2 Corintios 2:3 - Nuevo Testamento Toba Sur

³ Qaq ÿoqo'oyi qami' samaxalo co'ollaxa aso ÿide, cha'ayi sa saÿamaxaden da qami' ñoqo'onalo da yaqto' aÿim qauaquicoqchichi, qamaq nachicatáctaxa ca ÿamaiquiaxac da qau'ochi. Qaq ÿoqo'oyi aÿim saÿateeta da huo'otaq aÿim samachiguiñi, qaq ÿoqta da 'enauac da qoñiita da qauamaichiguiñi.

Nuevo Testamento Toba Sombrero Negro

³ Qo'che' ami jedenaqatenalo ga'me yediijec, naq'aeta ga'me ja'uo ca'li, qa'a ja jetaque ami jec'atalo qaedi ja jayem 'te a'vichiyigue da'me jayem totelegue, jo'ne naqa'ami chiyaqayilo da'me yamaic. Yataqachiñe jayateta queda'me ami ena'am adoĝochi da'me mach'e yamaic,

La'aqtaqa Ñim Lo'onatac 'Enauacna 2013

³ Qaq ỹoqo'oye qami' samaxalo co'ollaxa aso ỹere, cha'aye saishet da saỹamaxaren da qami' ñeqo'onalo da yaqto' aỹem qauaquicoqchichi, qamaq nachaqcatactaxa ca ỹamaicỹaxac da qauo'oche. Qaq ỹoqo'oye aỹem saỹateeta da huo'otaq aỹem samachiguiñi, qaq 'enauac da qoñiita qauamaichiguiñi.

2 Corintios 2:3 Iomraidhean Croise

1 Corintios 4:21

¿Négue't ca ÿoqta qaupaquiitaique da qami' sedolguete qom qami' ñoqo'onalo? ¿Peta'a qadavilliÿa da qami' sedolguete ca iuaxanaxanaxat, qalqo' da isoxoyic qataq da huosotta ÿataxac?

2 Corintios 1:15

Qaq 'eda da sepe'etalec co'ollaxa. Qaq ÿoqo'oyi huo'o da iuennataxa da sa'auaxaañi da qami' ñoqo'onalo, da yaqto' qauamaichiguiñi da dos da shi'iguelaxalec da qami' ñamaqtegalo.

2 Corintios 1:23

Qaq aÿim huo'o da iuennataxa da qami' ñamaqtegalo. Qalaxayi saxanaxa da ishit da qami' shi'iguelaxalo, souaxat da yaqto' sa ishit da sauo'o ca qanhuaxanaguiiqui. Qaq damayi ÿaÿateeta ñi Dios. Qaq da sa ishit da nachi 'eetec de'eda, qaq nai'ctaxa da qanqat da ñachaalataxac.

2 Corintios 12:11

Aÿim 'ico' huo'o da ñi'onataxac souaxat da maichi ñi'amaqten, qalaxayi qami' mayi qauayiñiÿa'a aÿim. Qamaq qamí'ctaxa mayi qavi'oxoyiñiitac aÿim, cha'ayi sela'a da sa ishit da aÿim napacalec nam qoquiitague'pi mayi 'eetega da nataÿaña nam Jesús lamaxashicpi, nai'ctaxa da aÿim qaica ca shinec.

2 Corintios 12:21

Qataq ÿataqta huo'o da itelaxa da qom ivita da qami' ñamaqtegalo, qalaq ñi ita'a Dios ÿataqta huo'o naq'en da i'aloxo souaxat da qoñiita, qataq da ÿataqta lta'adaic da ñinoinaxac souaxat nam qalota da qoñiita mayi mashi qaÿoqtegue da huo'o na lasouaxashitpi, qalaq sa ishit da ÿaxaneec ca ishipaxanaqchit da nachaalataxac, qataq dam quishiguetaxac, qataq nam nqopitaxanaqtaiguesat mayi qai'ottac.

2 Corintios 13:10

Qaq sa'auaxaañi nagui da qami' samaxalo ana ÿide, yaqto' qom ivita da qami' ñoqo'onalo, qalaq sa ishit da ÿapacteec da huo'o ca sedolec da shinec dam aÿim ÿanem so qadataxala', da yaqto' qami' ishit da qanquiquiitashiguem, qaq sa ishit da 'ico' qami' ñilaxajyiñi.

2 Corintios 2:9

Can qami' samaxalo aso ÿide, qaq nachi huetalec 'enauac de'eda. Qaq qami' samaxalo asomayi, cha'ayi ñishitaique da chochi qami' shi'igue'n, da yaqto' saÿaten da ÿoqta 'eesa da qaualaqailec nam ÿapaxaguenataxanaxacpi.

2 Corintios 7:12

Cha'ayi can settapiguiñi aso ÿide, qalaq sa ishit da ÿapacteec da icouennataxac da huo'otaq tatapigui yi iuel cam shiÿaxaua mayi i'ot ca sa ÿaÿamaxañi, huo'otaq cam huo'o ca qai'otec. Chaqdata da ñishitaique da yaqto' qauaÿajñi de'eda qadhuogoqoi souaxat da shinaqta. Qaq damayi ÿauaachigui ñi Dios.

2 Corintios 7:16

Qaq huo'o da ñitonaxac, souaxat da ÿataqta huo'o da ñaquitaxac da qoñiita.

2 Corintios 7:6

Qalaxayi ñim Dios mayi ishit da i'añaqchit cam qaica ca l'añaxac, ñimayi chigoqchigui naq'en da lvidaxac so Tito da qomi' i'añaqchi't.

2 Corintios 7:8

Qaq nai'ctaxa da aso ÿide mayi qami' samaxalo co'ollaxa da qami' ÿaquicoqchi't, qalaxayi nagui sa ishit da shicapeguem. Cha'ayi da huo'otaq saÿaténctaxa co'ollaxa da qami' ÿaquicoqchi't, qaq da huo'otaq shicapeguem, qalaxayi saqaÿaloxouec.

2 Corintios 8:22

Qaq soomayi saqsouate'. Nataq'en samaxasoq so lÿa qadqaÿa mayi nataq'en qomi' saÿajnaqta da 'eetec da ltaunaxanaxac. Qaq nquicteec nagui da ltaunaxanaxac souaxat da lpe'e da qoñiita.

Gálatas 5:10

Qaq nachiso som qadataxala' so chigoqo'ot da ñaquitaxac da qoñiita da sa ishit da ÿaqa'a ca qadhuennataxaqui. Qalaxayi ñi Dios ÿauo'o qome ca nhuaxanaguec ca camachaqca shiÿaxaua mayi sa ishit da qami' ÿalemaxa't.

2 Ts 3:4

Qaq somayi mayi qomi' ÿanema da qanaquitaxac da qoñiita da qoquiitot da qau'ochi dam mashi qau'ochiitac mayi qami' samaxasoxolguete.

Filemón 1:21

Qaq aÿim 'am samaxa ana'ana ÿide, cha'ayi saÿateeta da ÿataqta huo'o da 'adalaxayic, qataq ishit da 'ai'agaqteeteec da 'an cam seÿaxanaique.