1 Corintios 7:2 - Nuevo Testamento Toba Sur

² Qalaxayi souaxat da huo'o na quetaigui da lquishiguetaxac, qaq no'on ca 'oonolec shiÿaxaua da ÿauo'o aca lalamaqte lhua, qataq aca 'alo ÿauo'o ca lalamaxat lhua.

Nuevo Testamento Toba Sombrero Negro

² Qalaĝaja, queda'me 'uo da'me nequejeguetaĝa, qama'le 'noota ta'le onolqa'tape uo'oe naa'me loua', nataq'aen onole'tape yauo uo'oe gaa'me mach'e loua'.

La'aqtaqa Ñim Lo'onatac 'Enauacna 2013

² Qaq damaye ỹaỹamaqchiguiñi. Qalaxaye da iuennataxac 'onaxaic da ca ỹale ỹauo'o aca lalamaqte lhua, qataq aca 'alo ỹauo'o ca ỹataqta lalamaxat lhua, yaqto' saishet da nqaañi da quisheguetaxac maye sa qaishetapec.

1 Corintios 7:2 Iomraidhean Croise

Mateo 5:32

Qalaxayi aÿim qami' shinapegalo da huo'otaq huo'o ca shiÿaxaua da ÿalat aca lhua, da sa ishit da huasoilec da nquishishaxac, nachi camayi ÿasouaxateguet aca lhua da 'ico' nquishishaxai. Qaq cam huadonguet acam qaÿalat 'alo, camayi nataq'en qaÿamata'ac da huadonaxaic.

1 Corintios 6:18

Ÿoqo'oyi qauataiueguesop da nquishiguetaxac. Na laÿipi sa ÿaÿamaxañi mayi ishit da i'ot ca shiÿaxaua, namayipi sa ishit da pa'aigui da l'oquiaxac. Qalaxayi cam quetaigui da lquishiguetaxac, qaq camayi maichi ÿasouaxat da lalamaxat l'oquiaxac.

1 Corintios 7:1

Qaq nagui qami' sa'axatema dam qaunataxañiitapeguelec co'ollaq aÿim qanamaqaÿa aso qad'aqtaqui lmalate. Qaq aÿim shinapec da 'onaxaic ca shiÿaxaua da sa ishit da huadon.

1 Corintios 7:3

Qaq ca shiÿaxaua mayi mashi huadon ÿataqta iloteguet aca lhua. Nachi 'en'am aca 'alo ÿataqta iloteguet ca lhua.

1 Corintios 7:9

Qalaxayi da sa ishit da nalo'oguet da 'eeta, qaq 'onaxaic da ÿataqta huadon, cha'ayi sa ÿaÿamaxañi da nachi 'eetai' da dapaqtac.

Efesios 5:28

Ca ÿale mashi huadon, ÿataqta ÿauotec aca lhua, 'eeta'am da lauotaxanaqtaic da lalamaxat l'oquiaxac. Qaq ca ÿauotec aca lhua, camayi maichi nauojla't.

Efesios 5:33

Qalaxayi damayi nataq'en i'axat da ñi 'oonolec da qoñiita ÿataqta ÿauotec aca lhua, 'eeta'am da maichi nauojla't. Qaq aca 'alo ÿataqta huo'o naq 'enec naq'en ca lhua.

1 Ts 4:4

Ca 'oonolec shiÿaxaua iuen da ÿaÿateeta da ÿauo'o aca ÿataqta lhua, qataq ntel-la't, nataq'en ÿauotec aca lhua.

1 Timoteo 4:3

Ne'ena shiÿaxauapi sa ÿashin da nadonaxac, nataq'en huo'o na sa ÿashin nallicpi da qanallic. Qalaxayi ñi Dios i'ot 'enauac na nallic, yaqto' ishit da chictac nam da'amqajnataxan qataq mashi ÿauatton da 'eesa lataxac, da ÿanem da n'achiquiaxac ñi Dios.