1 Ts 1:2 - Nuevo Testamento Toba Sur

² Nachi 'eetai' da sanaqtacot da qan'achiquiaxac ñi Dios, cha'ayi ñitonaqtapeguec 'enauac da qoñiita. Ÿoqo'oyi da ñoqouagaxaunaqtac, nachi qaltaq tachigui qadhuel da qoñiita.

Nuevo Testamento Toba Sombrero Negro

² Nach'eda da'me janemaĝam qadamaic ñe'me Dios jouaĝat da'me ami chayovida'a da'me ja ami 'te japalaĝataqa'talo nale jauoqo ga'me qanetamenaĝac.

La'aqtaqa Ñim Lo'onatac 'Enauacna 2013

^2-3 Nache 'eetai' da sanaqtacot da qana'achecỹaxac Ñim Lo'onatac 'Enauacna maye Qarta'a, qataq da ñeqouagaxaunaqtac qalaq seỹaxanaqtacot Ñimaye da qami' itaua'n. Cha'aye saỹatenaqta da 'enauac nam qauo'oche namayepi ỹachaxan da huo'o da qarpi'iỹaxaqui Ñim Lo'onatac 'Enauacna, qataq da qarauotaxanaqtaiqui Ñimaye. Ivira'a da huo'o da qanque'eenaxaqui qalaq saishet da qami' qaỹayego't, nachaqrata da qauacheeta'a da So Qarataxala' Jesucristo qami' nca'alaxatre'c.

1 Ts 1:2 Iomraidhean Croise

Romanos 6:17

Qalaxayi huo'o da qan'achic ñi Dios souaxat da qoñiita mayi qami' l-lataqa co'olloxochiyi da ñi'itaxaloxo, qalaxayi nagui ÿataqta imauec da qadquiyaqteÿaxaqui da qaualaqaiguet dam lataxac da napaxaguenataxanaxac mayi qami' qoÿanema.

1 Corintios 1:4

Nachi 'eetai' da shicto'ot da saatacot da ñi'achiquiaxac ñi Dios, souaxat da qoñiita, cha'ayi so Cristo Jesús qami' nda'alo da lqouagaxanaqtaic ñi Dios.

Colosenses 1:3

Qomi' naxa da ivita da ñoqouagaxaunaqtapeguelec da qoñiita, nachi sanaqtacot da qan'achiquiaxac ñi Dios ñim lta'a so qadataxala' Jesucristo.

1 Ts 2:13

Qaq nachida da huo'o mshi sanaqtacot da qan'achiquiaxac ñi Dios, cha'ayi co'ollaq qan'axaÿaxañiÿa da l'aqtac ñi Dios mayi qami' sa'axataxama, nachi qau'amaqchiñi da ÿataqta 'eesa l'aqtac ñi Dios, da sa ishit qanqashiñi da l'aqtac ca chochi shiÿaxaua. Qaq damayi ÿataqta 'eesa l'aqtac ñi Dios, qaq ÿoqo'oyi ishit da huo'o ca naigui naq'en da nachaalataxac da qoñiita nam mashi da'amqajnataxan.

1 Ts 3:9

Qaq ÿoqo'oyi qomi' sa saÿajnaq ca shinaqtec da sanqot da qan'achiquiaxac ñim souaqto'ot qadta'a Dios souaxat da qoñiita, qataq saq llalcolec da ñitonaqtapegueque qami'.

2 Ts 1:3

Qami' qadqaÿa't, qomi' soqolaqtot da sanaqtacot da qan'achiquiaxac ñi Dios, souaxat da qoñiita. Qaq damayi nachi lataxac, cha'ayi qami' ÿataqta nquictashiguem da qadpi'iÿaxaqui qataq da lsoxoyic ñi 'oonolec da ÿauotec ca lÿa, ÿataqta nqochiitauec.

Filemón 1:4

Aÿim nachi 'eetai' naxa da saatacot da ñi'achiquiaxac ñi Dios da tachigui yi iuel da qoneta da ñoqouagaxaueetac.