3 Juan 1:10 - Nuevo Testamento Toba Sur

¹⁰ Qaq ÿoqo'oyi da ivita da ashic, qaq ÿataqta ñi'axatshiguem damayi, souaxat da aÿim quetapeguelec camayi qataq souaxat da latenataxanaxac. Qataq saqdata de'eda i'ottac, nataq'en sa ishit da ÿaconguet na qadqaÿañicpi. Qataq nam huotaique da ÿaconguet namayipi ÿataqta sa ÿashinem qataq ÿamaqhuec da ca'ai naq'en na 'amqajnataxanaxaicpi.

Nuevo Testamento Toba Sombrero Negro

¹⁰ Qo'che', qom ami jec'atalo qama'le ami ja'aĝatema yema ga'me jo'ne yauotaque, qa'a 'yaĝatetapi'ñgui gaa'me nequejaĝaco nataq'aen gaa'me loqovinaĝanaĝaco jo'ne qo'mi e'n tayilo nale. Nataq'aen ja nach'edata da'me dojo', dite da'me ja yelo'ogueta gaa'me qadepi'iyaĝa'u jo'ne yovi't nale, nataq'aen gaa'me jo'ne jetaque yelo'ogueta qama'te ja yaje'tema, choqoda'me yamaĝadegue nale jogaa'me chiyoĝotauelo jogaa'me p'etaqadaiquipi.

La'aqtaqa Ñim Lo'onatac 'Enauacna 2013

¹⁰ Qaq ỹoqo'oye qom qami' ñamaqtegalo, nache ỹataqta shenapega camaye, cha'aye qauema naua ltaxaỹaxaco da qomi' detaqtegalo. Qataq saishet da nachaqrata damaye nataqa'en saishet da ỹaconeguet na quetague' So Cristo maye ỹaqa'a ca chegaqa'ague. Qaq da huo'o ñim huotaique da ỹaconeguet namayepi ca lma' qalaq saishet da ỹashenem, qataq ỹamaqauec da ca'ai naqa'en na 'amqaanataxanaxaicpi.

3 Juan 1:10 Iomraidhean Croise

Lucas 6:22

Nataq'en ÿataqta qauamaichiguiñi qom qami' nquiÿalo na shiÿaxauapi, souaxat ne'ena shiÿaxaua llalec, qataq da huo'otaq qami' qai'oldaue'c, huo'otaq da qami' qaishiue'n, huo'otaq da qai'otan da qad'enaxachi, 'eeta'am ca ÿapacteec qauem.

Juan 9:22

Qaq 'enapec de'eda soua lta'al, souaxat da huo'o da lcolanqa', cha'ayi na judiopi mashi sogote da qanmachigui da ishit da qai'odauec da huo'otaq huetaigui aca laponaxaqui namayipi ca camachaqca shiÿaxaua da huo'otaq 'eetega so Jesús da nachiso so nta'a nca'alaxaqui.

Hechos 1:15

Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':

2 Corintios 13:2

Qaq nam huo'o ca lasouaxashit co'olloxochiyi qataq 'enauac nam laÿipi, qalaq nagui da aÿim qaÿoqta qaltaq shi'iguelaxalec da saqata, 'eeta'am da shiitec can qami' soota'agueta. Qalaq qami' secoyigueete', shiita': qom ivita da qaltaq qami' ñoqo'onalo, qalaq sa ishit qome da huo'o ca sechoxodeetac.

Gálatas 6:10

Qaq ÿoqo'oyi da ivita da huo'o ca qaddaqa', nachi 'enauac so'otaxac ca ÿaÿamaqchiguiñi na shiÿaxauapi, lamaaxa da nachina na qad'amqajnataxanaxauapi.

1 Timoteo 5:13

Qataq taÿa da tateu'alo naua noiqa, chochi ivitta'a da qaica ca i'ot. Qaq saqdata da qaica ca i'ot, nataq'en taÿa da n'aqtaqa l'o' qataq nshiguenaxai, qataq sa ilo'oguelo naua ltaxaÿaxaco.

2 Juan 1:10

Qaq da huo'otaq huo'o ca qami' nqo'onalo da sa ishit da ÿachitac de'eda napaxaguenataxanaxac, nachi camayi sa ishit da qanashiñiiguet ca qadmayi, qataq sa ishit da qanquiñi'.

2 Juan 1:12

Qaq ÿataqta qalota nam i'aqtacpi da qami' shinapegalo. Qalaxayi sa ishit da sedelec ana'ana ÿide da qami' samaxalo. Cha'ayi seuata'a qom qami' ñoqo'onalo mayi ÿataqta qami' ñima'ato da qami' shinapegalo, yaqto' da qantonaxac ÿataqta nalochiguiñi.

3 Juan 1:3

Cha'ayi aÿim ÿataqta qalota da ÿamaiquiaxac co'ollaq huo'o na nvi' qadqaÿañicpi, nachi aÿim i'axattapeguem da ÿataqta 'aupacchigui da 'adpi'iÿaxac, cha'ayi nachi qouetaigui dam n'aqtac mayi ÿataqta 'eesa.

3 Juan 1:5

'Am ñauochaxaua ÿaqaÿa, ÿataqta ÿaÿamaqchiguiñi da 'adataxac, yi 'aupacchigui da qouetapegue' na qadqaÿañicpi, lamaaxa nam ÿaqa'a ca chigaqa'ague.