3 Juan 1:4 - Nuevo Testamento Toba Sur

⁴ Qaica ca lÿa ÿacteec naq'en da ñitonaxac da huo'otaq aÿim saÿaten da na ÿalaqpi huetaigui da i'ottac da n'aqtac mayi ÿataqta 'eesa.

Nuevo Testamento Toba Sombrero Negro

⁴ Nataq'aen da'me dojo' yamaic jo'ne p'ajaye queda'me jayate'n jogaa'me yalaqapi queda'me 'nañaĝatela'ajalo quetedalegue da'me jo'ne chimaqachiñe.

La'aqtaqa Ñim Lo'onatac 'Enauacna 2013

⁴ Qaica ca lỹa ỹo'ot da ñetonaxac da saỹaten da na ỹalaqpi, nache 'eetai' da ỹo'ottac dam 'eesa lataxac, maye qomi' ỹapaxagueneque Ñim Lo'onatac 'Enauacna.

3 Juan 1:4 Iomraidhean Croise

2 Corintios 6:13

Qaq nagui qami' ñachoxodeetoiguilo, shiita'am ca nta'a da nachoxodeetoigui ca llalaqpi, da ÿataqta qauauachiitoiguilo qome naua qadquiyaqchilli' da qoñiita'am aÿim da qaica ca sauotaique da qami' setaxaiguilo.

Gálatas 2:14

Qalaxayi co'ollaq aÿim sela'a da sa ishit da natenguet da lataxac da lapaxaguenataxanaxac dam n'aqtac mayi chigaqaigui da nca'alaxa, nachi aÿim sevidaxato'ot so Pedro, ÿauaachigui ñaq'en 'enauac nam 'amqajnataxanaxaicpi. Shiita': “'Am, 'am judío l'ec, qalaq so lÿa na'a'q 'au'enaxat da n'onataxac na saq judiopi da 'axaañi da n'onataxac na judiopi, qalaq ¿tá'ainco' nagui da 'anshitaique 'eleetac na saq judiopi, da yaqto' i'enaxat da n'onataxac na judiopi?”

Gálatas 4:19

Qami' ÿalqolqa, nagui qaltaq ipactegue da ñiqui'ic, souaxat da qoñiita, shiita'am aca 'alo da dachitattac, souaxat da huotaique da deco'o. Qaq nachi shictot qome da ñique'ejnaxac, chochi ivitta'a so Cristo da qami' quichiguilo da lataxac.

1 Ts 2:11

Nataq'en qauaÿajñiite' qomi' co'ollaq qami' souaqta'agueta, qalaq se'enaxataqteguem ca shiÿaxaua da i'añaqchit qataq ÿanem da lamaiquiaxac ca llalec.

1 Timoteo 1:2

'Am Timoteo, 'en'am da 'am ÿalec, cha'ayi aÿim 'auachigoxottot da 'adpi'iÿaxac. 'Am samaxa ana ÿide, cha'ayi ñishitaique da 'auaconguet da nqouagaxanaqtaic nataq'en da nchoxonnataxanaxac, qataq da nlagaxayic mayi chigoqo'ot ñi qadta'a Dios nataq'en so qadataxala' Cristo Jesús.

2 Timoteo 1:2

'Am ÿauotaxat Timoteo, 'ico' 'am ÿalec, 'am samaxa ana ÿide, cha'ayi ñishitaique da 'auaconguet da nqouagaxanaqtaic, nataq'en da nchoxonnataxanaxa, qataq da nlagaxayic mayi chigoqo'ot ñi qadta'a Dios nataq'en so qadataxala' Jesucristo.

Filemón 1:10

qaq nagui 'am seÿaxanot da 'auchoxoden qome na Onésimo. Namayi mashi ivida'a da 'eeta'am ñaq'en ca yi'oqchigui ÿalec ana'ana sootaigui ncoñitaxanaxaqui.

1 Juan 2:1

Qami' ÿalqolqa, shiyiñi de'eda da qami' samaxalo, yaqto' sa ishit da huo'o ca qau'ochi qadasouaxashichi. Qalaxayi da huo'otaq huo'o ca huo'o ca lasouaxashit, qalaxayi huo'o so ishit da qomi' detaqleguete da detaxaÿapegue' ñi qadta'a. Somayi nachiso so Jesucristo som i'ot ca ÿaÿamaqchiguiñi.

2 Juan 1:4

Ÿataqta lta'adaic da ñitonaxac da aÿim huo'o na selalec na 'ai'alaqpi da quetague' da n'aqtac mayi 'eesa, da 'eeta'am co'ollaq qomi' ÿanema de'eda lamaxasoxonaxac ñi qadta'a Dios.