1 Juan 1:3 - Nuevo Testamento Toba Sur

³ Qaq qami' sa'axataxama dam sauanaqchigui qataq sa'axasoqchigui, yaqto' qami' ishit da qomi' qan'ayiitau'alo, 'eeta'am da 'eetec da qomi' ñi'idaqtau'a ñi qadta'a Dios qataq so llalec Jesucristo.

Nuevo Testamento Toba Sombrero Negro

³ Qama'le naq'aeta da'me ami jechoĝotaqatapema da'me jo'ne joote jauanaĝa nataq'aen jomachaĝa, qaedi qo'mi ademii'tegueta, nach'e naq'aeta da'me qadema'aguet joñe'me Dios jo'ne Qadet'a nataq'aen ñe'me Lec'oĝot Jesucristo.

1 Juan 1:3 Iomraidhean Croise

Juan 17:11

Qaq aÿim mashi sa ishit da soota'a ana 'alhua. Qalaxayi namayipi ñaq huetalec ana 'alhua, qaq aÿim nagui ashic da 'am ñoqo'ona. 'Am ita'a mayi 'am qui'itta, 'au'ogoxona qome da 'ad'añaxac da 'antela'a nam aÿim 'ai'anempi, yaqto' namayipi ÿataqta n'atta't, 'eeta'am da 'eetec 'am qataq aÿim.

Juan 17:21

Qataq 'am seÿaxanot, 'am ita'a, da yaqto' 'enauac namayipi ÿataqta n'atta't, da ÿataqta 'oonolec ca lataxac da qomi' n'attau'alo, yaqto' ishit da 'eeta'am da 'am aÿim qoueta'aguet, qataq aÿim 'am soota'aguet. Qataq ñishitaique da namayipi ÿataqta n'atta't, yaqto' nam huetalec ana 'alhua ishit da i'amaqten da aÿim 'adamaxashic.

Juan 17:25

'Am ita'a mayi ÿataqta ÿaÿamaqchiyiñi naua 'au'o't, nam huetalecpi ana 'alhua sa ishit da 'am ÿauatton. Qalaxayi aÿim 'am sauatton, qaq ne'enapi mashi sogote da ÿaÿaten da 'am aÿim 'adamaxashic.

Juan 17:3

Qaq de'eda achaalataxac mayi chochaq tateec, damayi nachida da naigui da 'am qaÿauatton, 'am Dios mayi nachi'amta qataq 'am 'eesa, qataq na 'ai'alec Jesucristo mayi 'anamaq co'ollaxa.

Juan 19:35

Qaq som i'axat de'eda, somayi co'ollaxa ÿauaachigui qataq ÿataqta 'eesa de'eda 'enapec. Cha'ayi somayi ÿaÿateeta da ÿataqta 'eesa de'eda l'aqtac, yaqto' qami' nataq'en ishit da qau'amqajnataxañi.

Hechos 13:32

Qaq ÿoqo'oyi qomi' qami' sa'axataqtapeguema nagui de'eda no'on qad'axaÿaxac mayi ÿachaxanapeguem co'ollaxa som hua'au qadta'alpi ñi Dios.

Hechos 13:41

Ña qaumijñi, qami' 'enaxanaxaicpi, chochi qau'elaqÿapigui' qome, qataq qami' qaÿaqatte' da qadellivi; cha'ayi aÿim mayi aÿim Dios, huo'o ca na'a'q qome qavichiÿa, qaq aÿim huo'o ca so'ot lta'adaxanec, qaq camayi ÿataqta sa qau'amaqchiñi, nai'ctoxo' da huo'o ca qami' da'aqtaxaatapeguema.

Hechos 2:42

Qaq 'enauac somayipi ÿataqta queteguelo naua lapaxaguenataxanaxaco se'esoua namaxa'shi, qataq ÿataqta nhuoteeta't, qataq nqouagaxaueetac, qataq da deque'e, qalaq 'enauac ima'a't.

Hechos 20:27

Cha'ayi aÿim ÿataqta sa'axatta 'enauac nam 'eetapeguecpi ñi Dios, qaica ca soxottapiguiñi.

Hechos 4:20

Cha'ayi qomi' sa ishit da saxanaxañi da sa'axataqtac cam sauanaqchigui qataq ca sa'axasoqchigui.

Romanos 15:27

Qaq damayi quetelec yi lavilÿaxac da i'ot namayipi, cha'ayi nachi 'eetec iuen da i'ot damayi. Cha'ayi nam judiopi mayi 'amqajnataxanaxaicpi ÿachitec co'ollaxa da n'achiquiaxac mayi saq cha'a nam sa ishit da judiopi. Qaq ÿoqo'oyi namayipi iuen da itaunec nam judiopi 'amqajnataxanaxaicpi dam yi'oqchigui lsallaxa.

1 Corintios 1:30

Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

1 Corintios 1:9

Ñi Dios ÿataqta ipactelguete naua l'aqtaqa, ñimayi nachiñi ñi qami' iÿaxanalo da qanhuañiÿau'a da nachaalataxac so llalec Jesucristo mayi qadataxala'.

1 Corintios 15:1

Qaq nagui qami' ÿaqaÿa't, ñishitaique da qami' souennataxanaxanque de'eda n'aqtac mayi chigaqaigui da nca'alaxa, dam ñaq qoquiitalec nagui, mayi qami' sa'axatema co'olloxochiyi, nachi qau'amaqchiñi.

2 Corintios 13:14

Qataq qauacoñiiguet qome da lqouagaxanaqtaic so qadataxala' Jesucristo qataq da lsoxoyic ñi Dios, qataq qauacoñiiguet so Espíritu Santo da qami' hueta'agueta. Aja', nachi 'eetec.

Efesios 3:6

Qaq de'eda lataxac saq cha'a 'eeta': Chigoqchigui qome da n'aqtac mayi chigaqaigui da nca'alaxa da na sa ishit da judiopi ÿaconguet cam ÿachaxanapec ñi Dios da 'eeta'am qanqoÿin na judiopi. Namayipi nataq'en nhuanau'a da l'oquiaxac so Cristo, qataq nataq'en Jesús.

Filipenses 1:7

Qaq damayi sela'a da nachi lataxac da aÿim seuennatapega 'enauac da qoñiita, cha'ayi aÿim ÿataqta qami' sauoteque, qataq cha'ayi qanhuañiÿau'a da lqouagaxanaqtaic ñi Dios, nai'ctaxa da huo'otaq aÿim qaicoñittai', huo'otaq da aÿim ñachaateu'a na nta'alpi da setaqlec da n'aqtac mayi chigaqaigui da nca'alaxa, da sa'axat da ÿataqta 'eesa damayi.

Filipenses 2:1

Qaq ÿoqo'oyi so Cristo da qami' i'añaqchi't, qataq da qami' machiyiñi naq'en da lauotaxanaqtaic somayi, qataq da qami' hueta'agueta so n'Espíritu, qataq da qauauattoñi da nauotaxanaqtaic qataq da nchoxonnataxanaxac,

Filipenses 3:10

Qataq aÿim ñishitaique da ÿataqta sauattoota so Cristo qataq da l'añaxac co'ollaq nca'aleeguesop qanqoÿin da nleuaxa, qataq da ñiuanau'a da nque'ejnaxac, chochi sevitta'a da shiita'am somayi da seleu.

Colosenses 1:13

Cha'ayi ñimayi qomi' nca'alaxateeguesopa co'ollaxa da lamaxasoxonaxac na napalaxa, huaña, nachi qomi' inoxonaqchiteu'alo da lamaxasoxonaxac so lauotaxat llalec,

1 Ts 1:10

Nataq'en namayipi n'aqtaxaatapigui da qami' qauachiitaique nagui da ñi'iguelaq so Jesús som llalec ñi Dios mayi nca'aleec naq'en co'ollaq mashi ileu. Somayi mayi nachiso so qomi' nca'alaxateeguesopa qome da lchiquiaxac ca nhuaxanaguec na shiÿaxauapi mayi naÿa'cna.

1 Timoteo 6:2

Qaq ca namaxashic da huo'otaq huo'o ca n'aco' 'amqajnataxanaxaic, qalaq sa ishit da huo'otaq sa ÿalaxalec, lamaaxa da da'amqajnataxan. Chaqdata da ÿataqta huelec da lalaxayic, cha'ayi ca do'onataxaatacot, 'eeta'am l'amqajnataxanaxaua, qataq ÿataqta nauochaxaua lqaÿa. Qaq de'eda shiitega ÿataqta 'auapaxaguenataxanec qataq 'au'axat.

Hebreos 2:12

Qaq nachi 'enapec naua ñiyigui'shi l'aqtaqa ñi Dios, 'eeta': Sa'axatem qome na ÿaqaÿañicpi da qoneta, qataq so'on ca n'onec da 'am shi'oxoden da sootangui ca lapoota'a't 'amqajnataxanaxaicpi.

Hebreos 3:1

Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.

Hebreos 3:14

Cha'ayi da ÿataqta qomi' qadamchiyiñi, chochi sevidaqta'a ca loga't da qanaquitaxac mayi saconaxaguet som hua'auchiguiñi, nachi ishit qome da ñiuanaqhua'a so Cristo.

1 Pedro 5:1

Nagui saqatalo qami' lataxala'te na 'amqajnataxanaxaicpi, cha'ayi nachi shin'ama qami' aÿim nataxala', qataq sauaachigui 'enauac na nque'ejnaxaguesat so Cristo, qataq nachi shin'ama qami' ñiuanau'a ca ñi'oxoyic mayi ñaq natai' da qaÿachaxan.

2 Pedro 1:16

De'eda qadapaxaguenataxanaxac mayi qami' sanaxama da sa'axataqtac da l'añaxac qataq ca lli'iguelaxasoxoc so qadataxala' Jesucristo, damayi sa ishit da sachigoxotaqchigui ca chochi qaÿachigoxotchiiya' n'aqtaxanaxac. Cha'ayi qomi' ÿataqta ñimaqa'ai' co'ollaxa da sauanaqchigui da l'amaqchic somayi.

1 Juan 1:1

Qaq sedaxañi da yaqto' qami' samaxasaxalo se'eso nal'ena da huo'o co'ollaq saxanaxa da huo'o ana 'alhua, som qomi' sa'axasoqchigui qataq ñimaqa'ai' da sauanaqchigui. Somayi sauanaqchigui qataq naua qadhua'q ipottau'alo, qaq somayi nachiso so l'enaxat n'aqtac mayi chigaqaigui da nca'alaxa.

1 Juan 1:5

Qaq 'eda dam n'aqtaxanaxac mayi qomi' ÿapaxaguenque so Jesucristo dam qami' sa'axataqtapeguema, 'eeta': Ñi Dios yi'oqchiguiñi naq'en 'enauacna, qaq sa ishit da huo'o ca napalaxa da hueto'ot ñimayi.

1 Juan 1:7

Qalaxayi da ñachaataqtaigui na yi'oqchiguiñi, da shinaqta'am ñi Dios da nachattaigui na yi'oqchiguiñi, nachi ñi 'oonolec da shinaqta ÿataqta n'atta'ai' ca lÿa, nachi naua ltago'q mayi qaicoldeec so llalec Jesucristo co'ollaq qaÿalauat, iÿouec 'enauac na qadasouaxashit.