1 Juan 5:20 - Nuevo Testamento Toba Sur

²⁰ Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

Nuevo Testamento Toba Sombrero Negro

²⁰ Nach'e ena'am jayatenaq queda'me ñe'me Lec'oĝot joñe'me Dios joote naequena, qama'le qo'mi yanema da'me qadetadenataĝanaĝac qaedi yataqachiñe jatetonaq joñe'me Dios jo'ne eja. Nataq'aen 'noota qom 'ñañaĝataĝala't da'me qolaqatalegue ñe'me jo'ne yataqata eja, naq'aeta da'me qolaqatalegue Lec'oĝot Jesucristo. Naqaeñe mach'e Dios yataqata eja, jo'ne qo'mi yanema da'me qat'oyaĝac jo'ne yataqatelegue.

La'aqtaqa Ñim Lo'onatac 'Enauacna 2013

²⁰ Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

1 Juan 5:20 Iomraidhean Croise

Mateo 13:11

Nachi somayi 'enapeco': –Qami' qaÿaÿajnaxanaxanque naua saq cha'alo lataxaco dam l'onataxanaxac ñi Dios mayi neta'ague da piguem. Qalaxayi namayipi sa ishit da qaÿaÿajnaxanaxanec.

Lucas 21:15

Cha'ayi aÿim qome qami' sanema caua qad'aqtaqalli' qataq ca qadaÿajñiqui, da yaqto' sa ishit da huo'o ca qami' dataÿa'agueta da qami' ncotaÿapegueto.

Lucas 24:45

Huaña, nachi ÿanem somayipi da ÿaÿate'n naq'en naua ñiyigui'shi l'aqtaqa ñi Dios.

Juan 1:18

Ñi Dios qaica ca ishit da ilogui, qalaxayi so 'oonolec llalec mayi ÿataqta neto'ot ñimayi, somayi nachiso so qomi' ÿauattonaxanaxanque ñi qadta'a.

Juan 10:30

Aÿim qataq ñi ita'a qomi' 'oonolec da qadataxac.

Juan 14:20

Nachi que'eca na'a'q ishit qome da qauloÿa'a da aÿim sooto'ot ñi ita'a, qaq qami' nataq'en aÿim qoviita'aguet, nataq'en aÿim qami' soota'agueta.

Juan 14:23

Nachi so Jesús 'enapeco': –Ca aÿim ÿauotec, camayi ÿalaxaguet cam shinapec; nachi ñi ita'a ÿauotec camayi. Nachi ñi ita'a qataq aÿim ñanaguenaq da souaqta'aguet camayi.

Juan 14:6

Nachi so Jesús 'enapega somayi, 'eeta': –Aÿim mayi nachaÿim nqa'aic, qataq nachaÿim 'eesa lataxac, qataq nachaÿim nca'alaxa. Saqca ca lÿa ñigueuo da qainoxoneu'a ñi ita'a, nachaqaÿimta.

Juan 14:9

Nachi so Jesús 'enapego' somayi, 'eeta': –Felipe, aÿim mashi huo'oi soua na'axa'te da qami' soota'agueta, ¿qalaq ñaq saxanoxo' da aÿim 'auauatton? Cha'ayi ca aÿim ila'a, camayi nataq'en ila'a ñi ita'a, qaq ¿tá'ainco' yi aÿim 'auÿaxaatacot da qami' salloxonaxanguilo ñi ita'a?

Juan 15:4

Qaq nachi 'eetai' qome da aÿim qan'ayiitau'a, 'eeta'am da 'eetec da aÿim qami' ñi'atta'agueta. Cha'ayi acam lcoue sa ishit da maichi huo'o ana ala, da sa ishit da ÿoqta n'attau'a acam lamo. Qaq nachi 'eetec nataq'en da sa ishit da maichi huo'o ca alaÿaxac da qoñiita, da huo'otaq sa ishit da aÿim qan'ayiitau'a.

Juan 17:14

Qaq aÿim sanem namayipi da 'ad'aqtac, qalaxayi nam huetalec ana 'alhua ÿataqta nquiÿa namayipi, cha'ayi namayipi sa ishit da lma' ana 'alhua, 'eeta'am da 'eetec da aÿim sa ishit da ima' ana 'alhua.

Juan 17:25

'Am ita'a mayi ÿataqta ÿaÿamaqchiyiñi naua 'au'o't, nam huetalecpi ana 'alhua sa ishit da 'am ÿauatton. Qalaxayi aÿim 'am sauatton, qaq ne'enapi mashi sogote da ÿaÿaten da 'am aÿim 'adamaxashic.

Juan 17:3

Qaq de'eda achaalataxac mayi chochaq tateec, damayi nachida da naigui da 'am qaÿauatton, 'am Dios mayi nachi'amta qataq 'am 'eesa, qataq na 'ai'alec Jesucristo mayi 'anamaq co'ollaxa.

Juan 20:28

Nachi so Tomás 'enapeco': –¡'Am ÿataxala' qataq 'am ita'a Dios!

Juan 8:42

Nachi so Jesús 'enapega somayipi, 'eeta': –Da ÿoqta 'eesáctaxa da qadta'ai ñi Dios, nachi qamí'ctaxa ÿataqta aÿim qauauochiic. Cha'ayi aÿim nachi sachigoqtot ñimayi, qaq nagui qami' sootaiguilo. Aÿim sa ishit da maichi ñalligoxottela't da ñanac, cha'ayi ñimayi aÿim namaq.

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

Romanos 9:5

Namayipi maichi llalaqpi som hua'au qadta'alpi. Qaq da yi'oqchigui lapachiyaxac namayipi chigoqtoigui so Cristo som qoÿanagui da qadta'a Dios da ilo'ogue 'enauacna, da yaqto' nachi 'eetai' da qaÿi'oxodeetac. Aja', nachi 'eetec de'eda.

1 Corintios 1:30

Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.

2 Corintios 5:17

Qaq ÿoqo'oyi da huo'o ca n'attau'a so Cristo, nachi camayi 'eeta'am ca dalaxaic shiÿaxaua. Qaq 'enauac da toguishic nachaalataxac imeuo, nachi qaltaq jec da dalaxaic nachaalataxac.

Efesios 3:18

da yaqto' qami' qataq 'enauac na laÿipi 'amqajnataxanaxaicpi ishit da qauaÿajñiita yi lcachiguiñi qataq yi locta qataq da lalogaxa qataq yi lshicchiguiñi da lauotaxanaqtaic so Cristo.

Filipenses 3:9

qataq da yaqto' aÿim qaila'a da ñi'attau'a somayi. Qaq sa ishit da chigoqchigui da no'on ÿataxac souaxat da salaxaguet na nqataxacpi, chaqdata da no'on nataxac mayi ÿanem ñi Dios cam i'amaqten so Cristo. De'eda no'on nataxac mayi chigoqchigui da npi'iÿaxac.

1 Timoteo 3:16

Qaq sa ishit da qaÿoqolguet de'eda saq cha'a lataxac da qad'amqajnataxanaxac, cha'ayi ÿataqta lta'adaic da lli'oxoyic: Ñi Dios nachaxan, qalaxayi nachida da yi'oqchigui lapachiyaxac na shiÿaxauapi; qaq da n'aqtaguec co'ollaq i'axat so Espíritu ÿataqta 'en da no'on shiÿaxaua, qaq ÿauaachigui somayi 'enauac na chigaqshiguem Dios lamaxashicpi. Qataq qai'axatem 'enauac na ÿotta'a't shiÿaxauapi, ÿoqo'oyi huo'o na i'amaqten na 'enauac ÿallippi nam huetalecna. Ime, qaq qaÿaueegue da piguem.

Tito 2:13

Nataq'en qomi' ÿapaxaguenque da soqolaqtot da qadhuataxanaxac da seuataqta'aguet que'eca na'a'q mayi qomi' qaÿachaxanapeguema da ñi'iguelaq da nactaigui da lli'oxoyic so Jesucristo mayi qadta'a qataq qadca'alaxaqui.

Hebreos 1:8

Qaq da n'aqtaguec so llalec, qalaq ñi Dios 'eeta': Añi 'anso'onaxaqui da 'am nta'a, 'am Dios, añimayi qaica ca loga't; qataq da 'ad'onataxanaxac da 'am nta'a, damayi ÿataqta ÿaÿamaqchiguiñi.

1 Juan 2:23

Qaq 'enauac nam ÿoqolguet som llalec ñi Dios, namayipi sa ishit da hueta'aguet ñi qadta'a. Qalaxayi nam sa ishit da ÿoqolguet so llalec ñi Dios, namayipi nataq'en hueta'aguet ñi qadta'a.

1 Juan 2:24

Qaq ÿoqo'oyi qami' ÿataqta qai'oxochiÿoiguilo qome naua qadquiyaqchilli' da n'aqtac mayi qau'aqaichigui co'ollaq chita'ague da qau'amqajnataxañi. Cha'ayi de'eda n'aqtac mayi qau'aqaichigui co'ollaxa da huo'otaq ÿataqta huetaiguilo naua qadquiyaqchilli', nachi qami' ÿataqta qan'ayiitau'a ñi Dios qataq so llalec.

1 Juan 2:6

Qataq ca 'eetega da n'attau'a ñi Dios, nachi camayi no'on da i'enaxatchigui da lataxac so Jesucristo.

1 Juan 4:14

Qataq qomi' nataq'en ÿataqta sauanaqchigui ñi qadta'a Dios qataq sa'axataqtac da ñimayi namaq so llalec, da yaqto' nca'alaxateec 'enauac nam huetalec ana 'alhua.

1 Juan 4:16

Qaq 'eda da 'eetec da huo'o mshi saÿajnaq qataq sa'amaqtenaq da ñi Dios qomi' ÿauoteque. Ñi Dios huotaxanaqtaqaic. Qaq cam hueto'ot da nauotaxanaqtaic, camayi n'attau'a ñi Dios, qaq ñimayi hueta'aguet camayi.

1 Juan 4:2

Qalaxayi 'eda qome da 'eetec da huo'o mshi qauauattoñi cam netangui so n'Espíritu ñi Dios, 'eeta': 'Enauac nam 'eesa naq'en da so Jesucristo ÿoqta 'eesa shiÿaxaua, qaq nachina na netanguit so n'Espíritu ñi Dios.

1 Juan 5:1

Qaq 'enauac nam huo'o da lpi'iÿaxac so Jesús da nachiso so nta'a mayi qadca'alaxaqui, namayipi llalaqpi ñi Dios. Qaq ca ÿauotec ñi qadta'a, qaq nataq'en ÿauotec na llalaqpi ñimayi.

1 Juan 5:15

Qaq da qomi' saÿajnaq da ñi Dios hua'axaÿa da qanqouagaxaunaxac, qaq nataq'en saÿajnaq da mashi qomi' hueto'oto ca seÿaxanaqtaique.

1 Juan 5:18

Cha'ayi saÿajnaq da ca 'eeta'am naq'en da ÿataqta lta'a ñi Dios, camayi sa ishit da huo'o ca i'ot lasouaxashit. Cha'ayi so llalec ñi Dios ntela'a camayi, qaq som shiÿaxaua lma'na sa ishit da huo'o ca 'en'ac.

1 Juan 5:5

Qaq ÿoqo'oyi cam huo'o da lpi'iÿaxac so Jesús da nachiso so llalec ñi Dios, mayi nachicata ishit da loxonec na 'onataxacpi.

Apocalipsis 15:3

Nachi somayipi i'ootac som l'onec so Moisés som lamaxashic ñi Dios qataq som n'onec da qaÿi'oxoden so qagueta llalec mayi 'eeta': Ÿataqta lta'adaic qataq ÿi'oxodaq 'enauac nam 'au'otpi, 'am qadataxala' Dios mayi qaica ca 'auqalanapec. Ÿataqta ÿashictreec qataq 'eesoda nam 'anqa'aico, 'am mayi 'am lataxala' nam ÿotta'a't shiÿaxauapi.

Apocalipsis 19:11

Huaña, nachi sela'a na piguem da nauatoigui, nachi nachaxan so caaÿo lapagaxaic. Qaq som netalec l'enaxat ipacchiguilo naua l'aqtaqa qataq 'eesoda. Qaq da nloquiaxac ÿaÿamaqchiguiñi da nta'a qataq da nmit na shiÿaxauapi.

Apocalipsis 3:14

Qataq nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Laodicea. Qoneta': “'Eeta' da l'aqtac nam ÿataqta 'eesa, nam sa ishit da napacalec ca l'aqtac, nam chigoqchigui 'enauac nam i'otpi co'ollaxa ñi Dios. 'Eeta':

Apocalipsis 3:7

Nataq'en 'auamaxa aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Filadelfia. Qoneta': “'Eeta' da l'aqtac nam ÿataqta qui'itta qataq 'eesa, nam hueto'ot ana lvinaqte ca lma' so nta'a David, nam da ÿauatoigui ca lasom qalaq sa ishit da huo'o ca ishit da ÿapogui, qataq da ÿapogui ca lasom qalaq sa ishit da huo'o ca ishit da ÿauatoigui:

Apocalipsis 6:10

Nachi somayipi ÿataqta nlamaxaden, 'eeta': –'Am qadataxala' Dios mayi ÿataqta 'am qui'itta qataq 'aupactelec cam 'auachaxanapec, ¿chaq laguio', qaq ivita ca laloqo' da 'anmit qataq 'auauo'o ca nhuaxanaguec nam i'ot da qanalaataguec mayi huetalec ana 'alhua?