1 Ts 1:3 - Nuevo Testamento Toba Sur

³ Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.

Nuevo Testamento Toba Sombrero Negro

³ Nataq'aen queda'me jouaqa'tot joñe'me Qadet'a Dios, nach'e eta't jenataqa'ta joda'me yataqata ja aĝañiñi jena'me jenjo' jo'ne adepi'i, da'me onaĝaic adoqopich'i nataq'aen da'me yataqata ami 'uañaĝayaqa nale te'me 'uo ga'me ami qoyachalo'te jo'ne ja no'en, qa'a jouaĝat da'me yataqata auache'ta joñe'me Jaliaĝanec Jesucristo.

1 Ts 1:3 Iomraidhean Croise

Juan 14:15

Qaq da qami' aÿim qauauochiic, qaq qaualaqailguete naua ÿamaxasoxonaxaco.

Juan 15:10

Qaq da qaualaqaiguet na ÿamaxasoxonaxacpi, nachi qami' ishit da qoquiitegue da 'eetec da qami' sauoteque, 'eeta'am da shiitec da ÿataqta salaxaguet na lamaxasoxonaxacpi ñi ita'a, qataq shictegue da 'eetec da lauotaxanaqtaic aÿim ñimayi.

Hechos 10:31

Nachi somayi aÿim 'enapega, 'eeta': “Cornelio, ñi Dios mashi hua'aqtega da 'anqouagaxaunaxac, qataq iuennate dam 'adtaunaxanaxac da 'autauaatac nam huo'o da lhuenaxanaxa.

Hechos 3:19

Qaq ÿoqo'oyi qaualachi' qome naua qan'onataxacolli', nachi qavi'iguelaqÿa ñi Dios, yaqto' qaÿapalaxa't naua qadasouaxashi'chilli'. Nachi ñi qadataxala' Dios ishit da qami' ÿanema caua na'axa'te da qaulaquiitapiguiñi.

Romanos 12:12

Qataq ÿataqta qauamaichiguiñi souaxat dam qanaquitaxaqui. Qataq ÿataqta qauauo'oi da qanhualaxaunaxaqui da huo'o ca qanque'ejnaxaqui. Qataq sa ishit da qai'axañiiñi da qanatamnaxaqui.

Romanos 15:13

Qaq ñi Dios mayi qomi' ÿanema da qanaquitaxac qami' nlaxatchiguilo qome da qantonaxaqui qataq da qadlagaxayiqui souaxat da qau'amaqchiñi ñimayi, da yaqto' chochaq huañi da qanaquitaxaqui souaxat da l'añaxac so Espíritu Santo.

Romanos 15:4

Cha'ayi 'enauac nam l'aqtacpi ñi Dios mayi qoÿiyiñi co'ollaxa, namayipi qoÿiyiñi da qanapaxaguenaxat, yaqto' sachigoxotaqaigui da qadhualaxavic qataq qan'añaqchitaguec, da yaqto' huo'o da qanaquitaxac.

Romanos 16:26

Qalaxayi nagui mashi qaichoxot, chigoqchiguilo qanqoÿin naua ñiyigui'shi l'aqtaqa ñi Dios mayi ÿilyiñi da n'onaxatrañi som hua'au l'aqtaxanaxanecpi. Qaq damayi nateeteguet dam lamaxasoxonaxac ñim Dios mayi chochaq tateec. Qaq de'eda saq cha'a mayi 'eetapeguec ñi Dios, damayi ÿauattonaxanaxanec nagui naq'en na ÿotta'a't shiÿaxauapi, da yaqto' i'amaqten ñimayi qataq ÿalaxaguet.

Romanos 16:6

Nataq'en samaxa da iquinaxanaxac aca María mayi ÿataqta qalota da l'onataxanaxac da qoñiita.

Romanos 2:7

Nachi ñimayi ÿanem cam achaalataxac chochaq tateec cam quetot da i'ottac cam ÿaÿamaqchiguiñi qataq nmittaique da ñi Dios ÿanem ca lli'oxoyic, ñi'oxonnataguec, qataq cam achaalataxac mayi qaica ca loga't.

1 Corintios 13:13

Qaq ÿoqo'oyi da npi'iÿaxac qataq da aquitaxac qataq da nsoxoyic ÿataqta qaica ca loga't. Qalaxayi da ÿoqta ÿacteec ne'enaua tres, nachida da nsoxoyic.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

2 Corintios 2:17

Qalaxayi qomi' sa ishit da 'ico' qomi' nmenaxaiqa da semenaqta'pe naua l'aqtaqa ñi Dios, da huo'otaq shinaqta'am nam qalota mayi ÿashaxaadeec naua n'aqtaqa. Chaqdata da ÿataqta qomi' 'eesoda da sa'aqtaxanaqtac, qaq qomi' ÿaÿate'n ñi Dios, cha'ayi maichi qomi' lamaxa'shi, qataq qomi' l-lataqa so Cristo.

Gálatas 1:4

som nañanguet co'olloxochiyi da nalaataguec, souaxat nam qadasouaxashitpi, da yaqto' qomi' nca'alaxateeguesopa nam qauemsat mayi huetalec ana 'alhua. Qaq ipacchigui da maichi lhuennataxa ñim qadta'a Dios.

Gálatas 5:13

Cha'ayi qami' ÿaqaÿa't, qami' qaiÿaxanalo da yaqto' qami' huesochiyiñi. Qalaxayi chaqdato' qome da sa ishit da qau'ashaxañiÿai' de'eda qansoxoqui da yaqto' qau'ochi cam 'eetapeguec dam qadapachiyaxaqui. Chaqdato' da ñi 'oonolec da qoñiita huapegue' ca lÿa, souaxat dam qadsoxoyiqui.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

Gálatas 6:9

Qaq ÿoqo'oyi sa ishit qome da ñasamaxañi da so'otaq ca ÿaÿamaqchiguiñi. Cha'ayi qom huo'otaq sa ñasamaxañi, nachi qom ivita ca naloqnec, nachi ñaqataq cam naigui ca so'otaqtac.

1 Ts 3:6

Qaq can nvi' so Timoteo da chigaqa'a na Tesalónica, nachi qomi' nda'alo da 'onaxaic qad'axaÿaxac da qadpi'iÿaxaqui, qataq da qadsoxoyiqui. Qataq qomi' da'aqtaxanema da saqalota da qadhuennataxaqui da shinaqta, qataq huo'o da qadyaqai da qomi' qanauañiito. Nachi 'en'am qomi' nataq'en huo'o da qadyaxa da qami' ñauanaxato.

2 Ts 1:11

Qaq nachida da huo'o mshi ñoqouagaxaunaqteguelec da qoñiita, seÿaxanaqtacot ñi qadta'a Dios da ña qami' itauanque da ÿataqta qoquiitalec da lliquiaxac da huo'o mshi qami' iÿaxanalo. Nataq'en ñoqouagaxaunaqtacot ñi Dios mayi 'añaxaic da ña ipactelec 'enauac nam ÿaÿamaqchiguiñi qoñiitapeguecpi qataq da l'onataxanaxac da qadpi'iÿaxaqui.

2 Ts 1:3

Qami' qadqaÿa't, qomi' soqolaqtot da sanaqtacot da qan'achiquiaxac ñi Dios, souaxat da qoñiita. Qaq damayi nachi lataxac, cha'ayi qami' ÿataqta nquictashiguem da qadpi'iÿaxaqui qataq da lsoxoyic ñi 'oonolec da ÿauotec ca lÿa, ÿataqta nqochiitauec.

1 Timoteo 1:14

Ÿoqo'oyi aÿim ÿanem da lqouagaxanaqtaic ÿataqta saq llalcolec, nataq'en da npi'iÿaxac, nataq'en da nsoxoyic mayi 'enauac qomi' qoÿanema souaxat da ñi'adaqtau'a so Cristo Jesús.

1 Timoteo 2:3

Qaq de'eda qouagaxaunaxac ÿataqta 'eesa lataxac, ÿaÿamaxadeeta ñi Dios mayi qadca'alaxaqui.

Hebreos 10:36

Qami' iuen da ÿataqta huo'o ca qadhualaxaviqui, da yaqto' qau'ochi cam 'eetapeguec ñi Dios, qataq da yaqto' qauacoñiiguet cam ÿachaxanapec ñimayi.

Hebreos 11:17

So Abraham nataq'en souaxat da lpi'iÿaxac da co'ollaq ñi Dios ÿauo'o da ñi'iguenataguec, nachi somayi ÿauec so Isaac da ÿalauat, nachi ÿavigaxat da ÿanot ñi Dios. Somayi ÿataqta qaica ca ÿiga da ÿaneuo so 'oonolec llalec, nai'ctaxa da nachiso som ÿachaxanapecot co'ollaxa ñi Dios, 'eeta':

Hebreos 13:21

ñimayi ÿataqta qami' naloqchiichiyiñi qome qataq n'onaxat 'enauac da qadataxaqui, yaqto' ishit da qau'ochi cam 'eetapeguec; qataq yaqto' ñimayi ishit da maichi ÿoiqueetac cam qomi' i'oteque, ÿachigoxotchigui naq'en so Jesucristo. ¡So Cristo ÿataqta nachi 'eetai' qome da ñi'oxonnataguec! Aja', nachi 'eetec.

Hebreos 4:11

Qaq ÿoqo'oyi qomi' ÿataqta ñi'añaxataq, da yaqto' ishit da senoxonaxau'a que'eca mataxac, ten, qom huo'otaq huo'o ca 'eeta'am da lliquiaxac som sa ishit co'ollaxa da da'amqajnataxan.

Hebreos 6:15

Nachi so Abraham ÿataqta qaÿoqtegue da lhualaxavic da iuattaique de'eda, nachi somayi ivida'a da ÿaconguet dam ÿachaxanapecot co'ollaxa ñi Dios.

1 Pedro 3:4

Chaqdato' da ÿaañi ca saq cha'a 'otaxat mayi chochaq tateec da lyaquiaxac. Huosotta naq'en da lataxac qataq qaica camachicague't. 'Eda mayi ÿataqta huo'o naq 'enec naq'en ñi Dios.

1 Juan 3:18

Qami' ÿalqolqa, de'eda qadsoxoyic sa ishito' qome da chochi ndotreec naua qad'aqtaqa, chaqdato' qome da ÿataqta 'eesa da qadsoxoyic, yaqto' ÿataqta qaila'a da huo'o ca so'otaq.

1 Juan 3:21

Ÿoqo'oyi qami' ÿaqaÿadolqa, da qadquiyaqteÿaxac da huo'otaq sa ishit da huo'o ca qadasouaxashit naq'en, nachi ÿataqta sa ishit da ñi'aloxonaqto'ot ñi Dios.

1 Juan 3:3

Qaq 'enauac nam huo'o da lpe'e somayi, namayipi ÿataqta nqui'itaxatta, 'eeta'am da 'eetec so Jesucristo da ÿataqta qui'itta.

1 Juan 5:3

Cha'ayi da qaÿauotec ñi Dios, damayi naigui da qaÿalaxaguet nam lamaxasoxonaxacpi ñimayi. Qaq nam lamaxasoxonaxacpi sa ishit da qapa'atta.

Apocalipsis 2:19

Aÿim saÿaten 'enauac na 'au'ottacpi, qataq sauattoota da 'adauotaxanaqtaic, qataq da 'adpi'iÿaxac, 'ad'onataxanaxac, qataq da 'adhualaxavic. Qataq saÿaten da ÿataqta ÿacteec nagui da 'ad'onataxanaxac, qaq saq 'en'am so hua'auchiguiñi.

Apocalipsis 3:10

Cha'ayi 'am ÿataqta 'au'ot da i'aqtac da ÿataqta 'anhualaxauen. Qaq ÿoqo'oyi aÿim 'am ñipaxatalec qom ivita ca laloqo' ca ñi'iguenataxanaxac mayi naguelec 'enauacna, da qaÿi'iguen 'enauac na netalec ana 'alhua.