1 Juan 2:21 - Nuevo Testamento Toba Sur

²¹ Qaq qami' samaxalo ana ÿide, cha'ayi qami' qauauattoñi da 'eesa lataxac, qaq sa ishit da huo'otaq sa qauauattoñi. Qataq qami' qauaÿajñiita da qaica ca natenataxanaxac da huo'otaq ishit da chigaqaigui dam lataxac mayi 'eesa.

Nuevo Testamento Toba Sombrero Negro

²¹ Qama'le nayi ami janema jenjo' 'yaqatac; qalaĝaja, yaqa'a ta'che ja auayachiñe da'me jo'ne eja, dite da'me joote auayachiñe; nataq'aen auayachiñe queda'me gamachaqaega noqovinaĝanaĝac ja yaqanatet ta'le qoyachiyoĝotaye q'aen da'me jo'ne eja.

La'aqtaqa Ñim Lo'onatac 'Enauacna 2013

²¹ Qaq ỹoqo'oye qami' samaxalo ana ỹere, cha'aye saỹaten da qami' qauauattoñi da 'eesa lataxac, qataq qauaỹachiñi da ca ỹauatton damaye, nache camaye saishet da datenataxan.

1 Juan 2:21 Iomraidhean Croise

Juan 18:37

Nachi so Pilato 'enapego' somayi, 'eeta': –¿Qachi ÿoqta 'eesa da 'am nta'a? Nachi so Jesús 'enapeco': –Aja', aÿim nta'a, nachida dam qonapec. Aÿim sañiguiñi da ñanaÿa ana 'alhua, da yaqto' sa'axat cam 'eesa. Qaq 'enauac nam ÿalaxalec dam 'eesa, namayipi n'axaÿaxana dam i'aqtaxanaxac.

Juan 8:44

Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac.

Santiago 1:19

Ÿoqo'oyi qami' ÿaqaÿa't, qami' ñauochaxa'u, ñi 'oonolec da qoñiita no'on da ÿataqta lhuotta da n'axaÿaxan, qalaxayi iuen da npottelec da ltaxaÿaxac, qataq saqaÿoqchiguinguit da lalemataic.

2 Pedro 1:12

Qaq ÿoqo'oyi aÿim shicto'ot da qami' seuennataxanaxaatapegueque de'eda, nai'ctaxa da qami' mashi qauaÿajñi damayi, qataq ÿataqta sa ishit da qoquiÿa'ai de'eda 'eesa lataxac mayi qami' hueto'oto nagui.

1 Juan 3:19

Qaq 'eda da 'eetec da qomi' saÿajnaq da ÿoqta qomi' 'eesoda qataq da sa ñi'aloxonaqtac da souaqto'ot ñi Dios.

Judas 1:5

Qaq nai'ctaxa da qami' mashi sogote da qauaÿajñi de'eda, qalaxayi nachi 'en'am ñishitaique da qami' seuennataxanaxanque da 'eetec ñi qadataxala' Dios da nai'ctaxa da nqateeguesop co'ollaxa yi Egipto so llalaqpi so Israel, qalaxayi co'ollaq qaÿata'ague, nachi ileu naq'en som sa ishit da da'amqajnaxatan somayipi.