Apocalipsis 1:5 - Nuevo Testamento Toba Sur

⁵ Qataq chigoqo'ot so Jesucristo som ÿataqta ipacchiguilo naua l'aqtaqa ñi Dios, qataq nachiso so l'auaxanec da qanca'alaxateeguesop na leuaxaicpi, qataq nachiso so lataxala' na nta'alpi mayi huetalec ana 'alhua. Qaq somayi ÿataqta qomi' ÿauoteque, qataq iÿouec na qadasouaxashitpi, deÿoxonalo naua ltago'q,

Nuevo Testamento Toba Sombrero Negro

⁵ qama'le nach'e ena'am chiyoqo'ot joñe'me Jesucristo, nach'eñe jo'ne choqotaĝanaĝaic 'me yataqatelegue, joñe'me jo'ne 'uaechiñe da'me 'niyelaĝajeguem da'me chiyaqauelo gaa'me napa'lpi, qama'le yataqata nejaliaĝatelo'te yema jogaa'me nejaliaĝanaqa jena'me aleua. Nach'eñe jo'ne jalcote da'me qo'mi noqopitalo, Qama'le qo'mi doĝotaĝaneque gaa'me qadoeco Ca'li naliñi jaga'me letauo' da'me qoyalat.

Apocalipsis 1:5 Iomraidhean Croise

Mateo 20:28

Qaq 'eeta'am na shiÿaxaua llalec da namayi sa ishit da anac da yaqto' qanayiutapegue'. Chaqdata da namayi anac da yaqto' huapec, qataq ÿan da nachaalataxac, da 'eeta'am naq'en aca lashiue da yaqto' qalota na qanca'alaxateec.

Mateo 28:18

Nachi so Jesús nquiga somayipi, nachi 'enapega, 'eeta': –Aÿim mashi aÿim qaipataxalec da samaqpec 'enauac na hueto'ot na piguem qataq na huetalec ana 'alhua.

Juan 13:1

Qaq nachiso se'eso lÿa na'a'q so huetoigui so naponaxac da qaiuennate so na'a'q co'ollaq qanayica'ai yi Egipto. Qaq so Jesús mashi ÿaÿaten da ivita yi laloqo' da ca'ai ana 'alhua da ÿi'iguelaxa ñi lta'a. Qaq somayi nachi 'eetai' da lauotaxanaqtaic na lalamaxatpi mayi huetalec ana 'alhua, qaq nagui nachi ÿachaxana somayipi da 'eetec dam lta'adaic lauotaxanaqtaic.

Juan 13:34

Qaq nagui qami' sanema da dalaxaic namaxasoxonaxac, 'eeta': Ñi 'oonolec qome da qoñiita ÿataqta ÿauotec ca lÿa. Qoñiita'am da shiitec da ÿataqta qami' sauoteque, qaq nachida qome da qoñiitec da ñi 'oonolec da qoñiita ÿataqta ÿauotec ca lÿa.

Juan 15:9

Aÿim ÿataqta qami' sauoteque, shiita'am da 'eetec ñi ita'a da ÿataqta aÿim ÿauotec. Qaq qami' qome ÿataqta qoquiitegue da 'eetec da qami' sauoteque.

Juan 18:37

Nachi so Pilato 'enapego' somayi, 'eeta': –¿Qachi ÿoqta 'eesa da 'am nta'a? Nachi so Jesús 'enapeco': –Aja', aÿim nta'a, nachida dam qonapec. Aÿim sañiguiñi da ñanaÿa ana 'alhua, da yaqto' sa'axat cam 'eesa. Qaq 'enauac nam ÿalaxalec dam 'eesa, namayipi n'axaÿaxana dam i'aqtaxanaxac.

Juan 3:11

Aja', qalaxayi ÿataqta 'eesa de'eda 'am sa'axatem, da qomi' sa'axataqtac cam saÿajnaq qataq cam sauanaqchigui, qalaxayi qami' sa ishit da qomi' qau'amaqchiñi'.

Juan 3:16

Cha'ayi ñi Dios ÿataqta lta'adaic da lauotaxanaqtaic na shiÿaxauapi, ÿoqo'oyi ÿan na 'oonolec llalec, yaqto' 'enauac nam i'amaqten namayi, nachi sa ishit da ileu. Chaqdata da huo'o da lca'alaxa mayi chochaq tateec.

Juan 3:32

Qaq camayi da detaqa, qalaq i'axat nam ÿauaachigui qataq nam hua'aqchigui. Qalaxayi sa ishit da huo'o ca i'amaqten cam 'enapec camayi.

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

Hechos 26:23

Qaq dam n'aqtaxanaxac qoÿinac yi cam nta'a mayi nca'alaxaqui, camayi qome ÿataqta huo'o da nque'ejnaxac. Qaq da ime, nachi qaÿalauat, qaq nachica qome ca l'auaxanec da qanca'alaxateeguesop na leuaxaicpi. Ime, nachi camayi i'axatem da nca'alaxa nam qadhuo' l'ecpi qataq nam saq judío l'ecpi, qaq damayi 'eeta'am na yi'oqchiguiñi.

Romanos 3:25

Ñi Dios ÿan so Cristo, da yaqto' da l-leuaxa chigoqchigui naq'en da ishit da ÿapalaxat na nasouaxashitpi. Qaq damayi chigoqchigui da qaipi'iÿa'a somayi. Qaq de'eda 'eetec ñimayi, nshitaique da qaÿaÿaten da ishit da i'ot ca ÿaÿamaqchiguiñi, cha'ayi da lhualaxavic ñimayi ÿataqta sa ishit da ilogui som hua'au nasouaxashitpi.

Romanos 8:37

Qalaxayi 'enauac namayipi senoxotaqchiviigui. Chaqdata da ÿataqta qomi' 'añaxaiqa, da qad'añaxac chigoqchigui som qomi' lauotaqa'te.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxayi mashi qami' qaiqui'itaxatte', qataq mashi qanañañiÿot ñi Dios, qataq ñimayi mashi qami' ÿaÿamaxadeete'. Qaq 'enauac de'eda chigoqchigui so qadataxala' Jesús qataq so Espíritu mayi chigoqo'ot ñi qadta'a Dios.

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

Efesios 2:4

Qalaxayi ñi Dios ÿataqta lta'adaic da lchoxonnataxanaxa da qomi' ÿataqta ÿauoteque,

Efesios 5:2

Qataq ÿataqta qami' soxodaiqa, yaqto' qoñiita'am so Cristo da ÿataqta qomi' ÿauoteque, qataq qomi' nañaalguete da qomi' ileualguete, 'eeta'am ca qagueta llalec da qaÿalauat, qataq qaÿavigaxat da qoÿanot ñi Dios. Qaq da alaitaÿaxac ÿataqta ÿaÿamaxadeeta ñimayi.

Colosenses 1:18

Qataq so Cristo nachiso so lqaic da n'oquiaxac mayi nachina na 'amqajnataxanaxaicpi. Somayi nachiso so ÿanem da lca'alaxa de'eda n'oquiaxac. Somayi l'auaxanec da qanca'alaxateeguesop na leuaxaicpi, da yaqto' somayi nachisota 'oonolec nataxala'.

1 Timoteo 6:13

Qaq nagui qomi' ÿauaachiguilo ñi Dios mayi chigoqtacot da lca'alaxa 'enauacna, nataq'en ñi Jesucristo mayi i'axat da lpi'iÿaxac co'olloxochi qaÿataxaato'ot so nta'a Poncio Pilato. Ÿoqo'oyi nagui 'am shinapega

1 Timoteo 6:15

Qom ivita que'eca laloqo', nachi ñi Dios ÿachaxan somayi, cha'ayi ñimayi 'oonolec, 'añaxaic, qataq hueto'ot da namaxayic. Ñimayi mayi lta'a na nta'alpi, qataq lataxala' na nataxala'pi.

Hebreos 10:29

Qaq ¿táloxochiyictoxo' da saq taÿapigui yi qadvilli qami' da ÿataqta 'itchiguiñi da ÿacteec qome da nhuaxanaguec cam 'ico' petapigui so llalec ñi Dios, qataq ÿataqta saqca ca ÿanaiguilo soua ltago'q, qataq da ishiuen so n'Espíritu ñi Dios mayi ÿauotec camayi? Cha'ayi se'esoua ltago'q nachisoua soua ÿataqta 'itchiyiñi naq'en dam aÿamaxataxac dam chigoqchigui da qui'itta qanqoÿin namayipi.

Hebreos 9:14

Qaq da nachi 'eetec de'eda, qaq ¡huá'ago' da saq ÿacteec da l'añaxac soua ltago'q so Cristo! Cha'ayi chigoqchigui da l'añaxac som Espíritu mayi chochaq tateec da so Cristo maichi nañanot ñi Dios, 'eeta'am aca nachitaqtaxanaqte mayi ÿataqta qui'itta. Nachi naua ltago'q somayi ishit da iÿoueguesop da qadvilÿaxac na qadasouaxashitpi mayi taÿa'a da nleuaxa, da yaqto' ishit da so'onataxanqot ñim Dios mayi nachi 'eetai' da nca'altauec.

1 Pedro 1:19

cha'ayi nachisouate' soua ltago'q so Cristo mayi ÿataqta lta'adaic da lashiichiÿaxa'c co'ollaq 'eeta'am ca qagueta llalec mayi qaica ca lque'emaxa qataq qui'itta da qaÿalauat nachi qoÿaneuo da qaÿavigaxat.

1 Juan 1:7

Qalaxayi da ñachaataqtaigui na yi'oqchiguiñi, da shinaqta'am ñi Dios da nachattaigui na yi'oqchiguiñi, nachi ñi 'oonolec da shinaqta ÿataqta n'atta'ai' ca lÿa, nachi naua ltago'q mayi qaicoldeec so llalec Jesucristo co'ollaq qaÿalauat, iÿouec 'enauac na qadasouaxashit.

1 Juan 4:10

Qaq 'eda da huo'o mshi saÿajnaq da lauotaxanaqtaic ñi Dios da ñimayi hua'auñi da qomi' ÿauoteque. Ÿoqo'oyi qomi' namaxalo so llalec, da yaqto' chigoqchigui naq'en somayi da ÿapalaxat na qadasouaxashitpi. Qaq sa ishit da nachiqomi' chigoqchiguilo da sauotaxac ñimayi.

Apocalipsis 11:15

Nachi so pa'ateec soua siete namaxa'shi, somayi ÿashiiyigui aso lashiide. Nachi qai'axaÿa so lta'adaic nvilÿaxacpi mayi chimqot na piguem, 'eeta': Da l'onataxanaxac na nta'alpi da ilo'ogue nam huetalec ana 'alhua, damayi nagui lalamaxat ñi qadataxala' qataq som namaq nta'a qadca'alaxaqui; nachi somayi chochi tateec nagui da ilo'ogue 'enauac namayipi.

Apocalipsis 11:3

Nachi aÿim qome sama'q caua dos ÿamaxa'shi, da yaqto' i'axa't naua i'aqtaqa, ÿataqta ividaxattreec caua mil doscientos sesenta na'axa'te. Qaq caamayi ÿaatrañi caua alogo lasouaxaqui'.

Apocalipsis 17:14

Qaq namayipi delogui' qome so qagueta llalec. Qalaxayi somayi loxonec qome namayipi, cha'ayi somayi nachiso so lataxala' na nataxala'pi qataq lta'a na nta'alpi. Qataq na hueta'aguetpi somayi nachina nam ÿataqta qaiÿaxana qataq lca'aguishicpi ñi Dios. Qataq namayipi quetague' somayi.

Apocalipsis 19:11

Huaña, nachi sela'a na piguem da nauatoigui, nachi nachaxan so caaÿo lapagaxaic. Qaq som netalec l'enaxat ipacchiguilo naua l'aqtaqa qataq 'eesoda. Qaq da nloquiaxac ÿaÿamaqchiguiñi da nta'a qataq da nmit na shiÿaxauapi.

Apocalipsis 19:16

Qataq somayi so lapo' qataq na ltele'ta nachi nanettalec so l'enaxat, 'eeta': Lta'a na nta'alpi qataq lataxala' na nataxala'pi.

Apocalipsis 2:13

Aÿim ÿataqta saÿateeta 'enauac nam 'au'ottacpi, qataq saÿaten da qonetangui nam ilotague' so Satanás. Qalaxayi ñaqaiyita 'am ÿataqta aÿim qoquetelec, qaq ÿataqta sa ishit da 'axaañi da aÿim 'au'amaqteetac, nai'ctaxa da co'ollaq qaÿalauat so i'aqtaxanaxanec Antipas, som 'oonolec da qoñiita, mayi huaña yim hueta'a so Satanás.

Apocalipsis 3:14

Qataq nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Laodicea. Qoneta': “'Eeta' da l'aqtac nam ÿataqta 'eesa, nam sa ishit da napacalec ca l'aqtac, nam chigoqchigui 'enauac nam i'otpi co'ollaxa ñi Dios. 'Eeta':

Apocalipsis 7:14

Nachi aÿim shiita': –Aque', 'am ÿataxala', 'am mayi 'auaÿaten. Nachi somayi 'eeta': –Qomyi ne'ena, nachina na chigoqtoigui da lta'adaic que'ejnaxac. Nachina na iÿoi' naua alogo qataq ÿataqta qui'itta, souaxat da deÿoxonalo naua ltago'q ñi qagueta llalec.