1 Corintios 4:8 - Nuevo Testamento Toba Sur

⁸ Qami' 'eeta'am da mashi qami' sallaxanqa, qataq qami' hueto'oto 'enauac nam qauviñiitac. 'Eeta'am da mashi qami' nta'al, qaq qomi' nachi qomi' qauasaqaitreec. ¡'Onaxaico' da ÿataqta 'eesa da qami' nta'al, yaqto' qami' ñiuanaqhua'alo da qomi' nta'al nataq'en!

Nuevo Testamento Toba Sombrero Negro

⁸ Qama'le ¿qo'li ami machidiñe q'ae'n queda'me joote anaviquila't ena'uac? ¿Qo'li male aueñiya'ama gaa'me jaliaĝanaqa jo'ne net'al, mate mane'e qo'mi ja naq'aeta? ¡Chiliajaĝa yataqachiñe eja da'me ami jaliaĝanaqa jo'ne net'al nayi qaedi ami yapajoĝogueta qama'le ena'uac qo'mi 'uo da'me qadejaliaĝa!

La'aqtaqa Ñim Lo'onatac 'Enauacna 2013

⁸ Qami' mashe qami' hueto'oto 'enauac nam qanqopichiitaique: mashe qami' sallaxanaqa, qataq mashe qoñiita'am na nta'alpi, qaq 'eeta'am da nache qomi' qauasaqaitre'c. ¡'Onaxaico' da ỹataqta 'eesa da qami' nta'al! ¡Yaqto' qami' qaro'onataxanaxau' da qomi' nta'al!

1 Corintios 4:8 Iomraidhean Croise

Mateo 5:1

Qaq so Jesús co'ollaq ila'a da ÿataqta qalota so shiÿaxauapi, nachi nqo'ooshiguemec aso qasoxonaxa, nachi nso'ooñi, nachi so lapaxaguenatacpi laponeu'a somayi.

Lucas 6:25

Nataq'en choxodaxasodo' qami' mayi sa ishit da qauqouachi nagui, cha'ayi huo'o qome na qadqouaqai. Qataq choxodaxasodo' qami' mayi qauaÿalliguiyiitac nagui, cha'ayi ÿataqta qanoÿiñiitapeguem qome da qadaquicoqoi.

Hechos 26:29

Nachi so Pablo 'enapeco': –Nai'ctoxo' da huac da 'au'amqajnataxan, huo'otaq saxanaxa, qalaxayi ñishitaique da ñi Dios saq'amta naq'en, nataq'en 'enauac nam aÿim n'axaÿaxaatega nagui, ishit da ivida'a da 'eeta'am aÿim, qalaxayi sa ishit qome da aÿim qoñiita'am da aÿim qaicoñittai'.

Romanos 12:3

Cha'ayi ñi Dios aÿim nqouaguec da aÿim ÿanem de'eda i'onataxanaxac. Ÿoqo'oyi qami' shinapegalo da 'enauac da qoñiita sa ishit qome da huo'o ca ñi'oxonnapec da lhuennataxa da nlotapeguela't. Chaqdata qome da ñi 'oonolec ÿataqta nloteec da deuennataxaatac, qataq iloteguet cam nalotau'a da lpi'iÿaxac mayi ÿanem ñi Dios.

1 Corintios 1:5

Cha'ayi souaxat da qan'ayiitau'a somayi, nachi ñi Dios qami' ÿanema 'enauac na ÿotta'a't nsallaxa mayi saq cha'a da qami' ÿanema da qad'aqtaxanaxaqui, nataq'en da qadauattonaxanaxaqui.

1 Corintios 4:18

Huo'o ca 'oonolec da qoñiita ÿashittagui da ñi'oxonnaxac, ipettega da huo'otaq aÿim sa ishit da qami' ñamaqtegalo.

1 Corintios 5:6

Qami' sa ÿaÿamaxañi da qañi'oxonñiitapigui da qau'ochiitac. ¿Sa qauaÿajñiÿo' naxa da n'aqtac mayi 'eeta': “Aca saq 'amaqtaq lalecte ana pan ishit da quichigui da ÿashiidaxachigui 'enauac ca ndaqnguishic 'ayiiña”?

2 Corintios 11:1

Da iyaxa da qami' cada'ac da qanañaxachiiguet da 'ico' ñi'oopaxac. Nai'ctaxa ca 'eetec, qalaxayi nachi 'en'am aÿim qan'añaxachiiguet.

2 Corintios 13:9

Qaq ÿoqo'oyi qomi' ÿataqta samaqchiguiñi da huo'otaq qaica ca qad'añaxac, lamaaxa da ÿataqta qami' 'añaxaiqa. Qaq soqolaqtot da ñoqouagaxaunaqtac, yaqto' qami' ishit da ÿataqta qanaloichiguiñi.

Gálatas 6:3

Cha'ayi ca ipi'itaxaatega da 'amaqtaqaic, qamaq qaica ca naigui, qaq camayi 'eeta'am da maichi natenachittapeguela't.

Filipenses 1:27

Qaq chaqdato' da qami' qanpogoxoiñiÿapegue' da yaqto' da qadataxaqui nateeteguet da l'aqtac so Cristo. Qaq yaqto' da ishit da qami' sevitalo, huo'otaq da sa ishit, qalaxayi ñaqaiyita ñishitaique da aÿim ivida'a qome ca i'axaÿaxac da qoñiita da sa ishit da qanañaxañiiñi, qataq sa ishit da qami' huesoguilo da qauloquiitapeguelec da qadpi'iÿaxaqui mayi qauachigoxochiÿaigui da n'aqtac mayi chigaqaigui da nca'alaxa,

Filipenses 2:12

Qaq ÿoqo'oyi qami' ÿaqaÿadolqa, cha'ayi qami' nachi 'eetai' naxa da aÿim qaualaqaiguet da qami' soota'agueta, qaq nagui da aÿim qaÿoqtaique, qalaq no'on da ÿacteec da aÿim qaualaqaiguet. Ÿataqta qau'onataxañiilec qome da qadca'alaqai, qataq sa ishit da 'ico' qanpichiitapeguela't, qataq ÿataqta huo'o da qadcolanqai.

Apocalipsis 3:17

Cha'ayi 'am qonetega da 'am sallaxanec qataq ÿataqta 'auaÿamaqchiguiñi, qaica ca 'aueetac. Qaq sa ishit da 'aula'a da 'am ÿataqta qaica ca 'adama'. 'Am choxodaicolec, qaica ca yi, 'am qanamaic, qataq qouetauec.

Apocalipsis 5:10

Qataq qomi' 'ai'anaguilo da qomi' nta'al qataq da qomi' ltaxaÿaxanaxanqa na shiÿaxauapi da so'onataxanqot ñi qadta'a Dios. Qanachi seloxogue 'enauac na huetalec ana 'alhua.