Apocalipsis 10:6 - Nuevo Testamento Toba Sur

⁶ Nachi ÿanot da l'aqtac ñim nachi 'eetai' da nca'altauec, ñim l'onatac na piguem, qataq ana 'alhua, auaxai, qataq 'enauac nam huetalecna, 'eeta': –Nagui mashi sa ishit da qaltaq huo'o ca qaiuatta'a.

Nuevo Testamento Toba Sombrero Negro

⁶ qampaja'a da'me 'naĝatot joñe'me jo'ne nach'e eta't da'me nec'aletaye, joñe'me jo'ne 'lonatac di'me piyem choqona'me aleua nataq'aen joga'me noĝop let'adaic nataq'aen ena'uaque jogaa'me uo'oe jo'ne uedetot jodi'me piyem, qama'le eetac: “Male qaya'te ledaqa' da'me 'uo ga'me qodajo'ta,

La'aqtaqa Ñim Lo'onatac 'Enauacna 2013

^6-7 Nache ỹan da la'aqtac chegoqchigui da la'añaxac naqa'en Ñim Lo'onatac 'Enauacna da ipacchigui da ỹa'axat nache 'eeta': Ñim Lo'onatac 'Enauacna mashe saishet da huo'o ca iuatta'a. Qom ỹashiiyigui ara lasheere dam 'oonolec daua siete namaxa'she piguem lashe', nache Ñim Lo'onatac 'Enauacna ỹo'ot nam lapaqtañipi maye saishet da qaỹaỹaten. Qataq ỹo'ot 'enauac nam ỹa'axattac co'ollaxa som la'aqtaxanaxanecpi. Qaq se'eso namaxashec piguem le'ec ỹan da la'aqtac chegoqchigui da la'añaxac Ñim Lo'onatac 'Enauacna maye nache 'eetai' da nca'altauec qataq lo'onatac 'enauacna.

Apocalipsis 10:6 Iomraidhean Croise

Apocalipsis 1:18

Qaq aÿim mayi nachaÿim ñica'alapeguec. Aÿim co'ollaxa seleu, qalaxayi nagui qaltaq ñica'altauec, qanachi sa lÿa da seleu. Qaq nagui aÿim hueto'ot da l'añaxac da nleuaxa qataq cam laponqa' na leuaxaicpi.

Apocalipsis 12:12

Qaq ÿoqo'oyi 'am piguem, qataq 'enauac na 'am netalec, ÿataqta qauamaichiguiñi qome. Qalaxayi ÿataqta choxodaicpiolec qome na netalec ana 'alhua qataq asom auaxai. Cha'ayi so shiÿaxaua lma'na ÿataqta dalemata. Qaq somayi qami' huenoteeguesopa, cha'ayi somayi ÿaÿateeta'a da mashi sa qaÿapeque ca laloqo'.

Apocalipsis 16:17

Qataq jec so pa'ateec soua siete namaxa'shi piguem lashi' da icodelec na pa'ashiguem. Huaña, nachi chigoqtoigui aso n'onaxanaxaqui piguem lashi so n'aqtac, ÿataqta alam, chigoqchiguiña so so'onqa', 'eeta': –Mashi sogote da ime.

Apocalipsis 21:6

Qataq aÿim 'enapega, 'eeta': –Mashi sogote da ime. Aÿim mayi nachaÿim l'atchiguiñi qataq sepa'ateec, shiita'am aca l'auaxana ana leetrapi qataq aca pa'ateec. Qaq cam ilem na laquip, qaq aÿim sanem ca 'etaxat mayi chigaqaigui da nca'alaxa mayi chigaqangui acam npaxaatashiguem na l'ec. Qaq camayi chochi qoÿaachi'.

Apocalipsis 4:10

nachi se'eso veinticuatro nquedoxonecpi i'alyiñi naua l-llicte da ÿi'oxoden som chochaq tateec da nachaalataxac. Nachi nqa't naua nado'ol da ÿacho'oto aso nso'onaxaqui. Ime, qaq 'eeta':

Apocalipsis 4:11

'Am qadataxala' Dios, 'itchiguiñi da 'am qoÿanot da 'ayi'oxoyic, 'ad'amaqchic, qataq da 'ad'añaxac; cha'ayi 'am 'ad'onatac 'enauacna, maichi 'am chigoqchigui, qaq ÿoqo'oyi yi'oq 'enauac namayipi.

Apocalipsis 4:9

Qaq naxa da se'esoua shiguiÿac da ÿi'oxode'n, ÿi'oxodeetrac, qataq ÿanoto da ntonaxa'c som nso'ootangui aso so'onaxaqui mayi chochaq tateec da nachaalataxac,

Apocalipsis 6:11

Nachi qoÿanema naua alogo lapagaxaiqa somayipi. Nachi qoÿiitega da ñaq cada'ac da deuataxanapec, to' qom ivita da ÿataqta nalota't na lqaÿañicpi mayi l'onataxanaxauapi mayi ña do'onataxaatacot so Cristo, da nachi 'eeta'am qome namayipi da qaÿalauat.