1 Juan 2:19 - Nuevo Testamento Toba Sur

¹⁹ Namayipi qomi' ca'aisalo, qalaxayi ÿoqta 'eesa da namayipi sa ishit da ÿoqta qomi' lÿa't. Cha'ayíctaxa da ÿoqta maichi qomi' lÿa't, nachi sa ishíttaxa da qomi' ca'aisalo. Qalaxayi namayipi 'eetec de'eda, yaqto' yi'oqta da sa ishit da 'en'a't da ÿoqta qadaÿipi.

Nuevo Testamento Toba Sombrero Negro

¹⁹ Nach'egaua jo'ne qo'mi ueteda'ajopa mañaĝa, qalaĝaja ja eja da'me qo'mi chiyoqodayilo, qama'le qo'mi ca'ae jogaa'me. Gamachaqaega jo'ne yataqata qo'mi chiyaqayilo, nach'ega qamqa'me nach'e eta't qo'mi uetauelo. Qalaĝaja, 'uo da'me dojo' qaedi di'yoqo'teque queda'me yema jogaa'me ja qo'mi 'te yotaua'n.

La'aqtaqa Ñim Lo'onatac 'Enauacna 2013

¹⁹ Ne'ena ipa'agueetacpi So Cristo qomi' ỹalectaiguilo naxa da llaponaqta'a't, qalaxaye ỹoqta 'eesa da namayepi saishet da qaraỹepi. Cha'ayectaxa da ỹoqta 'eesa da maiche qaraỹepi, nache saishettaxa da qomi' ca'aisalo. Qalaxaye namayepi nỹotec da yaqto' ỹoqta ỹachaxan da saishet da 'enauac naxa nam salegaqta'aguet da ỹoqta qaraỹepi.

1 Juan 2:19 Iomraidhean Croise

Mateo 24:24

Cha'ayi ÿataqta qalota qome na anac da 'eetega nta'a nca'alaxaqui, huo'otaq 'eetega da l'aqtaxanaxanecpi ñi Dios. Nachi namayipi i'ot qome na lta'adaic n'anecpi qataq nam sa qaÿauanapega, da yaqto' datenataxan. Qaq sa iuena'a da ishit nataq'en qome da ÿañoxot da ÿatenachit nam lca'aguishicpi ñi Dios.

Marcos 13:22

Cha'ayi qalota qome na tenataxanaxaicpi anac, 'eetega da nta'a nca'alaxaqui, huo'otaq da l'aqtaxanaxanec ñi Dios. Nachi namayipi qome i'ot na lta'adaic n'anecpi qataq nam sa qaÿauanapigui, da yaqto' datenataxan. Qaq sa iuena'a qome da nataq'en ishit da ÿatenachit na maichi lca'aguishicpi ñi Dios.

Lucas 8:13

Qaq asom nanguishi mayi tajlec so 'alhua mayi ÿalliigui na coma', qalaq naigui ca shiÿaxaua mayi n'axaÿaxaatega da n'aqtac, qalaq huo'o da ntonaxac. Qalaxayi qaica ca ÿoqta huo'o ca lpa'a'q da n'aqtac. Cada'ac da da'amqajnataxan, qalaxayi da nvita ca ñi'iguenataguec, nachi dashiuec.

Juan 15:2

Qaq ñimayi iquesoxouec acamachaqaca ana icouepi da huo'otaq sa ishit da huo'o aca ala, qataq ñimayi nqat ana llaxataxa ana lcouepi mayi huo'o ana ala, yaqto' ÿacteec da huo'o ana alapi.

Juan 4:14

Qaq cam nÿomgui ca 'etaxat mayi sanem, camayi sa ishit da ÿi'iguelaxalec da huo'o na laquip. Cha'ayi cam 'etaxat mayi sanem, camayi ÿataqta npaxaatashiguem, 'eeta'am na l'auaxac pa'ataigui camayi. Qaq nachica ca ividaxata'a cam nca'alaxa mayi chochaq tateec.

Hechos 15:24

Cha'ayi qomi' qad'axaÿaxac da huo'o na shiÿaxauapi chigoqchiguiña ne'ena, da sa ishit da qadamaxashic, da qami' nqo'onalo da qami' sa ÿalemaxa't. Qaq naua l'aqtaxanaxaco namayipi i'ot da sa qauaÿajñi ca qoñiitec, qataq qami' ÿamaqtapeguelguete da qauauo'oi ca qan'anaxachi qataq da qoquiigue na lqataxacpi so Moisés.

Hechos 20:30

Qataq da qoñiita huo'o qome ca maichi qami' chigoqchiguinguilo, nachi dapaxaguenataxanec na chochi ashipegaxanaxac, qaq sa ishit da i'axat cam ÿoqta 'eesa, cha'ayi nshitaique da na 'amqajnataxanaxaicpi quegue camayi.

Romanos 9:6

Qaq sa ishit da huo'otaq sa ipaguelec nam ÿachaxanapecotpi ñi Dios so Israel, qalaxayi nam llalaqpi so Israel sa ishit da ima'a't da lalamaxatpi ñi Dios.

1 Corintios 11:19

Cha'ayi ¡qami' iuen da qaucolaqaigui da ÿotta'a't na qauatailec shiÿaxauapi, yaqto' yi'oq na ÿoqta 'eesa 'amqajnataxanaxaic!

2 Timoteo 2:10

Ÿoqo'oyi ñi'añaxateguet 'enauac na chochina, cha'ayi ñishitaique da na Dios lca'aguishicpi ividauga da nca'alaxa mayi ÿapac da lyaquiaxac qataq chochi tateec. De'eda nca'alaxa qomi' taÿoto, cha'ayi mashi ñi'adaqtau'a so Cristo Jesús.

2 Timoteo 2:19

Qalaxayi ñi Dios mashi lapaxañi so 'ico' l'oxonaxala' da l'onataxanaxac mayi qaica ca idaxanapec. Qaq somayi nanettalec so nedec, 'eeta': “Ñi qadataxala' Dios ÿauatton ca mashi lalamaxat;” nataq'en 'eeta': “'Enauac na mashi ncosatapegueueegue da l'enaxat so Cristo, ÿataqta ca'ai qome 'enauac na sa ÿaÿamaxañisat.”

2 Timoteo 3:9

Qalaxayi namayipi sa qaÿa'ague qome da lliquiaxac, cha'ayi saqaÿaloq da qaÿauatton da qaica ca ÿaÿajnapec. Qaq namayipi nachi 'eeta'am da qoÿiiteque co'olloxochiyi se'esoua dos shiÿaxa'u mayi dataida'aguet so Moisés.

Hebreos 10:39

Qalaxayi qomi' sa ishit qome da nachiqomi' da shi'iguelaxasoq qataq da 'ico' qomi' qanlaxajyiñi. Chaqdato' da qomi' ÿataqta huo'o da qadpi'iÿaxac, yaqto' ishit da qaÿaÿamaxat da qanachaalataxac.

2 Juan 1:7

Cha'ayi qalota nam huetalec ana 'alhua tenataxanaxaicpi mayi nqolguete' so Jesucristo da ÿoqta 'eesa shiÿaxaua. Qaq cam nachi 'eetec de'eda, qachi nachica ca tenataxanaxaic qataq npa'aguene' so Cristo.

Judas 1:1

Aÿim mayi i'enaxat Judas, aÿim l-latac so Jesucristo, qataq ÿaqaÿa so Santiago. Aÿim shiyiñi ana ÿide da samaxa nam lÿaxanataguishicpi ñi qadta'a Dios da iÿotauga da ÿauo'o lalamaxatpi. Qaq namayipi ÿataqta qantela'a, souaxat da n'attau'a so Jesucristo.

Judas 1:19

Qaq 'ena nam i'ot da iÿodacachi naq'en na shiÿaxauapi, cha'ayi ÿalaxaguet cam 'eetapeguec da lapachiyaxac. Qataq namayipi sa ishit da netanguit so n'Espíritu ñi Dios.