1 Juan 2:11 - Nuevo Testamento Toba Sur

¹¹ Qaq cam nquiÿata'ai' ca lqaÿa, qalaq camayi nachattaigui na napalaxa, qataq sa ÿaÿaten cam tata'ague, cha'ayi nam napalaxa sa ishit da nauaañi naq'en camayi.

Nuevo Testamento Toba Sombrero Negro

¹¹ Qalaĝaja ga'me jo'ne ja noqopita ga'me laqaya, nach'ega uetaue da'me 'lalaĝa, nataq'aen quetalegue da'me 'lalaĝa, qama'le ja yayaten ga'me dajoyi, qa'a da'me 'lalaĝa yaqanamaqatet joga'me.

La'aqtaqa Ñim Lo'onatac 'Enauacna 2013

¹¹ Qalaxaye ca nquiỹa ca lqaỹa maye nataqa'en ỹa'amaqteetac So Cristo, nache camaye huetaigui na napalaxa, qataq sa ỹaỹaten ca tata'ague, cha'aye nam napalaxa saishet da nauaañi naqa'en camaye.

1 Juan 2:11 Iomraidhean Croise

Juan 12:35

Nachi so Jesús 'enapega somayipi, 'eeta': –Ñaq cada'acolec da qami' hueta'agueta nam lcoÿadaqte ana 'alhua, qalaxayi sa qaÿadauec caua na'axa'te da qami' hueta'agueta. Qaq ÿoqo'oyi qauqueuoitapigui' qome, llaxatemallaxa da ñaq huo'o na yi'oqchiguiñi, yaqto' sa ishit qome da qami' ique'elaxa't ca napalaxa. Cha'ayi cam queuotapigui na napalaxa, camayi sa ishit da ÿaÿaten cam tata'ague.

Juan 12:40

Ñi Dios i'otec naq'en namayipi da sa nauaañi qataq da ÿataqta qadamchiguilo naq'en naua lquiyaqte, yaqto' namayipi sa ishit da nauaayiñi naua yi'oqchiguilo l'ai'te, qataq qaica ca ÿaÿaten da lquiyaqteÿaxac, qataq da sa ishit da aÿim ñi'iguelaxa, da yaqto' ñataden.

2 Corintios 3:14

Qalaxayi somayipi qaica co'ollaxa ca lauattonaxanaxac. Qaq ñaq 'eetalec nagui naxa da qaitaxaÿaxan so hua'auchiguiñi aÿamaxataxac, qaq nachiso se'eso napoxonaxat som daqanaqtaxan da huo'o mshi sa ishit da huo'o ca qaÿaÿaten. Cha'ayi se'eso napoxonaxat sa ishit da qanqat, cha'ayi nachaqsota som Cristo mayi ishit da nqat.

2 Corintios 4:4

Cha'ayi namayipi sa ishit da da'amqajnataxan, ÿoqo'oyi som shiÿaxaua lma'na, mayi quetague' nam shiÿaxauapi, somayi sa nauaañi naq'en namayipi da lauattonaxanaxac, da yaqto' sa ishit da ila'a na l'edaxa dam no'on qad'axaÿaxac mayi i'axat da n'aqtaguec so Cristo mayi ÿi'oxodaic, som nachiso so lqui'iÿaxac ñi Dios.

Tito 3:3

Cha'ayi nachi 'en'ama qomi' co'olloxochi saxanaxa da sa'amqajnataxanaq. Ÿataqta qaica ca saÿajnaqpec, qataq sa salaxasoxolec ñi Dios. Sesomaqtac, qataq qomi' l-lataqa na ÿotta'a't qadqopitaxanaqtaic qataq qadamanaxanaqtaic. Souaqtaigui da so'otaqtapeguec ca sa ÿaÿamaxañi ca qadÿa, qataq sepa'aguenaqtac. Mashi sotaq qomi' qaishitegueta. Chaqdata da ñipa'aguenaqtega't.

2 Pedro 1:9

Qaq cam sa ishit da hueto'ot 'enauac ne'enapi, nachi camayi 'eeta'am ca sa nauaañi, huo'otaq ca sa qaÿa'ague da lmejnaxanaxac. Qaq icoua'ai da sogote da qaiÿouec som hua'au lasouaxashitpi.

1 Juan 1:6

Qaq ÿoqo'oyi da shinaqtega da ñi'adaqtau'a ñimayi, qalaxayi ñaq souaqtaigui na napalaxa, nachi chochi satenataxanaqtac qone' da huo'o ca shinaqpec qataq da huo'o ca so'otaq.

1 Juan 2:10

Qaq ca ÿauotec ca lqaÿa, camayi nachattaigui na yi'oqchiguiñi, nachi sa ishit da qaÿauo'o ca lasouaxashit.

1 Juan 2:9

Qaq da huo'o ca 'eetega da nachattaigui na yi'oqchiguiñi, qalaxayi nquiÿatega ca lqaÿa, nachi camayi ñaq huetaigui na napalaxa.

1 Juan 3:15

Qaq 'enauac nam nquiÿatapega cam lqaÿa, namayipi laataxanaxaic. Qaq qami' qauaÿajñi da sa ishit da huo'o ca laataxanaxaic da inoxoneu'a da nca'alaxa mayi chochaq tateec.

1 Juan 4:20

Qalaxayi da huo'o ca 'eeta': “Aÿim sauotec ñi Dios,” qalaxayi camayi da ña nquiÿata'ai' ca lqaÿa, nachi camayi chochi tenataxanaxaic. Cha'ayi ca 'oonolec shiÿaxaua da huo'otaq sa ishit da ÿauotec ca lqaÿa mayi ilota'a, nachi camayi ¿huá'aguectoxo' da ishit da ÿauotec ñi Dios mayi sa ishit da ila'a?

Apocalipsis 3:17

Cha'ayi 'am qonetega da 'am sallaxanec qataq ÿataqta 'auaÿamaqchiguiñi, qaica ca 'aueetac. Qaq sa ishit da 'aula'a da 'am ÿataqta qaica ca 'adama'. 'Am choxodaicolec, qaica ca yi, 'am qanamaic, qataq qouetauec.