3 Juan 1:9 - Nuevo Testamento Toba Sur

⁹ Qaq aÿim shiyiñi co'ollaxa aso ÿide da samaxa na 'amqajnataxanaxaicpi. Qalaxayi ca Diótrefes sa ishit da ÿaconguet da qadamaxasoxonaxac, cha'ayi camayi nshitaique da nachicata lataxala' namayipi.

Nuevo Testamento Toba Sombrero Negro

⁹ Ja'uo ga'me yediijec ca'li jo'ne ami jedenaqatenalo, ami jo'ne p'etaqadaiquipi, qalaĝaja Diótrefes ja yaconeguet da'me qat'aqataĝanaĝac, qa'a ñe'me 'yamaqaten da'me mach'eñe damaĝajoĝonac.

La'aqtaqa Ñim Lo'onatac 'Enauacna 2013

⁹ Aỹem sauo'o co'ollaxa aso ỹere da samaxa na ỹa'amaqten so Jesús, qalaxaye so Diótrefes saishet da ỹaconeguet da ỹamaxasoxonaxac, cha'aye somaye nqopita da nachaqsota da damaxasoxootac.

3 Juan 1:9 Iomraidhean Croise

Mateo 7:8

Cha'ayi cam deÿaxan, qalaq ÿaconguet ca iÿaxanaique; qataq cam demitaxan, qalaq ÿanata ca nmittaique; qataq ca itoqneu'a ca lasom, qalaq qanauateguet.

Marcos 9:34

Qalaxayi soomayi sa ishit da ÿasa't, cha'ayi soomayi co'ollaq huangui so nqa'aic, nachi ncotatrapigui da chaq negue't soomayi ca ÿoqta ÿacteec da l'amaqchic.

Marcos 9:37

–Ca shiÿaxaua da aÿim quetague' da huo'otaq ÿacongueta ca 'oonolec ne'ena nogotolec, qaq nachaÿim mayi aÿim ÿaconguet. Qaq sa ishit da nachaqaÿimta da aÿim ÿaconguet, cha'ayi camayi nataq'en ÿaconguet ñim aÿim namaq.

Lucas 9:48

Nachi 'enapeco': –Ca ÿaconguet ne'ena nogotolec souaxat da aÿim i'amaqteetac, qaq nachaÿim mayi aÿim ÿaconguet. Qaq ca aÿim ÿaconguet, qaq nataq'en ÿaconguet ñim aÿim namaq. Cha'ayi ca ÿapacteec qaica ca l'amaqchic 'enauac da qoñiita, qaq nachica ca ÿacteec da l'amaqchic.

Romanos 12:10

Ñi 'oonolec ÿataqta ÿauotec ca lÿa, 'eeta'am naq'en da lauotaxanaqtaic ca maichi lqaÿa. Qataq ÿataqta ipacapega ca lÿa, qataq ñi 'oonolec sa ishit da saq huo'o naq'en ca 'enec ca lÿa.

Colosenses 1:18

Qataq so Cristo nachiso so lqaic da n'oquiaxac mayi nachina na 'amqajnataxanaxaicpi. Somayi nachiso so ÿanem da lca'alaxa de'eda n'oquiaxac. Somayi l'auaxanec da qanca'alaxateeguesop na leuaxaicpi, da yaqto' somayi nachisota 'oonolec nataxala'.

2 Juan 1:9

Cha'ayi ca camachaqcague't da huo'otaq hua'auapec, qaq sa ishit da n'onaigui dam dapaxaguenataxanec so Cristo, qachi camayi sa ishit da hueta'aguet ñi Dios. Qalaxayi cam nachi 'eetai' da huetaigui da lapaxaguenataxanaxac so Cristo, camayi hueta'aguet ñi qadta'a Dios qataq so llalec.

3 Juan 1:8

Qaq ÿoqo'oyi qomi' ishit da ñachoxola't da seloxoguet namayipi da setauanaxac da l'aqtaxanaxac da i'axat da n'aqtac mayi 'eesa.