2 Juan 1:1 - Nuevo Testamento Toba Sur

¹ Aÿim mayi aÿim qadquedoxonqui, samaxa ana ÿide aca ÿaqaÿa mayi lca'aguishi ñi Dios qataq cam llalaqpi mayi ÿataqta ÿauotaxatpi. Qaq saqaÿimta da sauotec camayipi, cha'ayi nataq'en 'enauac nam ÿauattoota dam n'aqtac mayi ÿataqta 'eesa.

Nuevo Testamento Toba Sombrero Negro

¹ Jayem jo'ne jayem 'yaĝaicachigui nayi jalcote da'me yamaic jo'ne am janem, am yaqayole jo'ne am Dios liquiya, nataq'aen ena'uaque gaa'me ac'oqo'tolqa. Yataqachiñe eja da'me ami joqopitalo, nataq'aen ja jayem 'te onolec da'me jayem, dite da'me nach'e ena'ama ena'uaque jogaa'me jo'ne yacoteguet da'me yataqachiñe eja.

La'aqtaqa Ñim Lo'onatac 'Enauacna 2013

¹ Aỹem nataxala' qataq selotague' na 'amqaanataxanaxaicpi. Samaxa ana ỹere na qarqaỹañicpi maye lca'aguishecpi Ñim Lo'onatac 'Enauacna: Aỹem ỹataqta qami' sauoteque qalaxaye saishet da nachaỹemta, nataqa'en 'enauac nam ỹauatton da 'eesa lataxac,

2 Juan 1:1 Iomraidhean Croise

Lucas 1:3

Qaq aÿim nataq'en mashi ñimate' da ñapaxagueetega 'enauac so chigoqchiguiña ne'ena qai'otpi. Qaq ÿoqo'oyi aÿim ÿaÿamaqchiguiñi ñaqshin da shiyiñi 'enauac ne'ena qai'otpi, da 'am samaxa, 'am ñauochaxaua ÿaqaÿa Teófilo,

Juan 8:32

Nachi qami' qome ÿataqta qauauattoñiita da 'eesa lataxac, qaq de'eda 'eesa lataxac, nachida da ÿataqta qami' huesochiyiñi naq'en.

Hechos 11:30

Qaq 'eda da qoÿiitec. Nachi qaÿamaq aso nachitaqtaxanaqte da qaÿamaxa so nataxala'pi mayi netaña yi Judea, idoi' qanqoÿin so Bernabé qataq so Saulo.

Romanos 16:13

Nataq'en samaxa da iquinaxanaxac ca Rufo cam nauattonatac mayi i'amaqteetac so qadataxala', qataq acam late'e mayi nataq'en 'eeta'am ñaq'en aca maichi ÿate'e.

Gálatas 2:14

Qalaxayi co'ollaq aÿim sela'a da sa ishit da natenguet da lataxac da lapaxaguenataxanaxac dam n'aqtac mayi chigaqaigui da nca'alaxa, nachi aÿim sevidaxato'ot so Pedro, ÿauaachigui ñaq'en 'enauac nam 'amqajnataxanaxaicpi. Shiita': “'Am, 'am judío l'ec, qalaq so lÿa na'a'q 'au'enaxat da n'onataxac na saq judiopi da 'axaañi da n'onataxac na judiopi, qalaq ¿tá'ainco' nagui da 'anshitaique 'eleetac na saq judiopi, da yaqto' i'enaxat da n'onataxac na judiopi?”

Gálatas 2:5

Qalaxayi qomi' ÿataqta sa ishit da cada'acolec da ña shinaqta da qolaxague namayipi. Cha'ayi sauoqtaique da qami' nachi 'eetai' da qami' hueto'oto dam 'eesa n'aqtaxanaxac mayi chigaqaigui da nca'alaxa.

Gálatas 3:1

¡Aicoue, qami' Galacia lashi', ÿataqta qaico' ca qauaÿajñiÿapec! ¿Chaq négue't ca qami' ÿayi'n, yi sa ishit da qaualaqailec dam 'eesa n'aqtac? Yi so hua'auchiguiñi qad'aqtaxanaxac ÿataqta nachiso so Jesucristo so qami' sachaxanaqtalo som qaipe'enguet co'olloxochiyi so qo'ipaq.

Gálatas 5:7

Qaq qami' ÿataqta qauaÿamaqaichiguiñi co'ollaxa. Qalaq ¿chaq négue't cam chigoqchigui da huo'o mshi qami' qai'axañiiñi da qaualaqailec dam 'eesa lataxac?

Colosenses 1:5

souaxat da qanaquitaxaqui cam ÿaqataxaatapigui' da qami' ÿanema ñi Dios qom qoviita'ague da piguem. Qaq qami' qauacoñiiguet de'eda aquitaxac co'ollaq qan'axaÿaxañiÿa dam n'aqtac mayi 'eesa, dam no'on qad'axaÿaxac mayi chigaqaigui da nca'alaxa.

1 Timoteo 2:4

Cha'ayi ñimayi nshitaique da 'enauac qanca'alaxateec na shiÿaxauapi, qataq ividaxatta'a da ÿaÿateeta da lataxac mayi ÿataqta 'eesa.

Hebreos 10:26

Cha'ayi da nachi qadhuennataxa da soqolaqto'ot da so'otaq ca qadasouaxashit, da huo'otaq mashi sauattonaq dam 'eesa lataxac, nachi sa ishit qome da qaltaq huo'o ca qoÿan da qaÿalauat, da yaqto' qaÿapalaxat ca nasouaxashit.

1 Pedro 1:2

Qami', mayi nal'ena da qami' lca'agui'shi ñi qadta'a Dios co'ollaq saxanaqaca ana 'alhua, da ÿachigoxotchigui naq'en so n'Espíritu da qami' iÿotaugalo, da yaqto' qaualaqaiguet ñimayi, qataq yaqto' ÿataqta qami' qui'itto' naq'en naua ltago'q so Jesucristo. Aÿim ñishitaique da qauacoñiiguet da chochaq huañi nqouagaxanaqtaic qataq da nlagaxayic.

1 Pedro 5:1

Nagui saqatalo qami' lataxala'te na 'amqajnataxanaxaicpi, cha'ayi nachi shin'ama qami' aÿim nataxala', qataq sauaachigui 'enauac na nque'ejnaxaguesat so Cristo, qataq nachi shin'ama qami' ñiuanau'a ca ñi'oxoyic mayi ñaq natai' da qaÿachaxan.

1 Pedro 5:13

Qaq nam 'amqajnataxanaxaicpi mayi netaña na Babilonia, nam lca'aguishicpi ñi Dios mayi 'eeta'am da qoñiita, namayipi qami' ÿamaxalo da lquinaxanaxac, qataq nataq'en ñim 'eeta'am da ÿalec Marcos.

1 Juan 2:21

Qaq qami' samaxalo ana ÿide, cha'ayi qami' qauauattoñi da 'eesa lataxac, qaq sa ishit da huo'otaq sa qauauattoñi. Qataq qami' qauaÿajñiita da qaica ca natenataxanaxac da huo'otaq ishit da chigaqaigui dam lataxac mayi 'eesa.

1 Juan 3:18

Qami' ÿalqolqa, de'eda qadsoxoyic sa ishito' qome da chochi ndotreec naua qad'aqtaqa, chaqdato' qome da ÿataqta 'eesa da qadsoxoyic, yaqto' ÿataqta qaila'a da huo'o ca so'otaq.

2 Juan 1:13

Qaq nam llalaqpi añi 'adqaÿa 'am ÿamaxa da lquinaxanaxac, añim nataq'en lca'aguishi ñi Dios. Aja', nachi 'eetec.

2 Juan 1:5

Qaq nagui 'am ÿaqaÿa, 'am ñachoxonnot da ñi 'oonolec da shinaqta ÿataqta ÿauotec ca lÿa. Qaq de'eda shiyiñi da 'am samaxa sa ishit da huo'otaq dalaxaic namaxasoxonaxac, cha'ayi nachidatac da namaxasoxonaxac mayi saconaxaguet co'ollaq chita'ague da sa'amqajnataxanaq.

3 Juan 1:1

Aÿim mayi aÿim nquedoxonec, 'am samaxa ana ÿide, 'am ñauochaxaua ÿaqaÿa Gayo, cha'ayi ÿataqta 'eesa da 'am ÿauotaxat.