2 Juan 1:12 - Nuevo Testamento Toba Sur

¹² Qaq ÿataqta qalota nam i'aqtacpi da qami' shinapegalo. Qalaxayi sa ishit da sedelec ana'ana ÿide da qami' samaxalo. Cha'ayi seuata'a qom qami' ñoqo'onalo mayi ÿataqta qami' ñima'ato da qami' shinapegalo, yaqto' da qantonaxac ÿataqta nalochiguiñi.

Nuevo Testamento Toba Sombrero Negro

¹² Jalcote ga'me jo'ne jetaque ami ja'aĝatema, qalaĝaja ja jetaque ch'e yediijec ga'me jo'ne ami jamaĝalo. Yeuataqataĝanaĝac da'me ami jec'atalo qaedi yataqachiñe ami jajo'tagueta da'me jojaqatapega't, qaedi naq'aeta da'me qadalochigui joda'me qadamaic.

La'aqtaqa Ñim Lo'onatac 'Enauacna 2013

¹² Qalota nam ỹa'aqtaxanaxacpi maye sauotaique da qami' sa'aqtaxanema, qalaxaye saishet da saỹamaxaren da sauota'a aca ỹere da qami' samaxalo. Seuata'a qom sañoxot da qami' ñamaqtegalo yaqto' ỹataqta qami' ñema'ato da qami' sa'aqtaxanema. Yaqto' da ñetonaxac ỹataqta nalochiguiñi.

2 Juan 1:12 Iomraidhean Croise

Juan 15:11

Qaq shiitec de'eda da qami' shinapegalo, yaqto' qami' ishit da aÿim qantonaxauai, nachi qami' ÿataqta qami' nlaqchiguilo da qantonaxaqui.

Juan 16:12

Qaq aÿim qalota na i'aqtacpi da qami' sa'axatema, qalaxayi sa ishit da qauaÿajñi nagui.

Juan 16:24

Qaq chochi ivitta'a nagui da qami' saxanaxa da huo'o ca qauÿaxañiÿaique da qoviilec da i'enaxat. Qaq qauÿaxañi qome, nachi qauacoñiiguet ca qauÿaxañiÿaique, yaqto' ÿataqta qami' nlaqchiguilo da qantonaxaqui.

Juan 17:13

Qaq nagui mashi 'am ñoqo'ona, qalaxayi nagui da ñaq sootalec ana 'alhua, qalaq aÿim shinapec de'eda, yaqto' namayipi ÿataqta nlaqchigui da ñitonaxac.

Juan 3:29

Da huo'otaq huo'o ca nadonaxac, qaq cam ÿataqta huadonguet aca auonaxaua, nachica cam nauonaxaua. Qaq cam nhuataxaua que'eca auonaxaua, camayi qanayiuta'aguet, nachi ishit da n'axaÿaxaatac, nachi camayi ÿataqta machiguiñi da hua'aqtac. Qaq nachi 'eetec nataq'en nagui aÿim ÿataqta aÿim nlaqchigui da ñitonaxac.

Romanos 15:24

Qalaxayi aÿim seuatta'a qom huo'otaq ishit da saigue da España, nachi qami' saÿalguete da qami' ñamaqtegalo. Qaq qom mashi nmeta da qami' ñauaneto, nachi huo'o da ñaquitaxac da ishit da aÿim qautauañi, da yaqto' sevida'ague damayi.

2 Timoteo 1:4

Qaq naxa da tachigui iuel da 'anneenaxac, nachi huo'o da iyaxa da 'am ñauane', yaqto' aÿim nlaqchigui da ñitonaxac.

Filemón 1:22

Nataq'en soqopitaxanapec da 'am shinapega da 'auqataxanai' qome ca i'ochaqa', cha'ayi aÿim seuattaique da huo'otaq qaÿasateguet que'eca qanqouagaxaunaxaqui. Nachi ñi Dios ishit da aÿim ÿanem da yaqto' qami' ñoqo'onalo.

Hebreos 13:19

Qaq ÿataqta seuen ca qanqouagaxaunaxaqui, yaqto' ñi Dios ishit da aÿim ÿanem da saqaÿaloq da qaltaq qami' soota'agueta.

Hebreos 13:23

Qaq qami' sa'aqtaxanema da so qadqaÿa Timoteo mashi sogote da qaisouec. Qaq qom saqaÿaloq da aÿim nvita, qaq sauec qome da qami' ñoqo'onalo.

1 Juan 1:4

Qaq ÿoqo'oyi sedaxañi damayi da qami' samaxasaxalo, yaqto' da qantonaxaqui ÿataqta nalochiguiñi.

3 Juan 1:10

Qaq ÿoqo'oyi da ivita da ashic, qaq ÿataqta ñi'axatshiguem damayi, souaxat da aÿim quetapeguelec camayi qataq souaxat da latenataxanaxac. Qataq saqdata de'eda i'ottac, nataq'en sa ishit da ÿaconguet na qadqaÿañicpi. Qataq nam huotaique da ÿaconguet namayipi ÿataqta sa ÿashinem qataq ÿamaqhuec da ca'ai naq'en na 'amqajnataxanaxaicpi.