1 Juan 2:16 - Nuevo Testamento Toba Sur

¹⁶ Cha'ayi qaica da huo'o cam 'oonolec nam 'onataxacpi ana 'alhua da huo'otaq chigoqo'ot ñi qadta'a Dios, cha'ayi nachinatac nam 'onataxacpi mayi huetalec ana 'alhua. Qaq namayi nachina na qauem lhuennataxacpi da qadapachiyaxac, qataq da lqopitaxanaqtaic naua qad'ai'te, qataq da 'amqajnaxac da nachaalataxac na shiÿaxauapi. Qaq 'enauac namayi chigaqaigui nam 'onataxacpi mayi huetalec ana 'alhua.

Nuevo Testamento Toba Sombrero Negro

¹⁶ Qa'a yema gaa'me lamaico jogaa'me jiyaĝadipi jo'ne ja 'noe'n ja chiyoqodaje'ma joñe'me Qadet'a, dite da'me mach'e chiyaqayilo jogaa'me jiyaĝadipi. Naajo' yepitaqate'tape 'lonataqa jo'ne ja 'noe'n gaa'me jiyaĝadipi: daa'me ja 'noe'n lamaico 'me nejiyaĝauayaĝaco, nataq'aen da'me yepiteda'a ga'me jo'ne yauata, nataq'aen daa'me ni'yoĝodenaĝaco da'me neuoyaĝac.

La'aqtaqa Ñim Lo'onatac 'Enauacna 2013

¹⁶ Nam lataxacpi maye ỹachaxaatac na shiỹaxauapi maye huetalec ana 'alhua, saishet da chegoqo'ot Ñim Lo'onatac 'Enauacna, namayepi chegoqo'ot nam 'etaxaloxoicpi maye huetalec ana 'alhua. 'Ena nam lataxacpi maye ỹachaxaatac ana 'alhua: na qauem nqopitaxanaqtaiguesat, da nyaxayec da qaỹaconeguet cam qailota'a, qataq da nsallaxa maye chegaqaigui da ño'oxonnaxac ca shiỹaxaua.

1 Juan 2:16 Iomraidhean Croise

Mateo 4:8

Qaltaq ÿi'iguelaxalec so shiÿaxaua lma'na da ÿauega so Jesús aso qaÿoqotchiguemec qasoxonaxa. Nachi ÿachaxanalo 'enauaque naua 'ale'u mayi huetalguete ana 'alhua qataq 'enauac da l'amaqchic namayipi.

Mateo 5:28

Qalaxayi aÿim qami' shinapegalo da huo'otaq huo'o ca chochi ilogui aca 'alo da huo'otaq huo'o da lqopichi, nachi camayi sogote da 'eeta'am da mashi ncachiÿa'ai' acamayi dam lquiyaqteÿaxac.

Lucas 4:5

Ime, nachi so shiÿaxaua lma'na qaltaq ÿaviguishiguema somayi aso qasoxonaxa, nachi saqaÿaloq da ÿachaxanalo 'enauaque naua 'ale'u.

Romanos 13:14

Chaqdata da qai'añiiñi da lataxac so qadataxala' Jesucristo, qoñiita'am ca qad'ogoxonaxachi. Qaq sa ishit da qauqochiÿai cam qauem 'eetapeguec dam yi'oqchigui qadapachiyaxaqui.

1 Corintios 10:6

Qaq 'enauac de'eda huaigui somayipi nachida da qanapaxaguenataguec, da yaqto' sa ishit da soqopitaqa'a ca sa ÿaÿamaxañi, 'eeta'am da 'eetec somayipi.

Gálatas 5:17

Cha'ayi na 'eetapeguecpi ca shiÿaxaua sa ishit da nhuoteete' cam 'eetapeguec so Espíritu mayi chigoqo'ot ñi Dios. Qataq som Espíritu nataq'en sa ishit da iuoteeteguet cam 'eetapeguec ca shiÿaxaua. Qanachi naamayi sa ishit da nhuoteeta't. Qaq ÿoqo'oyi qami' sa ishit da qau'ochi cam maichi qoñiitapeguec.

Gálatas 5:24

Qataq ca shiÿaxaua mashi sogote da lalamaxat so Cristo, nachi camayi 'eeta'am da sogote da qaiuaxaneuo da l'oquiaxac, lÿatchiguem 'enauac na lqopitaxanaqtaic qataq nam 'eetapeguecpi.

Efesios 2:3

Qaq nataq'en 'enauac da shinaqta nachi shinaqta'am namayipi som hua'a'u vi'iyi, da qolaqtague' nam maichi shinaqtapeguecpi, qataq so'otaqtac dam lqopitaxanaqtaic da qadapachiyaxac qataq nam maichi qadhuennataxacpi. Qaq ÿoqo'oyi ÿataqta 'itchiguiñi da qomi' huetalguete da qaica ca 'en'am lchic lalemataic ñi Dios da shinaqta'am 'enauac nam laÿipi shiÿaxauapi.

Tito 2:12

Qaq de'eda lqouagaxanaqtaic ñi Dios qomi' ÿapaxaguenque da 'enauac soqolqa'ai na qan'onatagueguesat qataq da qadqopitaxanaqtaic. Qanachi sachoq da achaalataxac da ntel-la't ca shiÿaxaua, qataq no'on da lataxac, qataq nañanot da quetague' ñi Dios, nagui da ñaq souaqta'a ana'ana 'alhua.

Tito 3:3

Cha'ayi nachi 'en'ama qomi' co'olloxochi saxanaxa da sa'amqajnataxanaq. Ÿataqta qaica ca saÿajnaqpec, qataq sa salaxasoxolec ñi Dios. Sesomaqtac, qataq qomi' l-lataqa na ÿotta'a't qadqopitaxanaqtaic qataq qadamanaxanaqtaic. Souaqtaigui da so'otaqtapeguec ca sa ÿaÿamaxañi ca qadÿa, qataq sepa'aguenaqtac. Mashi sotaq qomi' qaishitegueta. Chaqdata da ñipa'aguenaqtega't.

Santiago 3:15

Cha'ayi de'eda naÿajnec sa ishit da nachida da naÿajnec mayi chigoqo'ot ñi Dios. Damayi nachida da naÿajnec lma'na, chigaqaigui da lqopitaxanaqtaic na shiÿaxauapi, qataq nataq'en so shiÿaxaua lma'na.

Santiago 4:16

Qalaxayi qami' ÿataqta ñi'oxonnaxaiqa naua qadtaxaÿaxacolli'. Qaq 'enauac de'eda 'amqajnaxac ÿataqta sa ÿaÿamaxañi.

1 Pedro 1:14

Qaq cha'ayi qami' qoñiita'am ca ñalec mayi ÿataqta laxadaic, sa ishit qome da qau'ochi nam qoñiitapeguecpi co'ollaq saxanaxa da qauauattoñi ñi Dios.

1 Pedro 2:11

Qami' ÿaqaÿadolqa, qami' mayi qoñiita'am ñaqshin ca sa ishit da nqajlec ca lañoqo', qami' ñachoxodeetoiguilo da sa ishit qome da qauauo'oi ca ldaqa' ca 'eetapeguec da qadapachiyaxaqui mayi iloquiaxaatac da qanachaalataxaqui.

2 Pedro 2:10

Qalaxayi ñi Dios ÿauo'o qome da nhuaxanaguec na shiÿaxauapi, lamaaxa nam maichi quetague' nam 'eetapeguecpi mayi qauem, qataq sa ishit da ÿaconguet da lamaxasoxonaxac ñi qadataxala'. Namayipi ÿataqta sa ÿalaq, qataq saq llivigui yi lauel. Sa ishit da ñi'iÿa da ishiuen nam damaxasoxonapecpi saq cha'a.

2 Pedro 2:18

Cha'ayi naua l'aqtaqa qalaq ÿataqta ÿajnaxanaxaiqa, qalaxayi qaica ca naiguilo. Qataq ÿachigoxotchigui na namanaxanaqtaiguesat qataq nam 'eetapeguec da n'oquiaxac da ÿashaxaneec nam ÿoqta 'eesa da ca'ai na huetaiguilo naua lsomaxaco.