otaq na lhuaq. Qaq sela'a somayipi da qaltaq qanca'alaxateec, nachi ltaua so Cristo da nta'alpi que'ecaua mil vi'iyi.