1 Juan 2:6 - Nuevo Testamento Toba Sur

⁶ Qataq ca 'eetega da n'attau'a ñi Dios, nachi camayi no'on da i'enaxatchigui da lataxac so Jesucristo.

Nuevo Testamento Toba Sombrero Negro

⁶ Ga'me jo'ne eetapela't yataqata netaye joñe'me Dios, 'noota qom que'teguelo daa'me 'lonataqa joñe'me Jesucristo.

La'aqtaqa Ñim Lo'onatac 'Enauacna 2013

⁶ Qataq ca 'eetega da nauochaxaua Ñim Lo'onatac 'Enauacna, nache camaye iuen da nateeteguet da lataxac co'ollaxa So Jesús.

1 Juan 2:6 Iomraidhean Croise

Mateo 11:29

Qaq qauacoñiiguet qome dam ÿachoxonaxala' mayi qami' sachilguete, qataq aÿim qanapaxaguiñiÿa, cha'ayi ÿataqta aÿim hualaxauaic qataq da iquiyaqteÿaxac sa ishit da n'amqajnaxaic, nachi ishit qome da qauanachiÿa ca nmataxac da qanachaalataxaqui.

Juan 13:15

Aÿim qami' sachaxanalo de'eda, da yaqto' qauloilec, yaqto' qami' ishit da qauloilec da qau'ochi de'eda qami' so'oteque.

Juan 15:10

Qaq da qaualaqaiguet na ÿamaxasoxonaxacpi, nachi qami' ishit da qoquiitegue da 'eetec da qami' sauoteque, 'eeta'am da shiitec da ÿataqta salaxaguet na lamaxasoxonaxacpi ñi ita'a, qataq shictegue da 'eetec da lauotaxanaqtaic aÿim ñimayi.

1 Corintios 11:1

Qami' qoquiitelec qome aÿim, 'eeta'am da shiitec da shictague' so Cristo.

Efesios 5:2

Qataq ÿataqta qami' soxodaiqa, yaqto' qoñiita'am so Cristo da ÿataqta qomi' ÿauoteque, qataq qomi' nañaalguete da qomi' ileualguete, 'eeta'am ca qagueta llalec da qaÿalauat, qataq qaÿavigaxat da qoÿanot ñi Dios. Qaq da alaitaÿaxac ÿataqta ÿaÿamaxadeeta ñimayi.

1 Pedro 2:21

Cha'ayi nachida da huo'o mshi qami' iÿaxanalo ñi Dios. Cha'ayi so Cristo huo'o da nque'ejnaxac souaxat da qoñiita, da yaqto' qomi' ishit da qauloilec somayi, qataq qoquiitelec da lliquiaxac.

1 Juan 2:28

Qaq ÿoqo'oyi qami' ÿalqolqa, nachi 'eetai' qome da qan'ayiitau'a so Cristo, yaqto' ÿataqta huo'o qome da qadpe'e qom ivita da nachaxan somayi, qaq sa ishit da huo'o ca qad'aloxo qom ivita da ñi'iguelaq.

1 Juan 2:4

Qalaxayi da huo'o ca 'eeta': “Aÿim sauatton ñi Dios,” qalaxayi sa ÿalaxagueta naua lamaxasoxonaxaco ñimayi, nachi camayi chochi tenataxanaxaic qataq saq 'en.

1 Juan 3:24

Qaq nam ÿalaxalec na lamaxasoxonaxacpi, nachi ÿataqta n'attau'a ñimayi, qaq ñimayi hueta'aguet namayipi. Qaq saÿajnaq da ñimayi qomi' hueta'agueta, cha'ayi so n'Espíritu mayi qomi' ÿanema, somayi qomi' ÿaÿajnaxanaxa'n.

1 Juan 3:6

Qaq 'enauac nam quetot da n'attau'a so Cristo, nachi namayipi sa ishit da quetot da i'otta'pe nam lasouaxashi'te. Qalaxayi 'enauac nam quetot da huo'o na lasouaxashitpi, namayipi sa ishit da ila'a qataq sa ishit da ÿauatton somayi.

1 Juan 4:17

Qaq yaqto' sevidaqta'a da ÿataqta nalochiguiñi da qadauotaxanaqtaic, yaqto' ca na'a'q qom qanmit 'enauac na shiÿaxauapi, qalaq sa ishit da ñi'aloxonaqtac. Cha'ayi qomi' nagui da ñaq souaqta'a ana 'alhua, qalaq ÿataqta shinaqta'am so Jesucristo.