1 Juan 3:18 - Nuevo Testamento Toba Sur

¹⁸ Qami' ÿalqolqa, de'eda qadsoxoyic sa ishito' qome da chochi ndotreec naua qad'aqtaqa, chaqdato' qome da ÿataqta 'eesa da qadsoxoyic, yaqto' ÿataqta qaila'a da huo'o ca so'otaq.

Nuevo Testamento Toba Sombrero Negro

¹⁸ Ami yalaqapi, ena'te ch'e jenaĝa qat'aqatac queda'me qadoqopitalo gaa'me qadaqaya'olqa, dite da'me jenaĝa di'yo't daa'me qat'onataqa queda'me eja jechoĝodena' jogaa'me.

La'aqtaqa Ñim Lo'onatac 'Enauacna 2013

¹⁸ Qami' ỹalqolqa, saisheto' qome da ndotre'c naua qara'aqtaqa da shenaqtega da huo'o da qarsoxoyec, nachaqrato' qome da iuen da sachaxanaq da qarsoxoyec chegoqchigui ca so'otaq.

1 Juan 3:18 Iomraidhean Croise

Lucas 7:5

cha'ayi ñimayi ÿataqta ÿauotec na qadhuo' l'ecpi. Ñimayi nachiñi ñi damaxasoxoolec añi qalaponaxaqui co'ollaxa da qan'oxooshiguem.

Juan 17:19

Qataq souaxat namayipi nachi aÿim ÿataqta 'am ñañanot, yaqto' namayipi nataq'en ishit da 'am nañanot, chigoqchigui dam 'eesa lataxac.

Romanos 12:9

Ÿataqta 'eesa qome da qadsoxoyiqui ñi 'oonolec da ÿauotec ca lÿa. Qataq ÿataqta sa qauojñiÿa'aguet qome ca sa ÿaÿamaxañi, qataq qoquiigue ca ÿaÿamaqchiguiñi.

Gálatas 5:13

Cha'ayi qami' ÿaqaÿa't, qami' qaiÿaxanalo da yaqto' qami' huesochiyiñi. Qalaxayi chaqdato' qome da sa ishit da qau'ashaxañiÿai' de'eda qansoxoqui da yaqto' qau'ochi cam 'eetapeguec dam qadapachiyaxaqui. Chaqdato' da ñi 'oonolec da qoñiita huapegue' ca lÿa, souaxat dam qadsoxoyiqui.

Efesios 4:15

Chaqdato' da naua qad'aqtaqa qalaq ÿataqta 'eesoda, qataq qomi' soxodaiqa, qataq ÿataqta nquictashiguem da no'on qadataxac, cha'ayi ñi'adaqtau'a so Cristo mayi nachiso so lqaic de'eda n'oquiaxac.

1 Ts 1:3

Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

1 Juan 2:1

Qami' ÿalqolqa, shiyiñi de'eda da qami' samaxalo, yaqto' sa ishit da huo'o ca qau'ochi qadasouaxashichi. Qalaxayi da huo'otaq huo'o ca huo'o ca lasouaxashit, qalaxayi huo'o so ishit da qomi' detaqleguete da detaxaÿapegue' ñi qadta'a. Somayi nachiso so Jesucristo som i'ot ca ÿaÿamaqchiguiñi.

1 Juan 3:7

Qami' ÿalqolqa, sa ishit qome da huo'o ca qami' ÿatenachi't. Cam i'ot ca ÿaÿamaqchiguiñi, camayi ÿataqta no'on shiÿaxaua, qaq 'eeta'am so Cristo da ÿataqta no'on shiÿaxaua.

2 Juan 1:1

Aÿim mayi aÿim qadquedoxonqui, samaxa ana ÿide aca ÿaqaÿa mayi lca'aguishi ñi Dios qataq cam llalaqpi mayi ÿataqta ÿauotaxatpi. Qaq saqaÿimta da sauotec camayipi, cha'ayi nataq'en 'enauac nam ÿauattoota dam n'aqtac mayi ÿataqta 'eesa.

3 Juan 1:1

Aÿim mayi aÿim nquedoxonec, 'am samaxa ana ÿide, 'am ñauochaxaua ÿaqaÿa Gayo, cha'ayi ÿataqta 'eesa da 'am ÿauotaxat.