1 Juan 2:24 - Nuevo Testamento Toba Sur

²⁴ Qaq ÿoqo'oyi qami' ÿataqta qai'oxochiÿoiguilo qome naua qadquiyaqchilli' da n'aqtac mayi qau'aqaichigui co'ollaq chita'ague da qau'amqajnataxañi. Cha'ayi de'eda n'aqtac mayi qau'aqaichigui co'ollaxa da huo'otaq ÿataqta huetaiguilo naua qadquiyaqchilli', nachi qami' ÿataqta qan'ayiitau'a ñi Dios qataq so llalec.

Nuevo Testamento Toba Sombrero Negro

²⁴ Chane'eja, 'noota qom aviyamaĝachiyouelo naa'me adai'lidi' da'me 'naqataĝanaĝac jo'ne eja, 'me auomachiiya jo'ne chiyoqo'tagueta gaa'me noloqo'ote ca'li yemta auacoñiyeguet da'me adepi'i. Qom naq'aeta queda'me dojo' netayelo jonaa'me adai'lidi', qama'le nach'e ena'am oquitalegue queda'me auoqochi'taguet joñe'me Dios Lec'oĝot, nataq'aen joñe'me Qadet'a.

La'aqtaqa Ñim Lo'onatac 'Enauacna 2013

²⁴ Qaq ỹoqo'oye saishet da qaỹa'axañiiñi da qauo'ocheetac nam qami' qaỹapaxagueneque co'ollaq cheta'ague da qaua'amaqchiñi So Cristo. Da qoquiito'ot da qauo'ocheetac damaye, nache qami' nache 'eetai' da qana'ayeetaua'a Som Ñalec qataq Ñim Nta'a,

1 Juan 2:24 Iomraidhean Croise

Lucas 1:2

Qaq namayipi ÿiyiñi dam mashi qomi' i'axatema nam ÿauaachigui so chigoqchiguiña ne'ena qai'otpi, qata nataq'en i'axattac de'eda n'aqtac.

Lucas 9:44

–Ña qan'axaÿaxañiichigui da shinapec, qataq sa ishit qome da qaucouaÿa'ai, da ne'ena shiÿaxaua llalec qoÿanoigui qome na shiÿaxauapi, qaq namayipi maichi ÿoiqueetac qome.

Juan 14:23

Nachi so Jesús 'enapeco': –Ca aÿim ÿauotec, camayi ÿalaxaguet cam shinapec; nachi ñi ita'a ÿauotec camayi. Nachi ñi ita'a qataq aÿim ñanaguenaq da souaqta'aguet camayi.

Juan 15:7

Qaq qami' da nachi 'eetai' da aÿim qan'ayiitau'a, qataq sa ishit da qaucouai'ai na ÿapaxaguenataxanaxacpi, qaq da huo'o ca qauÿaxañiÿaique, nachi qami' qoÿanema.

Juan 6:56

Ca chic da i'oquiaxac qataq da nÿomguilo naua itago'q, nachi camayi nachi 'eetai' da aÿim n'attau'a, qaq nachi 'en'am aÿim soota'aguet camayi.

Juan 8:25

Nachi qainattac somayi, qoÿiita': –¿Négue't 'am? Nachi so Jesús 'enapeco': –Mashi sogote mque' da qami' sa'aqtaxaatapeguema so hua'auchiguiñi.

Filipenses 4:15

Qataq qami' mayi qoñiitaña na Filipos, nataq'en qauaÿajñiita co'ollaq chita'ague da sa'axat da n'aqtac mayi chigaqaigui da nca'alaxa, qaq co'ollaq shica'ai yi Macedonia, qalaq nachiqamiita 'enauac na 'amqajnataxanaxaicpi da aÿim qanamaqaÿa aso qadtaunaxanaqchi souaxat da qantoñiitapeguec da itaunaxanaxac da qami' sapaxague'n.

Colosenses 3:16

Qataq da lapaxaguenataxanaxac so Cristo ÿataqta nlaqchiguilo qome naq'en naua qadquiyaqchilli'. Qataq ÿataqta qanaÿajnaxanaqchiñi da qauapaxaguiñi qataq da qau'añaqchichi ca qadÿai. Qataq da qau'onaxañi, qalaq qau'oñi na ÿotta'a't n'onecpi mayi chigoqo'ot so Espíritu Santo. Qataq ÿataqta imauec da qadquiyaqteÿaxaqui da qai'añiitacot da qan'achiquiaxaqui ñi Dios.

Hebreos 2:1

Qaq ÿoqo'oyi qomi' qome ÿataqta seloqtegue ca llic dam sa'axasoqchigui, yaqto' sa ishit da 'ico' selamaxataqhuec.

Hebreos 3:14

Cha'ayi da ÿataqta qomi' qadamchiyiñi, chochi sevidaqta'a ca loga't da qanaquitaxac mayi saconaxaguet som hua'auchiguiñi, nachi ishit qome da ñiuanaqhua'a so Cristo.

1 Juan 1:3

Qaq qami' sa'axataxama dam sauanaqchigui qataq sa'axasoqchigui, yaqto' qami' ishit da qomi' qan'ayiitau'alo, 'eeta'am da 'eetec da qomi' ñi'idaqtau'a ñi qadta'a Dios qataq so llalec Jesucristo.

1 Juan 1:7

Qalaxayi da ñachaataqtaigui na yi'oqchiguiñi, da shinaqta'am ñi Dios da nachattaigui na yi'oqchiguiñi, nachi ñi 'oonolec da shinaqta ÿataqta n'atta'ai' ca lÿa, nachi naua ltago'q mayi qaicoldeec so llalec Jesucristo co'ollaq qaÿalauat, iÿouec 'enauac na qadasouaxashit.

1 Juan 2:7

Qami' ÿaqaÿa't, aÿim sa ishit da huo'otaq shiyiñi cam dalaxaic namaxasoxonaxac da qami' samaxalo, cha'ayi nachaqdata dam namaxasoxonaxac mayi qauacoñiiguet co'ollaq chita'ague da qau'amqajnataxañi. Qaq de'eda namaxasoxonaxac mayi l'atchiguiñi, nachida dam qau'aqaichigui co'ollaxa.

1 Juan 3:24

Qaq nam ÿalaxalec na lamaxasoxonaxacpi, nachi ÿataqta n'attau'a ñimayi, qaq ñimayi hueta'aguet namayipi. Qaq saÿajnaq da ñimayi qomi' hueta'agueta, cha'ayi so n'Espíritu mayi qomi' ÿanema, somayi qomi' ÿaÿajnaxanaxa'n.

1 Juan 4:13

Qaq da ÿoqta 'itchiguiñi naq'en da qomi' ñi'adaqtau'a ñi Dios, qataq da qomi' hueta'agueta ñimayi, 'eeta': Ñimayi qomi' ÿanema so n'Espíritu Santo.

1 Juan 4:15

Qaq cam 'eesa naq'en so Jesús da nachiso so llalec ñi Dios, camayi n'attau'a ñi Dios, qataq ñimayi hueta'aguet camayi.

1 Juan 4:16

Qaq 'eda da 'eetec da huo'o mshi saÿajnaq qataq sa'amaqtenaq da ñi Dios qomi' ÿauoteque. Ñi Dios huotaxanaqtaqaic. Qaq cam hueto'ot da nauotaxanaqtaic, camayi n'attau'a ñi Dios, qaq ñimayi hueta'aguet camayi.

2 Juan 1:2

Aÿim ÿataqta sauotec 'enauac da qoñiita souaxat dam n'aqtac mayi ÿataqta 'eesa, dam huetaiguilo naua qadquiyaqte, qataq nachi 'eetai' da qomi' hueta'agueta.

2 Juan 1:9

Cha'ayi ca camachaqcague't da huo'otaq hua'auapec, qaq sa ishit da n'onaigui dam dapaxaguenataxanec so Cristo, qachi camayi sa ishit da hueta'aguet ñi Dios. Qalaxayi cam nachi 'eetai' da huetaigui da lapaxaguenataxanaxac so Cristo, camayi hueta'aguet ñi qadta'a Dios qataq so llalec.

3 Juan 1:3

Cha'ayi aÿim ÿataqta qalota da ÿamaiquiaxac co'ollaq huo'o na nvi' qadqaÿañicpi, nachi aÿim i'axattapeguem da ÿataqta 'aupacchigui da 'adpi'iÿaxac, cha'ayi nachi qouetaigui dam n'aqtac mayi ÿataqta 'eesa.

Apocalipsis 3:11

Qaq aÿim saqaÿaloq da ñanac. Qaq ÿoqo'oyi 'auaÿamaxattec qome ca 'am hueto'ot, yaqto' sa ishit da huo'o ca ÿacona ca 'anshiitenaxat.

Apocalipsis 3:3

Qaq 'auennate qome da napaxaguenataxanaxac mayi 'auaconguet co'ollaxa. Qaq nachida qoquegue, qataq qoca'aisalo naua 'an'onataxaco. Qaq da sa ishit da 'auatom, nachi 'am ñoqo'ona qome, qalaxayi se'enaxatteguem ca cachaxaic mayi sa ishit da qaÿaÿaten ca laloqo' da nvi'.