2 Juan 1:5 - Nuevo Testamento Toba Sur

⁵ Qaq nagui 'am ÿaqaÿa, 'am ñachoxonnot da ñi 'oonolec da shinaqta ÿataqta ÿauotec ca lÿa. Qaq de'eda shiyiñi da 'am samaxa sa ishit da huo'otaq dalaxaic namaxasoxonaxac, cha'ayi nachidatac da namaxasoxonaxac mayi saconaxaguet co'ollaq chita'ague da sa'amqajnataxanaq.

Nuevo Testamento Toba Sombrero Negro

⁵ Nayi, am yaqayole, am ñachoĝodenot queda'me 'noota ta'le onolqa'tape qo'mi ñoqopitaqapega't. Jenjo' 'yaqatac jo'ne am janem ja namaĝajoĝonaĝac jo'ne dalaĝaic, dite da'me nach'eda da'me Dios lamaĝajoĝonaĝac jo'ne jaconaĝaguet ga'me chiyoĝogueta gaa'me noloqo'ote ca'li jep'iyaqa.

La'aqtaqa Ñim Lo'onatac 'Enauacna 2013

⁵ Qaq nagui qami' seỹaxanoto da ñi 'oonolec da shenaqta ỹataqta ỹauotec ca lỹa. Qaq de'era namaxasoxonaxac saishet da dalaxaic: cha'aye nacherata dam qomi' qoỹanema co'ollaq cheta'ague da sa'amaqtenaq So Cristo.

2 Juan 1:5 Iomraidhean Croise

Juan 15:12

Qaq dam ÿamaxasoxonaxac mayi qami' sanema 'eeta': Ñi 'oonolec da qoñiita ÿataqta ÿauotec ca lÿa, 'eeta'am da 'eetec da ÿataqta qami' sauoteque.

Juan 15:17

Qaq 'eda qome da qami' samaxalguete, 'eeta': Ñi 'oonolec qome da qoñiita ÿataqta ÿauotec ca lÿa.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

Efesios 5:2

Qataq ÿataqta qami' soxodaiqa, yaqto' qoñiita'am so Cristo da ÿataqta qomi' ÿauoteque, qataq qomi' nañaalguete da qomi' ileualguete, 'eeta'am ca qagueta llalec da qaÿalauat, qataq qaÿavigaxat da qoÿanot ñi Dios. Qaq da alaitaÿaxac ÿataqta ÿaÿamaxadeeta ñimayi.

1 Ts 4:9

Qaq da lataxac da qanauote' ca n'amqajnataxanaxaua, sa iuen da shiyiñi, cha'ayi ñi Dios mashi qami' ÿapaxaguenque da 'eetec da qaÿauotec ca nÿa.

Hebreos 13:1

Sa ishit qome da ÿaxaneec ñi 'oonolec da qoñiita da ÿauotec ca lÿa, 'eeta'am naq'en da lauotaxanaqtaic ca maichi lqaÿa.

1 Pedro 4:8

Qalaxayi ÿataqta ÿacteec qome qanqashiñi da qalota da qadsoxoyiqui, cha'ayi da nauotaxanaqtaic i'oteu'a da ÿataqta qalota na nasouaxashitpi qaÿapalaxat.

2 Pedro 1:7

qataq da qaÿauotec ca nÿa, qataq da qadsoxoyiqui.

1 Juan 3:11

Cha'ayi dam n'aqtaxanaxac mayi qau'aqaichigui co'ollaq chita'ague da qau'amqajnataxañi, 'eeta': Ñi 'oonolec da shinaqta ÿataqta ÿauotec ca lÿa.

1 Juan 3:23

Qaq dam lamaxasoxonaxac ñimayi 'eetega da qomi' sa'amaqtenaq so llalec Jesucristo, qataq 'eetega da ñi 'oonolec da shinaqta ÿataqta ÿauotec ca lÿa. Nachida da qomi' ÿamaxalguete.

1 Juan 4:20

Qalaxayi da huo'o ca 'eeta': “Aÿim sauotec ñi Dios,” qalaxayi camayi da ña nquiÿata'ai' ca lqaÿa, nachi camayi chochi tenataxanaxaic. Cha'ayi ca 'oonolec shiÿaxaua da huo'otaq sa ishit da ÿauotec ca lqaÿa mayi ilota'a, nachi camayi ¿huá'aguectoxo' da ishit da ÿauotec ñi Dios mayi sa ishit da ila'a?

2 Juan 1:1

Aÿim mayi aÿim qadquedoxonqui, samaxa ana ÿide aca ÿaqaÿa mayi lca'aguishi ñi Dios qataq cam llalaqpi mayi ÿataqta ÿauotaxatpi. Qaq saqaÿimta da sauotec camayipi, cha'ayi nataq'en 'enauac nam ÿauattoota dam n'aqtac mayi ÿataqta 'eesa.