Apocalipsis 1:11 - Nuevo Testamento Toba Sur

¹¹ Qaq aÿim 'enapega, 'eeta': –Nachaÿim mayi aÿim l'auaxanec qataq nachaÿim mayi sepa'ateec, shiita'am aca l'auaxana ana leetrapi qataq aca pa'ateec. Qaq 'am 'edelec qome aca nede 'enauac na 'auauaachigui. Ime, qaq 'auamaxalo qome naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia: yim Éfeso, Esmirna, Pérgamo, Tiatira, Sardes, Filadelfia, qataq yi Laodicea.

Nuevo Testamento Toba Sombrero Negro

¹¹ Qama'le jayem enapega: “Auediñe da'me dojo' jo'ne auana jo' qomle, auachalegue jaga'me nede qaedi auamaĝalo jogaa'me siete tamenaĝaiqui', jogaa'me jo'ne napi'ñalo jogaa'me noyaqa jo'ne netedaue di'me aleua Asia: gaa'me noyaqa jo'ne Éfeso, Esmirna, Pérgamo, Tiatira, Sardes, Filadelfia nataq'aen di'me Laodicea.”

La'aqtaqa Ñim Lo'onatac 'Enauacna 2013

¹¹ Qaq se'eso nvilỹaxac aỹem 'enapega, 'eeta': «'Auauo'o aca 'ere da 'iyiñi nam 'aulota'api, ime, qaq 'auamaxalo naua siete 'aleu' maye hueta'alo nam ỹa'amaqten So Jesús maye huetaigui ye 'alhua Asia, yem nỹecpi ye Éfeso, Esmirna, Pérgamo, Tiatira, Sardis, Filadelfia, qataq ye Laodicea.»

Apocalipsis 1:11 Iomraidhean Croise

Hechos 16:14

Qaq huo'o aso 'oonole 'alo, l'enaxat Lidia, chigaqa'ague co'ollaxa da la ciudad Tiatira. Qaq asomayi imeetac ana ÿataqta no'on npotoyic nauedalec na ltogaxa. Asá'aso 'alo nachi 'eetai' da quetague' ñi Dios. Nachi asomayi n'axaÿaxaatac, nachi so qadataxala' ÿauatoigui da lquiyaqteÿaxac da yaqto' ÿaconguet dam i'axattac so Pablo.

Hechos 18:24

Qaq se'esoua na'axa'te nachi nvita yi Éfeso so judío l'ec l'enaxat Apolo. Somayi nachi lañoqo' yi 'alhua Alejandría, qaq somayi ÿataqta ÿaÿaten da l'aqtaxanaxac, qataq ÿataqta ÿaÿate'n naua llico naua nanettrañi l'aqtaqa ñi Dios.

Hechos 20:17

Qaq so Pablo co'ollaq hueta'a yi Mileto, nachi damaxasoxoneu'a na lataxala'pi na 'amqajnataxanaxaicpi mayi netaña yi Éfeso.

1 Corintios 15:32

Aÿim 'eeta'am da ÿataqta selogui' na shiguiÿacpi co'ollaq soota'a na Éfeso, qalaxayi ¿negue'tom ca sachigoxotaigui damayi? Da huo'otaq sa ishit da 'en da nca'aleec qanqoÿin na leuaxaicpi, qaq ÿoqta 'eesa quenaxa da n'aqtac mayi 'eeta': “Sequi'aq qataq ñiÿomaq, cha'ayi qome nte' seleuaq.”

1 Corintios 16:8

Qalaxayi sauotaique da sonaña qome yi Éfeso, sovidaxattauga ca na'a'q Pentecostés,

Efesios 1:1

Aÿim Pablo, da ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Qaq qami' samaxalo ana ÿide, qami' mayi qami' lalamqa'te ñi Dios qataq qau'amaqchiñiitac so Cristo Jesús, mayi qoñiitaña na la ciudad Éfeso.

Colosenses 2:1

Qaq aÿim ñishitaique da qami' qauaÿajñiita da ÿataqta lta'adaic da ñiloquiaxac souaxat da qoñiita, qataq nam netaña yi la ciudad Laodicea, qataq 'enauac nam saxanaxa da aÿim ÿauatton.

1 Timoteo 1:3

Ñishitaique da 'am ñaq qonetaña yi la ciudad Éfeso, 'eeta'am so lÿa na'a'q co'ollaq aÿim sata'ague da 'alhua Macedonia, cha'ayi huo'o na dapaxaguenataxaatapeguec na sa lataxac. Ÿoqo'oyi ñishitaique da qonapega namayipi da sa ishit da quetalec da dapaxaguenataxaatapeguec de'eda,

Apocalipsis 1:17

Qaq co'ollaq sela'a, nachi souañi, 'eeta'am da seleu. Qalaxayi somayi ÿauota'a na lhuaq aloic da aÿim ipoteu'a. Nachi aÿim 'enapega, 'eeta': –Sa ishit qome da 'ayi'i. Aÿim mayi nachaÿim l'auaxanec, qataq aÿim mayi nachaÿim sepa'ateec.

Apocalipsis 1:19

Qaq 'iyiñi qome 'enauac na 'auauaachigui, qataq 'enauac nam nagui yi'oq, qataq cam ñaq taÿa'a da yi'oq.

Apocalipsis 1:2

Qaq ÿoqo'oyi somayi ÿataqta 'eesa de'eda l'aqtaxanaxac 'enauac nam ÿauaachigui, da ÿataqta 'eesa da l'aqtacpi ñi Dios dam qomi' nda'alo so Jesucristo.

Apocalipsis 1:20

Qaq 'eda dam saq cha'a n'aqtaguec asom siete huaqajñi mayi 'auauaachigui da huetaigui na iuaq qataq asom siete ncoÿadaxanaxaqui mayi chigaqaigui na oro, 'eeta': asom siete huaqajñipi, naigui ñi 'oonolec na namaxashic piguem l'ecpi mayi ilotague' na 'amqajnataxanaxaicpi mayi netalguete naua siete 'ale'u. Qaq aso siete ncoÿadaxanaxaqui naigui na 'amqajnataxanaxaicpi mayi netalguete se'esoua siete 'ale'u.

Apocalipsis 1:4

Aÿim Juan, samaxa ana ÿide naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia. Qami' ÿaqaÿañicpi, ñishitaique da qami' qauacoñiiguet da nqouagaxanaqtaic qataq da nlagaxayic mayi chigoqo'ot ñi Dios, ñim nachi 'eetai' da huo'o, qataq ñim do'onataxaatac nagui, qataq naÿa'cna. Qataq nataq'en chigoqo'ot nam siete saq cha'api mayi datatau'a ca nso'onqa' ñimayi.

Apocalipsis 1:8

Qaq 'enapec ñi qadataxala' Dios: “Aÿim mayi nachaÿim l'atchiguiñi, qataq nachaÿim pa'ateec, shiita'am aca l'auaxana ana leetrapi qataq aca pa'ateec.” Qaq 'eda da 'enapec ñim qaica ca ÿaqalanapec, ñim nachi 'eetai' da huo'o, qataq ñim do'onataxaatac nagui, qataq naÿa'cna.

Apocalipsis 10:4

Qaq can ime da ltaxaÿaxa'c soua siete qasoxonaxa, nachi aÿim sauotaique shiyiñi. Qalaxayi aÿim sa'axaÿa so n'aqtac, chimqot na piguem, aÿim 'eetega, 'eeta': –Sa ishit qome da 'iyiñi da l'aqta'c soua siete qasoxonaxa, yaqto' sa ishit da huo'o ca ÿaÿaten.

Apocalipsis 14:13

Ime, nachi sa'axaÿa so n'aqtac chimqot na piguem, aÿim 'enapega, 'eeta': –'Iyiñi qome da 'eeta': “Ÿataqta machiguiñi qome nagui ca ileu da huo'otaq ileutañi' da l'amqajnataxanaxac so qadataxala'.” Nachi so Espíritu Santo 'enapec: “Aja', nachi 'eetec.” Cha'ayi camayi nmateeguesop nam l'onataxanaxacpi. Qaq da l'onataxanaxac, qalaxayi sa ishit qome da qaicoua'ai.

Apocalipsis 19:9

Nachi som namaxashic aÿim 'enapega, 'eeta': –'Iyiñi qome da 'eeta': “Ÿataqta machiguiñi qome na qaiÿaxana da ÿalectau'a ca ladonaxac so qagueta llalec.” Nachi qaltaq aÿim 'enapega, 'eeta': –De'eda l'aqtac ñi Dios, damayi ÿataqta 'eesa.

Apocalipsis 2:1

'Auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Éfeso. Qoneta': “'Eeta' da l'aqtac na huetaiguilo na lhuaq ana siete huaqajñi, qataq huetangui na laiñi ana siete ncoÿadaxanaxaquipi mayi chigaqaigui na oro, 'eeta':

Apocalipsis 2:12

Nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Pérgamo. Qoneta': “'Eeta' da l'aqtac na huo'o na lainec mayi ÿataqta ÿaxadaic qataq dos naua ala'pi, 'eeta':

Apocalipsis 2:18

Nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Tiatira. Qoneta': “'Eeta' da l'aqtac na llalec ñi Dios, nam 'eeta'am na nodec l'edaxa naua l'ai'te, qataq naua lchil 'eeta'ama na nqashilgaqtac lcat l'enaxat bronce, 'eeta':

Apocalipsis 2:24

Qalaxayi qami' mayi qoñiitaña na Tiatira mayi sa ishit da qoquiigue de'eda napaxaguenataxanaxac qataq sa ishit da qavichiÿa da qauauattoñi dam qoÿiitega saq cha'a lataxac so Satanás, qaq aÿim qami' shinapegalo da sa ishit da qaltaq sauo'o ca lÿa qami' sachilguete.

Apocalipsis 2:8

Nataq'en 'auamaxa aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Esmirna. Qoneta': “'Eeta' da l'aqtac na l'auaxanec co'ollaxa da huo'o, qataq nachina na pa'ateec, nam qaÿalauat co'ollaxa, qaltaq ÿi'iguelaxalec da nca'aleec, 'eeta':

Apocalipsis 21:5

Nachi som nso'ootangui asom nso'onaxaqui na nta'a 'eeta': –Ña 'aula'a, nagui aÿim ñadalaxat 'enauacna. Nataq'en 'eeta': –'Iyiñi qome ne'enapi, cha'ayi ne'ena n'aqtacpi ÿataqta 'eesa qataq ishit da qaipi'iÿa'a.

Apocalipsis 22:10

Qataq aÿim 'enapega, 'eeta': –Sa ishit qome da 'oxojñi de'eda l'aqtaxanaxac ñi Dios mayi nanettalec ana'ana nede. Cha'ayi mashi sa qaÿapeque yi laloqo' da ipacchiguilo naua qai'axa't.

Apocalipsis 22:16

–Qaq nachaÿim Jesús mayi ñamaq so ÿamaxashic, da yaqto' i'axatem 'enauac de'eda nam aÿim i'amaqteetac. Qaq nachaÿim mayi aÿim chigoxoguet so nta'a David qataq nachi sachigoxoguet somayi. Qataq aÿim mayi nachaÿim huaqajñi yi'oxoñi lalaqte.

Apocalipsis 3:1

Nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Sardes. Qoneta': “'Eeta' da l'aqtac nam lasoqta'a so siete saq cha'api mayi chigoqo'ot ñi Dios qataq soua siete huaqajñi: Aÿim saÿaten 'enauac nam 'au'ottacpi, qataq saÿaten da 'am leuaxaic, nai'ctaxa da huo'o da 'an'aqtaguec da 'am 'anca'altauec.

Apocalipsis 3:14

Qataq nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Laodicea. Qoneta': “'Eeta' da l'aqtac nam ÿataqta 'eesa, nam sa ishit da napacalec ca l'aqtac, nam chigoqchigui 'enauac nam i'otpi co'ollaxa ñi Dios. 'Eeta':

Apocalipsis 3:4

Qalaxayi huo'o na shiÿaxauapi na netaña na Sardes na sa ishit da ishipaxanaqchi't na alogo. Qaq namayipi aÿim hueta'aguet qome, ÿaatrañi caua lapagaxaiqa alogo, cha'ayi nachi lataxac.

Apocalipsis 3:7

Nataq'en 'auamaxa aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Filadelfia. Qoneta': “'Eeta' da l'aqtac nam ÿataqta qui'itta qataq 'eesa, nam hueto'ot ana lvinaqte ca lma' so nta'a David, nam da ÿauatoigui ca lasom qalaq sa ishit da huo'o ca ishit da ÿapogui, qataq da ÿapogui ca lasom qalaq sa ishit da huo'o ca ishit da ÿauatoigui: