2 Juan 1:3 - Nuevo Testamento Toba Sur

³ Qaq ñim qadta'a Dios qataq so qadataxala' Jesucristo som llalec ñimayi qami' ÿanema qome da lqouagaxanaqtaic qataq da lchoxonnataxanaxa qataq da l-lagaxayic. Qaq damayi qauacoñiiguet qami' mayi qauauattoñi da n'aqtac mayi 'eesa qataq da qanchoxonñiÿa't.

Nuevo Testamento Toba Sombrero Negro

³ 'Noota qom Dios mach'e Qadet'a, nataq'aen Jesucristo, jo'ne Lec'oĝot joñe'me Qadet'a, ami yecodelo'te da'me leyalaqataĝanaĝac nataq'aen ami yanema da'me anichoĝodenataguequi nataq'aen da'me at'emaĝaqui, qa'a yataqatelegue joñe'me, nataq'aen yataqachiñe ami noqopitalo.

La'aqtaqa Ñim Lo'onatac 'Enauacna 2013

³ Seỹaxaato'ot Ñim Lo'onatac 'Enauacna maye Nta'a qataq So Llalec Jesucristo da ichoxoren 'enauac da qoñiita, qataq ỹataqta qami' ỹauoteque qataq qami' ỹanema ca l-lagaxayec. ¡Qataq qami' ỹo'oteque da qami' nlaqchiguilo da 'eesa lataxac qataq da nsoxoyec!

2 Juan 1:3 Iomraidhean Croise

Romanos 1:7

Qaq 'enauac qami' mayi qoñiitaña na la ciudad Roma, qami' samaxalo ana ÿide. Qami' mayi qami' lauotaqa'te ñi Dios qataq qami' iÿaxanalo, da yaqto' qami' qanañañiÿot ñimayi. Qaq qauacoñiiguet qome da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

1 Timoteo 1:14

Ÿoqo'oyi aÿim ÿanem da lqouagaxanaqtaic ÿataqta saq llalcolec, nataq'en da npi'iÿaxac, nataq'en da nsoxoyic mayi 'enauac qomi' qoÿanema souaxat da ñi'adaqtau'a so Cristo Jesús.

1 Timoteo 1:2

'Am Timoteo, 'en'am da 'am ÿalec, cha'ayi aÿim 'auachigoxottot da 'adpi'iÿaxac. 'Am samaxa ana ÿide, cha'ayi ñishitaique da 'auaconguet da nqouagaxanaqtaic nataq'en da nchoxonnataxanaxac, qataq da nlagaxayic mayi chigoqo'ot ñi qadta'a Dios nataq'en so qadataxala' Cristo Jesús.

2 Timoteo 1:13

Qoquetelco' da lliquiaxac da 'am sami' napaxaguenataxanaxac mayi no'on. Qouetaiguio' da npi'iÿaxac qataq da nsoxoyic mayi qomi' qoÿanema, cha'ayi mashi ñi'adaqtau'a so Cristo Jesús.

1 Juan 4:10

Qaq 'eda da huo'o mshi saÿajnaq da lauotaxanaqtaic ñi Dios da ñimayi hua'auñi da qomi' ÿauoteque. Ÿoqo'oyi qomi' namaxalo so llalec, da yaqto' chigoqchigui naq'en somayi da ÿapalaxat na qadasouaxashitpi. Qaq sa ishit da nachiqomi' chigoqchiguilo da sauotaxac ñimayi.

2 Juan 1:1

Aÿim mayi aÿim qadquedoxonqui, samaxa ana ÿide aca ÿaqaÿa mayi lca'aguishi ñi Dios qataq cam llalaqpi mayi ÿataqta ÿauotaxatpi. Qaq saqaÿimta da sauotec camayipi, cha'ayi nataq'en 'enauac nam ÿauattoota dam n'aqtac mayi ÿataqta 'eesa.