1 Timoteo 1:3 - Nuevo Testamento Toba Sur

³ Ñishitaique da 'am ñaq qonetaña yi la ciudad Éfeso, 'eeta'am so lÿa na'a'q co'ollaq aÿim sata'ague da 'alhua Macedonia, cha'ayi huo'o na dapaxaguenataxaatapeguec na sa lataxac. Ÿoqo'oyi ñishitaique da qonapega namayipi da sa ishit da quetalec da dapaxaguenataxaatapeguec de'eda,

Nuevo Testamento Toba Sombrero Negro

³ Yitaĝa am je'elopec joga'me joote am ja'aĝatem quelqaya da'me jajoyi jodi'me aleua Macedonia qama'le jenaac: “Ch'e oue'ta jo' jena'me Éfeso,” qaedi auamaĝalo'te jogaa'me jiyaĝa'u jo'ne ja yataĝalo'te, queda'me ja 'noota ta'le dapaĝaguenataĝatec joga'me ch'e lelnataĝa'j jo'ne yataqachiñe ja no'en.

La'aqtaqa Ñim Lo'onatac 'Enauacna 2013

³ Co'ollaq saigue da 'alhua Macedonia, qaq 'am shenapega da ñaq qoua'a ye nỹecpi ye Éfeso. Qaq nagui qaltaq she'eguelaxalec da 'am shenapega. Cha'aye yemaye huo'o na shiỹaxauapi maye dapaxaguenataxaatapeguec na saq 'en lataxac. Ỹoqo'oye sauotaique da 'am qonapega namayepi da saishet da nache 'eeta'ac de'era.

1 Timoteo 1:3 Iomraidhean Croise

Hechos 18:19

Qaq co'ollaq ivitra yi la ciudad Éfeso, nachi so Pablo n'onaxatañi aso Priscila qataq so lhua Áquila, nachi tau'a aso laponaxaqui na judiopi, nachi da'aqtaxaatapeguem 'enauac so lapoota'a't judiopi.

Hechos 18:21

Chaqdata da ncoyiguene' somayipi da jec. Nachi 'eetega, 'eeta': –Aÿim huo'o da iyaxa da sovita yi Jerusalén, da yaqto' salectauo ca naponaxac mayi naÿa'cna. Qalaxayi huo'o qome ca na'a'q da aÿim qaltaq qami' ñi'iguelaxalo, qom huo'otaq aÿim ÿanem ca ÿiquiaxac ñi Dios. Nachi somayi huenoteuo, chigoqchiguiña yi Éfeso.

Romanos 15:26

Cha'ayi nam Macedonia l'ecpi qataq nam Acaya l'ecpi mashi huo'o da lhuennataxa da i'ot aca ltaunaxanaqte da ÿauotaique da ÿamaxa cam qadqaÿañicpi choxodaqpi mayi netaña yi Jerusalén.

Romanos 16:17

Qami' ÿaqaÿa't, qami' ñachoxodeetoiguilo da ÿataqta qauloiteguet qome nam huesogui naq'en na shiÿaxauapi, qataq 'ico' qui'aqañi naq'en. Cha'ayi namayipi ÿataqta npa'aguene' nam napaxaguenataxanaxacpi mayi mashi qauaÿajñi. Ÿoqo'oyi qoquiÿa'ai qome namayipi.

2 Corintios 11:4

Cha'ayi qami' ÿapacteec da qan'añaxachiiguet nam qami' nvittapegueu'alo mayi i'axattac ca lÿa Jesús mayi saq 'en'am som sa'axataqtac, qataq da qami' qauacoñiiguet ca lÿa espíritu mayi saq 'en'am som mashi qauacoñiiguet, qataq da qauacoñiiguet ca lÿa n'aqtaxanaxac mayi saq 'en'am da mashi sogote qau'aqaichigui.

Efesios 4:14

Nachi sa ishit qome da shinaqta'am ca nogotolec mayi qaica ca lqalaic da qaÿashaxaneec, qataq chochi ÿachitac na 'ico' l'at mayi nachina na ÿaqa'a napaxaguenataxanaxacpi. Huaña, nachi ilamaxata'aguet na shiÿaxauapi mayi sa nqalaate' da latenataxanaxac mayi nshitaique da qomi' ÿaueca'alo da nsomaxac.

Filipenses 2:24

qaq nai'ctaxa da aÿim huo'o da ñaquitaxac so qadataxala' da aÿim ishit qome da saqaÿaloq da qami' ñoqo'onalo.

1 Timoteo 4:11

Qaq de'eda shiitega ÿataqta 'auamaxasoxoolec qataq 'auapaxaguenataxanec.

1 Timoteo 4:6

Da 'am 'auapaxaguenec na qadqaÿañicpi de'eda shiitega, qaq 'am ÿataqta no'on l'onataxanaxanec so Jesucristo. Qataq 'am i'añaqchi't naua lqataxaco da qad'amqajnataxanaxac, qataq da ÿaÿamaqchiguiñi 'anapaxaguenataguec mayi qoquetalec.

1 Timoteo 5:7

Ÿoqo'oyi 'auamaxasoxoolec de'eda shiitega, yaqto' aca pa'ai sa ishit da huo'otaq sa ÿaÿamaxañi ca n'aqtaguec.

1 Timoteo 6:10

Cha'ayi da nqopitaxanaqtaic aca yi'oqchigui plata, nachida da 'ico' lpa'a'q na 'enauac ÿotta'a't sa ÿaÿamaxañisat. Cha'ayi mashi huo'o na ime'eguet da lqopitaxanaqtaic anamayi, nachi ÿalatauec da npi'iÿaxac, nachi taigui na ÿotta'a't nque'ejnaxac da nachaalataxac.

1 Timoteo 6:17

Qaq camayi hueto'ot da yi'oqchigui nsallaxa, qonapega da sa ishit da n'amqajnaxaic, qataq sa ishit da pe'etega da nsallaxa, cha'ayi damayi saq 'eetai'. Chaqdato' da ÿachito'ot ñi Dios da naquitaxac. Cha'ayi ñimayi mayi nca'altauec, qataq qomi' ÿanema 'enauac na qadhueneguesat, chochaq huañi naq'en, yaqto' ishit da ñitonaqtapigui'.

1 Timoteo 6:3

Da huo'o ca dapaxaguenataxaatapeguec na 'onataxacpi mayi sa lataxac, qataq sa iuona'aguet da napaxaguenataxanaxac no'oita mayi chigoqo'ot so qadataxala' Jesucristo, qataq da qad'amqajnataxanaxac mayi sapaxaguenataxanaqtapeguec,

2 Timoteo 1:18

Qaq ñi Dios itauan qome somayi que'eca pa'ateec na'a'q, da yaqto' ÿaconguet da lchoxonnataxanaxa. Qaq 'am mashi 'auaÿateeta somayi da ÿataqta saqalota da ltaunaxanaxac, co'ollaq 'am soota'aguet na Éfeso.

2 Juan 1:7

Cha'ayi qalota nam huetalec ana 'alhua tenataxanaxaicpi mayi nqolguete' so Jesucristo da ÿoqta 'eesa shiÿaxaua. Qaq cam nachi 'eetec de'eda, qachi nachica ca tenataxanaxaic qataq npa'aguene' so Cristo.

Apocalipsis 2:14

Qalaxayi aÿim huo'o na sa saÿamaxadenpi da qoneta, yi ¿tá'ainco' yi huo'o na netaña na Pérgamo da sa ishit da ÿaxaneec da lapaxaguenataxanaxac so Balaam? Cha'ayi somayi ÿapaxaguenec co'olloxochiyi so Balac, da yaqto' ÿayina'a so Israel llalaqpi da chic nam nachitaqtaxanaxat mayi qaÿavigaxat da qoÿanot ca nqolac, qataq da taigui naq'en da quishishaxac, da yaqto' huo'o ca lasouaxashit.

Apocalipsis 2:20

Qalaxayi huo'o da sa saÿamaxaden da qoneta. Cha'ayi 'am ÿataqta 'anashiiteguet añi 'alo l'enaxat Jezabel mayi 'eetega da l'aqtaxanaxana ñi Dios. Qalaxayi de'eda lapaxaguenataxanaxac isomaxanapec na ÿamaxashicpi da ÿaueca'aguet da nquishishaxac qataq da chic naq'en na nachitaqtaxanaxat mayi qaÿavigaxat da qoÿanot na nqolacpi.