1 Juan 3:12 - Nuevo Testamento Toba Sur

¹² Qaq sa ishit qome da shinaqta'am so Caín mayi quetague' som shiÿaxaua mayi lma'na, nachi ÿalauat co'ollaxa so lalamaxat lqaÿa. Qaq ¿chaq tá'ainco' yi ÿalauat? Qomyi da i'ottac so Caín sa ÿaÿamaxañi, qaq som lqaÿa qalaq ÿataqta ÿaÿamaqchiguiñi da i'ottac.

Nuevo Testamento Toba Sombrero Negro

¹² Ena'te jenaqa'am di'me Caín, jo'ne quetapegue' ñe'me payac joca'li qama'le niquiya'a di'me lanoqolec Abel, chayovida'a yalat jodi'me. Qama'le ¿toqoch'e yalat? Yalat jaĝa'te qa'a Caín ja 'noe'n daa'me 'lonataqa qalaĝaja di'me lanoqolec qamqa'me 'noote' daa'me 'lonataqa.

La'aqtaqa Ñim Lo'onatac 'Enauacna 2013

¹² Saishet da shenaqta'am so Caín maye 'eeta'am ca llalec so pa'aguenataxanaxaic, nache ỹalauat so lqaỹa. Qaq ¿ta'ainco' ye ỹalauat? Qomye da ỹo'ottac so Caín co'ollaxa ỹataqta qauem, qaq dam ỹo'ottac som lqaỹa co'ollaxa qalaq ỹataqta 'onaxaic.

1 Juan 3:12 Iomraidhean Croise

Mateo 13:19

Ca n'axaÿaxaatega da n'aqtaguec dam l'onataxanaxac ñi Dios mayi neta'ague da piguem, qalaq sa ishit da ÿaÿaten, camayi 'eeta'am aso nanguishi ala mayi tajlec so nqa'aic. Ime, qaq anac so shiÿaxaua lma'na, nachi deuotaxanec som n'aqtac mayi huetaigui añi lquiyaqte.

Mateo 13:38

Qaq som nanaxanqa', qalaq nachana anam souaqtalec 'alhua. Qaq aso nanguishi mayi ÿataqta no'on, qalaq nachina nam shiÿaxauapi mayi huetaigui da l'onataxanaxac ñi Dios. Qaq aso huoue mayi 'eeta'am na trigo, qalaq nachina nam quetague' so shiÿaxaua lma'na.

Mateo 23:35

Qaq ÿoqo'oyi qami' qome qami' qaipataxalguete da nalaataguec 'enauac som no'on da lataxac shiÿaxauapi mayi qaÿalauat co'ollaxa, chigoqchiguiña so Abel mayi no'on da lataxac, chochi ivitta'a qanqoÿin so Zacarías som llalec so Berequías mayi qaualauachi co'ollaq huaña yi netaña aso nca'atoxonaxalate mayi naloteuga so naponqa'.

Mateo 27:23

Nachi so Pilato 'enapego' somayipi, 'eeta': –Qaq ¿négue'to' cam i'ot sa ÿaÿamaxañi damayi? Qalaxayi somayipi ñi'iguelaxashiguem da i'alaq, 'eeta': –¡Qaiuaxaneuo!

Mateo 5:37

Chaqdata da 'oonolec ca qadasataxaqui. Qoñiita': aja' huo'otaq 'a'i. Cha'ayi ca chochi qaÿachigoxotauec n'aqtac, camayi chigoqo'ot so shiÿaxaua lma'na.

Lucas 11:51

Qaq chigoqchiguiña naq'en co'ollaq qaÿalauat so Abel, chochi ivitta'a da nalaataguec so Zacarías mayi qaÿalauat co'ollaq huangui na laiñi aso n'onaxanaxaqui late'edai yim naña aso nca'atoxonaxalate. Qaq ÿoqo'oyi aÿim shinapec da ñi Dios ÿachilec da nalaataguec somayipi qome naq'en ne'ena shiÿaxauapi mayi huetaigui nagui.

Juan 10:32

Nachi so Jesús 'enapeco': –Aÿim ÿataqta qalota na so'ot ÿaÿamaqchiguiñi da qami' qauauañiichigui, chigoqchigui da l'añaxac ñi ita'a. Qaq ¿chaq négue't cam sasoilec namayipi da huo'o mshi qanshiitaique da aÿim qauasaqai?

Juan 8:40

Qalaxayi qami', nai'ctaxa da huo'otaq qami' sa'axattapeguema nam 'eesa lataxacpi mayi aÿim ÿapaxaguenec ñi ita'a Dios, qalaq ñaqaiyita qanshiitaique da aÿim qaualauachi. ¡Qamaq so Abraham ÿataqta sa ÿauango' da huo'o ca i'ot da 'eeta'am de'eda!

Juan 8:41

Qami', qalaxayi nachi qau'enaxachiichigui nam i'otpi so qadta'ai. Nachi somayipi 'enapeco': –Qomi' sa ishit da chochi qomi' n'aalec ñalqa; qomi' 'oonolec ñi qadta'a Dios.

Hechos 7:52

Cha'ayi ¿chaq négue'to' cam l'aqtaxanaxanec ñi Dios da huo'otaq sa iuaxan som hua'au qadta'aipi? Cha'ayi somayipi nachi ÿalauat co'ollaxa som hua'auchiguiñi da i'axatta'aguet da lvidaxac som shiÿaxaua mayi no'on da lataxac. Qaq somayi co'ollaq nvi', nachi qami' qauacoñiu'a, nachi qaualauachi.

1 Ts 2:14

Qami' qadqaÿa't, co'ollaq qami' icaata'pe da saq qami' ÿalemaxa't na maichi qadhuo'oi l'ecpi. Qaq de'eda qami' qai'oteque nachi 'eeta'am dam qai'otec na quetague' ñi Dios mayi netaña yi Judea, nam i'amaqteetac so Cristo Jesús. Namayipi nataq'en saqalota da ncanaguec. Qaq de'eda ncanaguec chigaqaigui na maichi lauo' l'ecpi judiopi.

Hebreos 11:4

So Abel souaxat co'ollaxa da lpi'iÿaxac, nachi ÿanot ñi Dios aso lachitaqtaxanaqte, qaq asomayi ÿataqta napacalec som lachitaqtaxanaxat so Caín. Qaq ÿoqo'oyi ñi Dios ÿataqta ÿaÿamaxadeeta somayi da no'on da lataxac, nachi ÿaconguet aso lachitaqtaxanaqte. Qaq 'eda da 'eetec so Abel, da nai'ctaxa da mashi ileu, qalaxayi da lpi'iÿaxac ñaq queta da qomi' da'aqtaxaatapeguema.

Hebreos 12:24

cam hueta'a so Jesús mayi nachiso so qadtaxaÿaxanaxanec nagui da dalaxaic qanaÿamaxataxac da qanaÿamaxate' ñi Dios, qataq cam hueta'a soua ltago'q so Jesús mayi qaichigoxosoxonalo. Soomayi ÿataqta napacalec da 'eetec soua ltago'q so Abel da qomi' da'aqtaxanema.

1 Pedro 4:4

Qaq namayipi ÿataqta nhualeguet da qami' sa ishit da qaualliquiitau'a nam chochaq tateec qauem mayi i'ottac. Qaq ÿoqo'oyi namayipi sa qami' iyacna'pe da qami' detaxaÿalo.

1 Juan 3:8

Qalaxayi cam quetot da i'otta'pe naua lasouaxashi'te, camayi quetague' som shiÿaxaua mayi lma'na. Cha'ayi somayi nal'ena da ÿataqta 'itaxaloxoic co'ollaq chita'ague huo'o ana 'alhua. Qaq ÿoqo'oyi so llalec ñi Dios anac da yaqto' nlaxajñi 'enauac nam l'onataxanaxacpi somayi.

Judas 1:11

Qaq ÿataqta ¡choxodaxaso' namayipi! Cha'ayi quetegue da lataxac so Caín, qataq souaxat da nshitaique da nauec añi plata, nachi dashiuec, 'eeta'am so Balaam. Qataq imeuo qanqoÿin, 'eeta'am so Coré co'ollaq qaÿalauat, souaxat da npa'aguenaxac.

Apocalipsis 17:6

Qaq can ime, nachi aÿim ñanoma da asa'aso 'alo taxai. Asomayi itaqchit na ltago'q nam lalamaxatpi ñi Dios qataq nam qaÿalauatpi souaxat da i'axattac so Jesús. Qaq can sauaachigui de'eda, nachi ÿataqta huo'o da i'aalaxa.