1 Pedro 1:2 - Nuevo Testamento Toba Sur

² Qami', mayi nal'ena da qami' lca'agui'shi ñi qadta'a Dios co'ollaq saxanaqaca ana 'alhua, da ÿachigoxotchigui naq'en so n'Espíritu da qami' iÿotaugalo, da yaqto' qaualaqaiguet ñimayi, qataq yaqto' ÿataqta qami' qui'itto' naq'en naua ltago'q so Jesucristo. Aÿim ñishitaique da qauacoñiiguet da chochaq huañi nqouagaxanaqtaic qataq da nlagaxayic.

Nuevo Testamento Toba Sombrero Negro

² Da'me ami jalchi'ena da'me ami liquiyaqa joñe'me Qadet'a Dios qa'a naq'aeta da'me lelnataĝac joca'li, qama'le ñe'me Lepaqal en ami ja 'nalo'te qaedi auoqochiiya joñe'me nataq'aen da'me joote qoyapalaĝa't gaa'me adoecodi' yajouaĝat da'me naliñi q'aen jaga'me letauo' joñe'me Jesucristo ca'li yeleu. Auacoñiyeguet da'me anichoĝodenataguequi 'me chiyoqo'ot joñe'me Dios nataq'aen da'me at'emaĝaqui.

1 Pedro 1:2 Iomraidhean Croise

Mateo 24:22

Qaq ñi Dios da huo'otaq ividaxattreec que'ecaua na'axa'te, nachi sa ishit qome da huo'o ca nca'aleec. Qalaxayi ñimayi sa ishit da ividaxattreec, souaxat da lauochi nam lca'aguishicpi.

Mateo 24:24

Cha'ayi ÿataqta qalota qome na anac da 'eetega nta'a nca'alaxaqui, huo'otaq 'eetega da l'aqtaxanaxanecpi ñi Dios. Nachi namayipi i'ot qome na lta'adaic n'anecpi qataq nam sa qaÿauanapega, da yaqto' datenataxan. Qaq sa iuena'a da ishit nataq'en qome da ÿañoxot da ÿatenachit nam lca'aguishicpi ñi Dios.

Mateo 24:31

Nachi ÿamaq qome na lamaxashicpi piguem l'ecpi, da yaqto' n'axannec na l-lamaxa ana lashiide da dashiidaxan, da yaqto' lapona't 'enauac na lca'aguishicpi mayi neta'aguelo naua cuatro llico na l'at. Qaq 'enauac namayipi ÿachigoxottalo naua loga'te ana 'alhua.

Marcos 13:20

Qaq ñim qadataxala' da huo'otaq sa ishit da ichicaguilo que'ecaua na'axa'te, nachi sa ishit qome da huo'o ca nca'aleec. Qalaxayi ñimayi qome sa ishit da ividaxattreec que'ecaua na'axa'te, souaxat da lauochi nam lalamaxatpi mayi lca'aguishicpi.

Marcos 13:22

Cha'ayi qalota qome na tenataxanaxaicpi anac, 'eetega da nta'a nca'alaxaqui, huo'otaq da l'aqtaxanaxanec ñi Dios. Nachi namayipi qome i'ot na lta'adaic n'anecpi qataq nam sa qaÿauanapigui, da yaqto' datenataxan. Qaq sa iuena'a qome da nataq'en ishit da ÿatenachit na maichi lca'aguishicpi ñi Dios.

Marcos 13:27

Ime, nachi ÿamaqteguelo na lamaxashicpi, da yaqto' laÿona't nam lca'aguishicpi, ÿachigoxotteguelo 'enauaque na laÿil, ivida'a cam loga't ana 'alhua qataq na piguem.

Lucas 18:7

Qaq ñi Dios ¿peta'a saq 'eeteco' nataq'en de'eda, da iuejlec cam lca'aguishic mayi nachoxodeetacot ñimayi naua na'axa'tesa'chi qataq naua pe'? Qaq ¿peta'a huo'o ca ÿictega? 'A'i.

Hechos 15:18

'Eda da l'aqtac ñi qadataxala' mayi i'axatta'a co'ollaxa soua hua'a'u vi'iyi.

Hechos 2:23

Qalaxayi ñaqaiyita co'ollaq qami' qoÿaneu'alo, da yaqto' ipacchiguilo naua lapaxayiñi lhuennataxaco ñi Dios co'ollaq saxanaxa da ivita de'eda. Nachi qami' qauaviqui somayi da qaucoñiyi, qataq qaualauachi, qataq iuaxaneuo qanqashiñi nam shiÿaxauapi mayi qauemaicpi.

Hechos 20:32

Qaq nagui qami' ÿaqaÿa't, qami' sepataxagueta da ltelaxa ñi Dios qataq dam n'aqtaguec da lchoxonnataxanaxa mayi ÿataqta huo'o da l'añaxac, da yaqto' qami' 'añaxaiqa naq'en, qataq da yaqto' qauacoñiiguet cam ÿaqataxaatapigui' da ÿami' ñi Dios 'enauac nam lalamaxatpi.

Romanos 1:5

Qaq nachi chigoqchigui so Jesucristo da ñi Dios qomi' nqouagueque da qomi' ÿanaguilo da qomi' lamaxa'shi, da yaqto' so'onataxanqot somayi, yaqto' 'enauac na ÿotta'a't shiÿaxauapi ishit da huo'o ca da'amqajnataxan qataq ÿalaq.

Romanos 1:7

Qaq 'enauac qami' mayi qoñiitaña na la ciudad Roma, qami' samaxalo ana ÿide. Qami' mayi qami' lauotaqa'te ñi Dios qataq qami' iÿaxanalo, da yaqto' qami' qanañañiÿot ñimayi. Qaq qauacoñiiguet qome da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

Romanos 11:2

Cha'ayi nal'ena co'ollaxa ñi Dios da lca'aguishic na Israel l'ecpi da ÿauo'o lalamaxatpi. Qaq ÿoqo'oyi nagui sa ishit da imaqhuec. Qaq ÿoqta da qami' mashi qauaÿajñi dam 'enapec naua ñiyigui'shi l'aqtaqa ñi Dios co'ollaq i'axat so l'aqtaxanaxanec Elías co'ollaq somayi nqouagaxaueetacot ñimayi, nachi ÿauo'o da ÿasaxalec na Israel l'ecpi, 'eeta':

Romanos 11:28

Cha'ayi nam judiopi yi sa ishit co'ollaxa da ÿaconguet da n'aqtaxanaxac mayi chigaqaigui da nca'alaxa, qaq ÿoqo'oyi 'eeta'am qanqoÿin da npa'aguene' ñi Dios, da yaqto' huo'o yi qaddaqa'ai qami'. Qalaxayi ñi Dios ñaq 'eetalec da ÿauotec namayipi, cha'ayi lca'aguishic som hua'au lta'alpi.

Romanos 15:16

da aÿim lamaxashic naq'en so Jesucristo, da yaqto' so'onataxanoigui na saq judiopi. Qaq ÿoqo'oyi sa'axatem namayipi da n'aqtac mayi naigui da nca'alaxa mayi ÿan ñi Dios, da yaqto' sanot ñimayi nam saq judiopi, da 'eeta'am ñaq'en acam nachitaqtaxanaqte mayi ÿaÿamaxadeeta ñi Dios, cha'ayi mashi iÿotauga namayipi so Espíritu Santo.

Romanos 16:19

Qaq 'enauac qaÿaÿaten da qami' ÿataqta qaualaqai. Ÿoqo'oyi aÿim ÿataqta samachiguiñi. Qalaxayi ñishitaique da ÿataqta qami' lhuotte' da qau'ochi ca no'on, qaq cam qauem qalaxayi sa ishit.

Romanos 16:26

Qalaxayi nagui mashi qaichoxot, chigoqchiguilo qanqoÿin naua ñiyigui'shi l'aqtaqa ñi Dios mayi ÿilyiñi da n'onaxatrañi som hua'au l'aqtaxanaxanecpi. Qaq damayi nateeteguet dam lamaxasoxonaxac ñim Dios mayi chochaq tateec. Qaq de'eda saq cha'a mayi 'eetapeguec ñi Dios, damayi ÿauattonaxanaxanec nagui naq'en na ÿotta'a't shiÿaxauapi, da yaqto' i'amaqten ñimayi qataq ÿalaxaguet.

Romanos 8:13

Cha'ayi qami' da huo'otaq chaqdata da qoquiitague' cam maichi 'eetapeguec da qadapachiyaxaqui, nachi ishit da qadellivi. Qalaxayi da chigoqchigui qanqashiñi so Espíritu Santo da 'ico' qaualauachi nam 'eetapegueguesat de'eda qadapachiyaxaqui, nachi ishit da qadca'allivic.

Romanos 8:33

Qaq ÿoqo'oyi ¿negue'tom ca ishit da ÿauo'o ca lasouaxashit cam lca'aguishic ñi Dios? Cha'ayi ñim Dios mayi i'axat da qaica ca lasouaxashit camayi.

1 Corintios 1:30

Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxayi mashi qami' qaiqui'itaxatte', qataq mashi qanañañiÿot ñi Dios, qataq ñimayi mashi qami' ÿaÿamaxadeete'. Qaq 'enauac de'eda chigoqchigui so qadataxala' Jesús qataq so Espíritu mayi chigoqo'ot ñi qadta'a Dios.

2 Corintios 10:5

da yaqto' ishit da ñilaxataxañi 'enauac nam chochi qai'ot nasouaxashitpi qataq ca machaqca npa'aguenataxanaxac mayi n'amaqten da huotaique da nqanaxat da yaqto' sa ishit da qaÿauatton ñi Dios. Qataq 'enauac nam lhuennataxacpi na shiÿaxauapi ÿataqta ñillaqañi da sanqot so Cristo, da yaqto' ÿalaxaguet somayi.

2 Corintios 13:14

Qataq qauacoñiiguet qome da lqouagaxanaqtaic so qadataxala' Jesucristo qataq da lsoxoyic ñi Dios, qataq qauacoñiiguet so Espíritu Santo da qami' hueta'agueta. Aja', nachi 'eetec.

Colosenses 3:12

Cha'ayi ñi Dios ÿataqta qami' ÿauoteque, qataq qami' lca'agui'shi, da yaqto' qami' lalamqa'te. Qaq ÿoqo'oyi ÿataqta qai'añiiñi qome da qami' choxonnataxanaxaiqa, huotaxanaqtaqaiqa, qataq sa qami' n'amqajnaxaiqa, qataq huosotta da qadataxaqui, qataq qami' hualaxaunaxaiqa.

2 Ts 2:13

Qami' qadqaÿa't, mayi qami' nauochaxa'u so qadataxala', qomi' soqolaqtot da sanaqtacot da qan'achiquiaxac ñi Dios souaxat da qoñiita, cha'ayi ñimayi qami' lca'au'alo co'ollaq saxanaqaca ana 'alhua da qami' nca'alaxatreec. Qaq de'eda nca'alaxa chigoqo'ot so Espíritu mayi chigoqchigui da qami' lalamqa'te naq'en ñi Dios, nataq'en chigaqaigui da 'eesa lataxac mayi qau'amaqchiñi.

2 Timoteo 2:10

Ÿoqo'oyi ñi'añaxateguet 'enauac na chochina, cha'ayi ñishitaique da na Dios lca'aguishicpi ividauga da nca'alaxa mayi ÿapac da lyaquiaxac qataq chochi tateec. De'eda nca'alaxa qomi' taÿoto, cha'ayi mashi ñi'adaqtau'a so Cristo Jesús.

Tito 1:1

Aÿim Pablo, aÿim l-latac ñi Dios qataq aÿim lamaxashic so Jesucristo da setauan da lpi'iÿaxac na lca'aguishicpi ñi Dios, yaqto' namayipi ÿauattoota da 'eesa lataxac dam qad'amqajnataxanaxac,

Hebreos 10:22

Qaq ÿoqo'oyi qomi' ishit da ñiquigaxau'a ñi Dios, qalaxayi ÿataqta huesote' ñaq'enaq naua qadquiyaqte, qataq ÿataqta 'eesa ñaq'enaq da qadpi'iÿaxac. Cha'ayi ñimayi mashi iqui'itaxatte' naua qadquiyaqte, yaqto' qomi' sa ishit da 'eeta'am da ñaq huo'o ca qadasouaxashit qataq mashi sogote da qaiÿota da qad'oquiaxac, qaÿauota'a na ndoteec 'etaxat.

Hebreos 11:28

So Moisés nataq'en souaxat da lpi'iÿaxac, nachi damaxasoxoolec so nqui'axac mayi naigui da qanqateeguesop somayipi yi Egipto. Qataq damaxasoxoolec da qai'ame'n naua laso'mi na ntago'q, yaqto' so namaxashic piguem l'ec mayi laataxanaxaic sa ishit da huo'o ca ÿalauat nam l'auaxanec llalec nam llalaqpi so Israel.

Hebreos 12:24

cam hueta'a so Jesús mayi nachiso so qadtaxaÿaxanaxanec nagui da dalaxaic qanaÿamaxataxac da qanaÿamaxate' ñi Dios, qataq cam hueta'a soua ltago'q so Jesús mayi qaichigoxosoxonalo. Soomayi ÿataqta napacalec da 'eetec soua ltago'q so Abel da qomi' da'aqtaxanema.

Hebreos 5:9

Qaq cha'ayi somayi ÿataqta qanaloqchiichiguiñi da lataxac, qaq ÿoqo'oyi ishit da nachiso so chigoqchigui dam chochaq tateec nca'alaxa mayi taÿot 'enauac nam ÿalaxaguet somayi.

1 Pedro 1:14

Qaq cha'ayi qami' qoñiita'am ca ñalec mayi ÿataqta laxadaic, sa ishit qome da qau'ochi nam qoñiitapeguecpi co'ollaq saxanaxa da qauauattoñi ñi Dios.

1 Pedro 1:19

cha'ayi nachisouate' soua ltago'q so Cristo mayi ÿataqta lta'adaic da lashiichiÿaxa'c co'ollaq 'eeta'am ca qagueta llalec mayi qaica ca lque'emaxa qataq qui'itta da qaÿalauat nachi qoÿaneuo da qaÿavigaxat.

1 Pedro 1:20

So Cristo nal'ena da qaÿaqataxaatapigui' co'ollaq saxanaqaca ana 'alhua da qoÿan, qalaxayi chaqnacta nagui da mashi pa'atreec naua na'axa'te, nachi yi'oq somayi, souaxat da qoñiita.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

1 Pedro 2:9

Qalaxayi qami' ÿataqta qami' lca'aguishicpi ñi Dios, qataq qami' ltaxaÿaxanaxanecpi naq'en na shiÿaxauapi da qan'aqtaxañi' ñimayi mayi qadta'a, qataq qami' qui'itte' naq'en, qataq qami' lalamqa'te. Qaq de'eda 'eetec ñimayi, nshitaique da qami' qau'axachi na l'onataxanaxacpi mayi ÿi'oxodaq, ñim qami' ÿachigoxottoiguilo na napalaxa, da yaqto' qaunoxoñiu'a da l'edaxa mayi qaica ca 'en'am da lli'oxoyic.

2 Pedro 1:2

Ñishitaique da qauacoñiiguet dam chochaq huañi nchoxonnataxanaxa qataq da nlagaxayic mayi chigoqchigui da qadauattonaxanaxaqui ñi Dios qataq so qadataxala' Jesús.

2 Juan 1:1

Aÿim mayi aÿim qadquedoxonqui, samaxa ana ÿide aca ÿaqaÿa mayi lca'aguishi ñi Dios qataq cam llalaqpi mayi ÿataqta ÿauotaxatpi. Qaq saqaÿimta da sauotec camayipi, cha'ayi nataq'en 'enauac nam ÿauattoota dam n'aqtac mayi ÿataqta 'eesa.

2 Juan 1:13

Qaq nam llalaqpi añi 'adqaÿa 'am ÿamaxa da lquinaxanaxac, añim nataq'en lca'aguishi ñi Dios. Aja', nachi 'eetec.

Judas 1:2

Ñishitaique da qami' qauacoñiiguet dam chochaq huañi nchoxonnataxanaxa, nlagaxayic, qataq da nauotaxanaqtaic.