1 Juan 2:13 - Nuevo Testamento Toba Sur

¹³ Qataq qami' ÿi'axaiquipi, qami' samaxalo ana ÿide, cha'ayi mashi ÿataqta qauauattoñiita som nal'ena da huo'o co'ollaq ñaq saxanaxa da huo'o ana 'alhua. Qataq qami' nsoxotpi, qami' samaxalo ana ÿide, cha'ayi mashi qodoxonqui so shiÿaxaua lma'na. Qataq qami' ÿalqolqa, qami' samaxalo ana ÿide, cha'ayi mashi qauauattoñiita ñi qadta'a.

Nuevo Testamento Toba Sombrero Negro

¹³ Ami 'yaĝaiquipi, ami janema jenjo' 'yaqatac qa'a joote auatetoñi joñe'me jo'ne jalchi'ena 'uo joca'li yemta. Ami joĝodipi, ami janema jenjo' 'yaqatac qa'a adaloya'aguet ta'le anomachi joñe'me payac.

La'aqtaqa Ñim Lo'onatac 'Enauacna 2013

^13-14 Qaq qami' maye mashe qami' ỹepi, qami' samaxalo ana ỹere, cha'aye qauauattoñiita So Jesús, som nache 'eetai' da huo'o co'ollaq saxanaxa da ỹo'ot ana 'alhua Ñim Lo'onatac 'Enauacna. Qaq qami' maye qami' nsoxoppi, qami' samaxalo ana ỹere nataqa'en, cha'aye qami' 'añaxaicpi qataq qanaviqui so pa'aguenataxanaxaic, qataq huesota da qarataxaqui da qauacoñiiguet da la'aqtac Ñim Lo'onatac 'Enauacna. Qami' samaxalo 'enauac da qoñiita ana ỹere, cha'aye qauauattoñi Ñim Lo'onatac 'Enauacna.

1 Juan 2:13 Iomraidhean Croise

Mateo 11:27

Ñi ita'a aÿim imato'ot 'enauac da l'onataxanaxac. Qaq qaica ca ishit da ÿauatton na llalec, chaqñita ñimayi mayi ÿauatton. Qataq qaica ca ishit da ÿauatton ñimayi, chaqnata na llalec mayi ÿauatton, qataq cam ÿauattonaxanaxanec ñimayi nam llalec.

Mateo 13:19

Ca n'axaÿaxaatega da n'aqtaguec dam l'onataxanaxac ñi Dios mayi neta'ague da piguem, qalaq sa ishit da ÿaÿaten, camayi 'eeta'am aso nanguishi ala mayi tajlec so nqa'aic. Ime, qaq anac so shiÿaxaua lma'na, nachi deuotaxanec som n'aqtac mayi huetaigui añi lquiyaqte.

Mateo 13:38

Qaq som nanaxanqa', qalaq nachana anam souaqtalec 'alhua. Qaq aso nanguishi mayi ÿataqta no'on, qalaq nachina nam shiÿaxauapi mayi huetaigui da l'onataxanaxac ñi Dios. Qaq aso huoue mayi 'eeta'am na trigo, qalaq nachina nam quetague' so shiÿaxaua lma'na.

Mateo 5:37

Chaqdata da 'oonolec ca qadasataxaqui. Qoñiita': aja' huo'otaq 'a'i. Cha'ayi ca chochi qaÿachigoxotauec n'aqtac, camayi chigoqo'ot so shiÿaxaua lma'na.

Lucas 10:22

Nachi 'enapego' so shiÿaxauapi, 'eeta': –Ñi ita'a aÿim ÿanem 'enauac da nauattonaxanaxac. Qalaxayi qaica ca ishit da ÿauatton ne'ena llalec, chaqñita ñim lta'a mayi ÿauatton, qataq qaica ca ishit da ÿauatton ñim lta'a, chaqnata na llalec mayi ÿauatton qataq 'enauac nam tachigui da ÿauattonaxanaxan namayi.

Juan 14:7

Qaq da qami' aÿim qauauattoñi, nachi nataq'en qauauattoñi ñi ita'a. Qaq nagui mashi sogote da qauauattoñi, cha'ayi mashi qauloito'ot ñimayi.

Juan 14:9

Nachi so Jesús 'enapego' somayi, 'eeta': –Felipe, aÿim mashi huo'oi soua na'axa'te da qami' soota'agueta, ¿qalaq ñaq saxanoxo' da aÿim 'auauatton? Cha'ayi ca aÿim ila'a, camayi nataq'en ila'a ñi ita'a, qaq ¿tá'ainco' yi aÿim 'auÿaxaatacot da qami' salloxonaxanguilo ñi ita'a?

Juan 16:3

Qaq i'ot qome de'eda namayipi, cha'ayi sa ishit da ÿauatton ñi ita'a, nataq'en aÿim.

Juan 16:33

Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

Juan 17:21

Qataq 'am seÿaxanot, 'am ita'a, da yaqto' 'enauac namayipi ÿataqta n'atta't, da ÿataqta 'oonolec ca lataxac da qomi' n'attau'alo, yaqto' ishit da 'eeta'am da 'am aÿim qoueta'aguet, qataq aÿim 'am soota'aguet. Qataq ñishitaique da namayipi ÿataqta n'atta't, yaqto' nam huetalec ana 'alhua ishit da i'amaqten da aÿim 'adamaxashic.

Juan 17:3

Qaq de'eda achaalataxac mayi chochaq tateec, damayi nachida da naigui da 'am qaÿauatton, 'am Dios mayi nachi'amta qataq 'am 'eesa, qataq na 'ai'alec Jesucristo mayi 'anamaq co'ollaxa.

Juan 8:19

Nachi qainattac somayi, qoÿiita': –¿Huá'ague ca neta'ague ca 'adta'a? Nachi so Jesús 'enapeco': –Qami' sa ishit da aÿim qauauattoñi, qaq nachi 'en'am ñi ita'a sa ishit da qauauattoñi. Cha'ayíctaxa da aÿim qauauattoñi, nachi nataq'en ishit da qauauattoñi ñi ita'a.

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.

1 Timoteo 5:1

Sa ishit da 'audolec ca ntaxaÿaxac sa nsatta ca nquedoxonec. Chaqdata da 'auchittot da qonapega, 'au'enaxatchigui ca yi'oqchigui 'adta'a. Qataq da qonapega ca nsoq, 'au'enaxatchigui ca maichi 'adqaÿa.

Tito 2:6

Nachi 'en'am 'au'añaqchit na nsoxotpi, yaqto' ishit da nloteec.

1 Juan 1:1

Qaq sedaxañi da yaqto' qami' samaxasaxalo se'eso nal'ena da huo'o co'ollaq saxanaxa da huo'o ana 'alhua, som qomi' sa'axasoqchigui qataq ñimaqa'ai' da sauanaqchigui. Somayi sauanaqchigui qataq naua qadhua'q ipottau'alo, qaq somayi nachiso so l'enaxat n'aqtac mayi chigaqaigui da nca'alaxa.

1 Juan 2:1

Qami' ÿalqolqa, shiyiñi de'eda da qami' samaxalo, yaqto' sa ishit da huo'o ca qau'ochi qadasouaxashichi. Qalaxayi da huo'otaq huo'o ca huo'o ca lasouaxashit, qalaxayi huo'o so ishit da qomi' detaqleguete da detaxaÿapegue' ñi qadta'a. Somayi nachiso so Jesucristo som i'ot ca ÿaÿamaqchiguiñi.

1 Juan 2:12

Qami' ÿalqolqa, qami' samaxalo ana ÿide, cha'ayi ñi Dios mashi sogote da ÿapalaxat na qadasouaxashichi, souaxat so Jesucristo.

1 Juan 2:14

Qaq qami' ÿi'axaiquipi, qami' samaxalo ana ÿide, cha'ayi mashi qauauattoñiita som nal'ena da huo'o co'ollaq saxanaxa da huo'o ana 'alhua. Qataq qami' nsoxotpi, qami' samaxalo ana ÿide, cha'ayi ÿataqta qami' 'añaxaiqa, qataq qauacoñiiguet da l'aqtac ñi Dios, qataq cha'ayi sogote qodoxonqui so shiÿaxaua lma'na.

1 Juan 3:12

Qaq sa ishit qome da shinaqta'am so Caín mayi quetague' som shiÿaxaua mayi lma'na, nachi ÿalauat co'ollaxa so lalamaxat lqaÿa. Qaq ¿chaq tá'ainco' yi ÿalauat? Qomyi da i'ottac so Caín sa ÿaÿamaxañi, qaq som lqaÿa qalaq ÿataqta ÿaÿamaqchiguiñi da i'ottac.

1 Juan 4:4

Qami' ÿalqolqa, qami' lalamqa'te ñi Dios. Qaq mashi sogote da qodoxonqui ne'ena tenataxanaxaicpi, cha'ayi ñim Dios mayi qami' hueta'agueta ÿataqta 'añaxaic, qaq sa ishit da 'en'am som hueta'aguet nam quetague' na 'onataxacpi mayi huetalec ana 'alhua.

1 Juan 5:18

Cha'ayi saÿajnaq da ca 'eeta'am naq'en da ÿataqta lta'a ñi Dios, camayi sa ishit da huo'o ca i'ot lasouaxashit. Cha'ayi so llalec ñi Dios ntela'a camayi, qaq som shiÿaxaua lma'na sa ishit da huo'o ca 'en'ac.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

Apocalipsis 12:11

Cha'ayi na qadqaÿañicpi loxonec somayi, qaÿachigoqchiguilo naua ltago'q so qagueta llalec, qataq souaxat da n'aqtac mayi i'axattac. Cha'ayi namayipi ÿataqta sa ishit da ñi'itac, qataq qaica ca ÿictega da nai'ctaxa da ileutalec damayi.

Apocalipsis 2:7

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, qaq aÿim sanem da chic ana ala ada qo'ipaq mayi chigaqaigui da nca'alaxa mayi netangui na laiñi yi lanaxanqa' ñi Dios.”