Apocalipsis 1:18 - Nuevo Testamento Toba Sur

¹⁸ Qaq aÿim mayi nachaÿim ñica'alapeguec. Aÿim co'ollaxa seleu, qalaxayi nagui qaltaq ñica'altauec, qanachi sa lÿa da seleu. Qaq nagui aÿim hueto'ot da l'añaxac da nleuaxa qataq cam laponqa' na leuaxaicpi.

Nuevo Testamento Toba Sombrero Negro

¹⁸ nataq'aen da'me naqayem jo'ne nach'e eta't da'me jec'aletaye: naqayem jo'ne jeleu ca'li, qalaĝaja nayi male nach'e eta't da'me jec'aletaye, qama'le jayem ue'tajop da'me yañoqotaĝanaĝac qaedi 'ñiyelaĝachidijeguem gaa'me joote yele'u, da'me jachiyoĝotedaue di'me napa'lpi necoñetaĝaiqui'.

La'aqtaqa Ñim Lo'onatac 'Enauacna 2013

¹⁸ qataq Aỹem ñeca'altauec. Aỹem co'ollaxa seleu, qalaxaye nagui chochaq tatec da ñeca'altauec, qataq huo'o da ỹa'añaxac da ñataỹaña da la'añaxac da nleuaxa.

Apocalipsis 1:18 Iomraidhean Croise

Mateo 11:23

Qataq 'am pueblo Capernaum, ¿'am 'aupi'itaxaatega peta'a da ÿataqta 'avido'ot na piguem? Qalaxayi 'am qañi'iguelaxajñi qome, nachi ÿataqta 'avidaña cam laponqa' na leuaxaicpi. Cha'ayi yi la ciudad Sodoma da huo'otaq huañáctaxa nam so'otpi mayi huaigui da qoñiita, nachi se'eso la ciudad ishíttaxa da ivittaiguilo naua na'axa'te mayi souaqtaiguilo.

Mateo 16:19

Qaq aÿim qome 'am sami' aca lvinaqte da l'onataxanaxac ñi Dios mayi neta'ague da piguem. Qaq ca 'am 'auashiita ana 'alhua, qaq camayi nataq'en qaÿashiita da piguem. Qaq ca 'am sa ishit da 'auashin, qaq camayi nataq'en sa ishit da qaÿashin da piguem.

Lucas 24:5

Qaq soomayi yi i'alyiñi naua l-llicte, nachi ÿataqta ividaxata'agueta naq'en na 'alhua naua lata'pi souaxat da lcolanqa'. Nachi se'esoua shiÿaxa'u 'ena'po': –¿Tá'ainco' yi qanmichiitapigui na leuaxaicpi da qanmichiitaique som nca'altauec?

Juan 11:25

Nachi so Jesús 'enapego' asomayi, 'eeta': –Aÿim mayi nachaÿim ñica'alaxateec ca leuaxaic, qataq nachaÿim nca'alaxa. Ca aÿim i'amaqten, qaq nai'ctaxa da ileu, qalaxayi ishit da nca'aleec.

Juan 14:19

Qaq mashi yaqta'a da ivita yi laloqo' da na shiÿaxauapi qome sa ishit da aÿim ila'a, qalaxayi qami' qome qalaq aÿim qauloita'a. Cha'ayi qanca'alliitauec, cha'ayi aÿim ñica'altauec.

Romanos 6:9

Cha'ayi qomi' saÿajnaq so Cristo co'ollaq ñi Dios qaltaq nca'aleec naq'en, nachi somayi lÿactoxo' da qaltaq ileu, cha'ayi da nleuaxa mashi sa ishit da huo'o ca l'añaxac da qaltaq ÿalauat somayi.

2 Corintios 13:4

Qaq 'eesa da 'ico' qaica ca l'añaxac somayi co'ollaq qaiuaxaneuo, qalaxayi somayi nachattaigui da l'añaxac ñi Dios. Qaq ÿoqo'oyi nataq'en qomi' ñiuanaqau'a dam lchiguemaxa. Qalaxayi da ñi'adaqtau'a somayi, nachi qomi' nachattaiguilo da l'añaxac ñi Dios, yaqto' ishit da qami' souaqtapegueto.

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

Colosenses 3:3

Cha'ayi qami' mashi qadleuaxauai so Cristo, qaq nagui da qanachaalataxaqui hueto'ot somayi da n'attau'a ñi Dios.

Hebreos 1:3

Qaq somayi nachiso som lli'oxoyic da l'edaxa ñi Dios, qataq somayi nachiso som lqui'iÿaxac ñimayi, qataq somayi nachiso som nllitañi 'enauacna, nam l'aqtaqa mayi qaica ca ÿaqalana'pe. Qaq somayi co'ollaq imat da iÿouec 'enauac nam qadasouaxashitpi, nachi somayi nso'ongue da aloic ñi Dios mayi nso'ootangui aca nso'onaxaqui da nta'a mayi neta'ague da piguem.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

Hebreos 7:16

da somayi qoÿanagui da ntaxaÿaxanaxanec. Qalaxayi sa ishit da chigaqaigui ca ñalaqpi mayi i'axat na nqataxacpi da chigaqaigui ca ntaxaÿaxanaxanec. Cha'ayi somayi chigoqchigui da l'añaxac da nachaalataxac mayi sa ishit da qanlaxajñi.

Hebreos 7:25

Qaq ÿoqo'oyi somayi ishit da chochaq tateec da nca'alaxateec cam chigoqchigui somayi da nañanot ñi Dios. Cha'ayi somayi nachi 'eetai' da nca'altauec, da yaqto' nqouagaxaueetacot ñi Dios souaxat namayipi.

Apocalipsis 10:6

Nachi ÿanot da l'aqtac ñim nachi 'eetai' da nca'altauec, ñim l'onatac na piguem, qataq ana 'alhua, auaxai, qataq 'enauac nam huetalecna, 'eeta': –Nagui mashi sa ishit da qaltaq huo'o ca qaiuatta'a.

Apocalipsis 15:7

Nachi so 'oonolec soua cuatro shiguiÿac, somayi ÿami' ñi 'oonolec somayipi ana 'ico' ÿomaxaqui mayi chigaqaigui na oro. Qaq asa'aso ÿomaxaquipi ÿataqta nlaqchigui nam qaica ca 'en'am da lchiquiaxac lhuaxanaxanaxac ñi Dios ñim chochaq tatreec naua na'axa'te da nachaalataxac.

Apocalipsis 2:8

Nataq'en 'auamaxa aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Esmirna. Qoneta': “'Eeta' da l'aqtac na l'auaxanec co'ollaxa da huo'o, qataq nachina na pa'ateec, nam qaÿalauat co'ollaxa, qaltaq ÿi'iguelaxalec da nca'aleec, 'eeta':

Apocalipsis 20:13

Nachi aso auaxai ÿaneuo nam leuaxaicpi mayi huetangui. Qataq so nleuaxa qataq som laponqa' na leuaxaicpi, soomayi ÿaadeuo nam hueto'oto. Nachi 'enauac somayipi qanmit ñi 'oonolec na i'otpi, da yaqto' qaishiiten.

Apocalipsis 20:14

Ime, nachi so nleuaxa qataq som laponqa' na leuaxaicpi, soomayi qaÿasaxayingui so lta'adaic nodec. Qaq se'eso lta'adaic nodec, somayi nachiso so ÿaqa'aguet nleuaxa.

Apocalipsis 3:7

Nataq'en 'auamaxa aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Filadelfia. Qoneta': “'Eeta' da l'aqtac nam ÿataqta qui'itta qataq 'eesa, nam hueto'ot ana lvinaqte ca lma' so nta'a David, nam da ÿauatoigui ca lasom qalaq sa ishit da huo'o ca ishit da ÿapogui, qataq da ÿapogui ca lasom qalaq sa ishit da huo'o ca ishit da ÿauatoigui:

Apocalipsis 4:9

Qaq naxa da se'esoua shiguiÿac da ÿi'oxode'n, ÿi'oxodeetrac, qataq ÿanoto da ntonaxa'c som nso'ootangui aso so'onaxaqui mayi chochaq tateec da nachaalataxac,

Apocalipsis 5:14

Qaq soua cuatro shiguiÿac 'eeta': –¡Aja', nachi 'eetec! Qaq som veinticuatro nquedoxonecpi nachi i'alyiñi naua l-llicte, nachi ÿi'oxoden ñim qaica ca loga't da nachaalataxac.

Apocalipsis 6:8

Qaq samata'a, nachi sela'a so lÿa caaÿo qoñoxoic. Qaq som netalec l'enaxat nleuaxa. Qaq so nca'attauo, somayi nachiso so lqui'i cam laponqa' na leuaxaicpi. Nachi se'eso nleuaxa qoÿami' da l'añaxac, da yaqto' ÿalauat ñi 'oonolec na cuatro shiÿaxauapi na huetalec ana 'alhua, da idolec ca alaataxac, qataq ca nqouaxa, qataq na nalolaxa, qataq nam shiguiÿacpi dequi'iÿapec mayi huetalec ana 'alhua.

Apocalipsis 9:1

Qaq so lÿa namaxashic piguem l'ec, can ÿashiiyigui aso lashiide, nachi sela'a aso huaqajñi mayi chigoqo'ot co'ollaxa na piguem da talec ana 'alhua. Nachi asomayi qoÿami' aso lvinaqte ca lasom cam laponqa' na leuaxaicpi.