Apocalipsis 1:10 - Nuevo Testamento Toba Sur

¹⁰ Qaq huetoigui so na'a'q mayi laloxoqui da qaÿi'oxoden so qadataxala', co'ollaq aÿim nvita da sootaigui da l'añaxac so Espíritu Santo. Nachi sa'axaÿa co'ollaxa so lta'adaic nvilÿaxac, chimaxague na ilaq, 'eeta'am na l-lamaxa ana nashiide.

Nuevo Testamento Toba Sombrero Negro

¹⁰ Ca'li jouetoue jo'me nolo' jo'ne laloqo' joñe'me Jaliaĝanec da'me qo'nonaĝachigui, qama'le jayem ua'ajop da'me lañoqotaĝanaĝac ñe'me Dios Lepaqal. Chane'eja jomachiya ga'me lejamaĝa da'me chimaqapegue jena'me jachiyoĝogue jo'ne netenec da'me 'laqatac, ena'am jaga'me najeede qom qoyajediye.

La'aqtaqa Ñim Lo'onatac 'Enauacna 2013

¹⁰ Qaq huetoigui so na'a'q maye laloxoqui da qaỹo'oxoren So Qarataxala', co'ollaq aỹem souaigui da la'añaxac So Saqcha'a Na'añaxac Qui'itta. Nache sa'axaỹa co'ollaxa so lta'araic nvilỹaxac, chemaxague na ilaq, 'eeta'am da l-lamaxa ana nasheere.

Apocalipsis 1:10 Iomraidhean Croise

Mateo 22:43

Nachi so Jesús 'enapego' somayipi, 'eeta': –Qalaq ¿tá'ainco' qone' so David yi co'ollaq i'aqtaxanaxan so Espíritu Santo, nachi ÿamata'ac camayi da lataxala'? Cha'ayi so David 'enapeco':

Juan 20:19

Qaq se'eso na'a'q mayi l'auaxanec naua na'axa'te co'ollaq mashi pe, nachi soua napaxaguenataqa, soomayi lapoota'a't. Qaq ÿataqta ÿapochiyigui so lasom, souaxat da qañi'itega na judiopi. Nachi so Jesús pa'auo, nachi vichiguinguilo na laiñi soua lapaxaguenataqa. Nachi iqui'n, 'eeta': –Qami' huo'o qome da qadlagaxayiqui.

Juan 20:26

Qaq co'ollaq mashi ivi' naua ocho na'axa'te, nachi soua napaxaguenataqa qaltaq lapoota'a't da huetra'a so noÿic, nachi ÿalectauo so Tomás da hueta'agueta soomayi. Qaq nai'ctaxa da ÿataqta ÿapochigui so lasom, qalaq so Jesús pa'auo, nachi vichiguinguilo soomayi. Nachi iqui'n, 'eeta': –Huo'o qome da qadlagaxayiqui.

Hechos 20:7

Qaq so l'auaxanec na'a'q naua na'axa'te, nachi huo'o so qalaponaxac, da yaqto' sachiguenaq ana pan. Nachi so Pablo ÿapaxagueetac na 'amqajnataxanaxaicpi. Qaq cha'ayi somayi huotaique da jec so lÿa na'a'q, nachi ÿataqta quetot da l'aqtaxanaxac, chochi ivitta'a da laiñi so pe.

1 Corintios 12:3

Ÿoqo'oyi ñishitaique nagui da qauaÿajñiita da ca itaxaÿaxanaxan so Espíritu mayi chigoqo'ot ñi Dios, sa ishit da 'enapec da l'aqtac: “¡Yi sa qaÿalauato' so Jesús!” Qataq qaica ca ishit da 'enapec: “¡Nachiso so Jesús mayi ÿataxala'!” da huo'otaq sa ishit da nachiso so Espíritu Santo da i'aqtaxanaxan.

1 Corintios 16:2

Da iviteuga ca na'a'q l'auaxanec naua la semana, nachi ñi 'oonolec da qoñiita huo'o aca iÿotauga, qalaxayi acatai' nalotau'a nachaca ÿaÿamaxat, yaqto' sa ishit da iuen da qai'ot aca ntaunaxanaqte qom qami' sevitalo.

Apocalipsis 17:3

Qaq can ñaq sootaigui se'eso ÿauanaqchic mayi aÿim ÿanem so Espíritu Santo, nachi se'eso namaxashic aÿim ÿauega so tojlec 'alhua. Huaña somayi, nachi sela'a aso 'alo netalec so shiguiÿac togaxadaic mayi nanettalec 'enauac na l'oc na n'enaxatpi mayi ÿataqta npa'aguene' ñi Dios. Qaq somayi siete na lqaicpi, qataq diez ana lcouepi.

Apocalipsis 21:10

Qaq can ñaq sootaigui se'eso ÿauanaqchic mayi aÿim ÿachaxana so Espíritu Santo, nachi som namaxashic aÿim ÿaviguishiguemec aso qaÿoqotchiguemec qasoxonaxa. Nachi aÿim ÿachaxana so lta'adaic la ciudad Jerusalén, ÿataqta qui'itta. Somayi chigoqto'ot na piguem, chigoqtot ñi Dios.