1 Corintios 9:1 - Nuevo Testamento Toba Sur

¹ Aÿim 'eesa da aÿim huosochiguiñi, qataq yalau'a da 'enec ca lamaxashic so Jesús. Cha'ayi aÿim ñauane' somayi som qadataxala'. Qaq qami' mayi nachiqami' naiguilo da i'onataxanaxac da so'onataxaatacot so qadataxala'.

Nuevo Testamento Toba Sombrero Negro

¹ Qalaĝaja jayem uojotañi qaedi ja'uo ga'me jo'ne jepaquetapega, queda'me jayem lamaĝajec ñe'me Jesús; joote auayachiñe da'me 'uo jo'me nolo' ca'li jauana ñe'me Qadejaliaĝanec Jesús. Qama'le nach'e ami jo'ne ami jachiyoĝotayilo da'me 'yonataĝanaĝac queda'me jo'onataĝaneuo'o ñe'me Jaliaĝanec. ¿Qo'li ja naq'aeta?

La'aqtaqa Ñim Lo'onatac 'Enauacna 2013

¹ Aỹem huesochiguiñi, qataq aỹem namaxashec. Cha'aye aỹem ñauane' co'ollaxa So Jesús. Qaq ña'achec, cha'aye de'era ỹo'onataxanaxac, damaye chegoqchigui da qami' qaua'amaqchiñi So Cristo.

1 Corintios 9:1 Iomraidhean Croise

Hechos 13:2

Qaq huo'o so na'a'q co'ollaq somayipi i'ottac so lli'oxonnataxanaxac ñi qadataxala', nachi nqouaqchit da nqouagaxauen. Nachi so Espíritu Santo 'enapego' somayipi, 'eeta': –Qauÿochiÿauga qome ñi Bernabé qataq ñi Saulo, da yaqto' sanaguilo dam sauotaique l'onataxanaxa'c mayi huo'o mshi seÿaxanalo.

Hechos 14:14

Qalaxayi soua Jesús lamaxa'shi Bernabé qataq Pablo co'ollaq nomra de'eda, nachi soomayi ncolaxata'alo naua alogo, nachi tadoigui na shiÿaxauapi, nachi i'alaqta'pe, 'eeta':

Hechos 14:4

Qalaxayi nam shiÿaxauapi mayi netaña se'eso la ciudad, namayipi nÿodacachi, huo'o na iuejlec na judiopi qataq huo'o na iuejleguete soua Jesús lamaxa'shi.

Hechos 23:11

Qaq se'eso pe nachi so qadataxala' nachaxana so Pablo, nachi 'eetega, 'eeta': –Pablo, 'an'añaxat qome, cha'ayi de'eda qonetec co'ollaq aÿim 'au'axattac can huaña na Jerusalén, nataq'en nachida qome da qonetec da aÿim 'au'axat qom huaña yi Roma.

Hechos 9:15

Qalaxayi so qadataxala' 'enapego' somayi, 'eeta': –'Aue, 'anqo'ona, cha'ayi aÿim llica'aguishic ñi'iñi shiÿaxaua, da yaqto' aÿim i'axat, aÿim i'axatem 'enauac na ÿotta'a't shiÿaxauapi, qataq na lta'alpi namayipi, nataq'en nam llalaqpi so Israel.

Hechos 9:17

Nachi so Ananías jec da taÿa ca noÿic mayi netaña so Saulo. Qaq co'ollaq inoxoneu'a ca hueta'a, nachi ÿashil-lec somayi, nachi 'enapego', 'eeta': –'Am ÿaqaÿa Saulo, ñi qadataxala' Jesús mayi 'am nachaxana co'ollaq 'ananactague' na nqa'aic, ñimayi aÿim namaxa 'am, da yaqto' qaltaq 'anauaañi, qataq da 'am nlaqchigui so Espíritu Santo.

Hechos 9:3

Qalaxayi somayi co'ollaq quetague' so nqa'aic, qaq mashi sa qaÿapeque ca la ciudad Damasco, nachi nque'elaxatta da huaigui so n'edaxa chigoqo'ot na piguem.

Hechos 9:5

Nachi so Saulo denataxan, 'eeta': –'Am ÿataxala', ¿négue't 'am? Nachi se'eso nvilÿaxac qataq 'enapeco': –Qomyi nachaÿim Jesús, nachaÿim mayi aÿim 'aucaatac. 'Am 'eeta'am da maichi 'anque'emaqchittapeguela't, qoneta'am da 'eetec ca nauegaxanaxala' huaca da maichi ÿasottapeeguet aca n'adaxanaqte.

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

Romanos 1:5

Qaq nachi chigoqchigui so Jesucristo da ñi Dios qomi' nqouagueque da qomi' ÿanaguilo da qomi' lamaxa'shi, da yaqto' so'onataxanqot somayi, yaqto' 'enauac na ÿotta'a't shiÿaxauapi ishit da huo'o ca da'amqajnataxan qataq ÿalaq.

Romanos 11:13

Qalaxayi aÿim huo'o da i'aqtac qami' tachiguilo qami' mayi sa ishit da qami' judío lashi'. Cha'ayi ñi Dios aÿim ÿamaxalec nam sa ishit da judiopi, qaq ÿoqo'oyi aÿim ÿataqta shi'oxoden da i'onataxanaxac.

1 Corintios 1:1

Aÿim Pablo, maichi chigoqchigui co'ollaxa ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Sóstenes.

1 Corintios 10:29

Qaq sa'axattac da lhuennataxac ca lÿa shiÿaxaua, qaq sa ishit da nachida da qadhuennataqai. Qalaxayi da huo'o ca 'enapec da l'aqtac: “¿Tá'ainco'ctaxa da 'aloqtapigui iuel naq'en da lhuennataxac ca iÿa da huo'otaq huo'o ca sachictac?

1 Corintios 10:30

Cha'ayi da huo'otaq ñoqouagaxaueelec ca anoq da sanot da ñi'achic ñi Dios, qaq ¿tá'ainco' da aÿim qanayictega souaxat ca sachictac?”

1 Corintios 11:16

Qalaxayi da huo'o ca nshitaique da taÿa'aguet de'eda, qaq no'on da ÿaÿateeta da qomi' qaica ca lÿa qan'onataxac, qataq 'enauac nam neteguelo naua laÿil ana 'alhua nam i'amaqteetacpi ñi Dios.

1 Corintios 3:6

Aÿim saañi co'ollaxa da n'onataxanaxac, qaq so Apolo anac da icodelec, qalaxayi ñi Dios mayi i'ot da lañaxataxac.

1 Corintios 9:19

Nai'ctaxa da qaica ca aÿim l-latac, qalaxayi se'enaxat da 'ico' aÿim l-latac 'enauac na shiÿaxauapi, yaqto' ÿataqta saqalota na ÿaueguec shiÿaxauapi da i'amaqten so Cristo.

2 Corintios 10:7

Qami' mayi qauloitagui ca chochi yi'oqchigui shiÿaxaua. Qom huo'otaq huo'o ca 'eetega da quetague' so Cristo, qaq camayi no'on da ÿaÿateeta da qomi' nataq'en qolaqtague' so Cristo.

2 Corintios 11:5

Cha'ayi aÿim sela'a da sa ishit da aÿim napacalec nam qoquiitague'pi mayi 'eetega da nataÿaña nam Jesús lamaxashicpi.

2 Corintios 6:1

Cha'ayi qomi' lta'u ñi Dios dam l'onataxanaxac, qaq ÿoqo'oyi qami' ñachoxodenaqtoiguilo da sa ishit qome da saqca ca naigui qanqashiñi da lqouagaxanaqtaic mayi qami' ÿachaxanalo ñimayi.

Gálatas 1:1

Aÿim Pablo, aÿim lamaxashic so Jesucristo. Qaq sa ishit da aÿim lamaxashic qataq da aÿim ÿideuo ca chochi shiÿaxaua, cha'ayi nachiso so Jesucristo qataq ñim lta'a Dios mayi nca'aleeguesop naq'en somayi da nleuaxa.

Gálatas 5:1

So Cristo qomi' ÿanema da qansoxoc, da yaqto' qomi' huesochiyiñi. Qaq ÿoqo'oyi qami' no'on qome da sa ishit da qai'axañiiuec de'eda qansoxoqui. Qataq sa ishit qome da qavi'iguelaqÿa da chochi qami' nlataqa.

1 Ts 2:6

Qataq sa ishit da qomi' ñimitaqtaique da qomi' qavi'oxoyiñi', huo'otaq na ÿaqauga shiÿaxauapi, nai'ctaxa da qomi' lamaxa'shi so Cristo. Qalaxayi ñaqaiyita sa ishit da nachida da shigaqtega da yaqto' qomi' qauloigueta.

1 Timoteo 2:7

Ÿoqo'oyi ñi Dios aÿim ÿanagui da aÿim l'aqtaxanaxanec qataq lamaxashic, da sapaxaguen na saq judiopi, da sapaxaguenec da npi'iÿaxac qataq da lataxac mayi ÿataqta 'eesa. Da i'aqtaxanaxac ÿataqta 'eesa, sa ishit da aÿim tenataxanaxaic, cha'ayi sa'amaqten so Cristo.

2 Timoteo 1:11

Qaq ñi Dios ÿanagui da aÿim l'aqtaxanaxanec da sa'axat de'eda n'aqtac. Qataq aÿim ÿamaxalec da sapaxaguen na saq judiopi.