1 Corintios 4:6 - Nuevo Testamento Toba Sur

⁶ Qami' ÿaqaÿa't, de'eda qami' sa'axatema, damayi maichi qadaÿamqai. Saloqnaxaatapigui so Apolo qataq aÿim, yaqto' qami' ishit da qauachigoqoichigui da shinaqta da qauaÿajñi da sa ishit da qanapaquiÿapeguelguete naua ñiyigui'shi n'aqtaqa, yaqto' qaica ca n'amaqchiitacot ca lÿa, qaq ca lÿa i'otan.

Nuevo Testamento Toba Sombrero Negro

⁶ Ami yaqaya'olqa, ami ja'aĝatema da'me dojo' jo'ne jayem 'yaĝatetac choqoñe'me Apolo, qaedi ami yecochiyalo queda'me qo'mi adaloqotenaĝanaĝaqui, da'me ami japaĝaguenaĝaque da'me ena'te anapaquiyalegue ga'me jo'ne joote qoyediñe joca'li, qaedi ja avi'yoĝodiñetac nataq'aen qaedi qaya'te a'uotañetac.

La'aqtaqa Ñim Lo'onatac 'Enauacna 2013

⁶ Saloqnaxaatapigui so Apolo qataq aỹem, yaqto' qami' ishet da qauachegoqoichigui da shenaqta da qauaỹaañi da naigui da na'aqtac naxa maye 'eeta': Saishet da qanapacỹapeguelec dam nanettalec ana nere, maye huetalec na la'aqtacpi Ñim Lo'onatac 'Enauacna. Yaqto' qaica ca ipettega da ca lo'onataxanaxanec Ñimaye napacalec da la'amaqchec ca lỹa.

1 Corintios 4:6 Iomraidhean Croise

Hechos 18:24

Qaq se'esoua na'axa'te nachi nvita yi Éfeso so judío l'ec l'enaxat Apolo. Somayi nachi lañoqo' yi 'alhua Alejandría, qaq somayi ÿataqta ÿaÿaten da l'aqtaxanaxac, qataq ÿataqta ÿaÿate'n naua llico naua nanettrañi l'aqtaqa ñi Dios.

Hechos 19:1

Qaq so Apolo co'ollaq ñaq hueta'a yi Corinto, nachi so Pablo quetaguilo naua 'ale'u mayi saqaÿoqotchiguemque, chochi nvitta'a yi Éfeso. Nachi huaña, qaq huo'o so ilalecpi 'amqajnataxanaxaicpi.

Romanos 12:3

Cha'ayi ñi Dios aÿim nqouaguec da aÿim ÿanem de'eda i'onataxanaxac. Ÿoqo'oyi qami' shinapegalo da 'enauac da qoñiita sa ishit qome da huo'o ca ñi'oxonnapec da lhuennataxa da nlotapeguela't. Chaqdata qome da ñi 'oonolec ÿataqta nloteec da deuennataxaatac, qataq iloteguet cam nalotau'a da lpi'iÿaxac mayi ÿanem ñi Dios.

1 Corintios 1:12

Qaq ÿoqo'oyi yi'oqta da qoñiita da ÿotta'a't naua qadtaxaÿaxacolli'. Cha'ayi huo'o na 'eeta': “Aÿim ÿataxala' so Pablo;” qataq huo'o na 'eeta': “Aÿim ÿataxala' so Apolo;” qataq huo'o na 'eeta': “Aÿim ÿataxala' so Pedro;” qataq huo'o na 'eeta': “Aÿim ÿataxala' so Cristo.”

1 Corintios 1:19

Cha'ayi nachi 'enapec naua nanettrañi l'aqtaqa ñi Dios, 'eeta': Ñilaxajñi da laÿajnataxanaxac na ÿajnaxanaxaicpi, qataq qaica ca naigui ñaq'en da lauattonaxanaxac na huattonaxanaxaicpi.

1 Corintios 1:31

Qaq ÿoqo'oyi “ca nshitaique da napagaqchin, no'on da ÿapagaqchin so qadataxala'.” Qaq 'eda da 'enapec naua ñiyigui'shi l'aqtaqa ñi Dios.

1 Corintios 13:4

Ca huo'o da lsoxoyic ÿataqta nque'ejnaxaic, qataq huotaxanaqtaqaic, qaq sa ishit da quiÿaxanaqtaqaic, qataq sa ishit da n'amqajnaxaic, huo'otaq ñi'oxonnaxaic.

1 Corintios 3:19

Cha'ayi da naÿajnec mayi lma'na, damayi 'eeta'am da chochi 'oopashic naq'en ñi Dios. Cha'ayi naua ñiyigui'shi l'aqtaqa ñi Dios 'eeta': “Ñi Dios maichi lqoinguishic naq'en na ÿajnaxanaxaicpi naua maichi lqoinaxanaxaco.”

1 Corintios 3:21

Qaq ÿoqo'oyi qaica ca n'amqajnapec da ÿi'oxodeetac ca chochi shiÿaxaua, cha'ayi 'enauac na huetalecna, namayi qadalamaxachi:

1 Corintios 5:2

¡Qalaq ñaq 'eetalec da qami' ÿashittaguilo da qañi'oxonnaxaqui! ¡Qamaq ishíttaxa da ÿataqta qauaquicoita! Qaq que'eca shiÿaxaua mayi i'ot de'eda lta'adaic sa ÿaÿamaxañi, ÿataqta qauamaqÿauéctaxa da sa ishit da nachi 'eetai' da qami' netanguilo.

1 Corintios 5:6

Qami' sa ÿaÿamaxañi da qañi'oxonñiitapigui da qau'ochiitac. ¿Sa qauaÿajñiÿo' naxa da n'aqtac mayi 'eeta': “Aca saq 'amaqtaq lalecte ana pan ishit da quichigui da ÿashiidaxachigui 'enauac ca ndaqnguishic 'ayiiña”?

1 Corintios 8:1

Qaq nagui qami' sa'axatema da lliquiaxac ca nallic mayi qanatameelec da qoÿanot ca nqolac. 'Eesa da 'enauac da qadauattonatac de'eda. Qalaxayi de'eda nauattonaxanaxac ÿashittagui naq'en da ñi'oxonnaxac ca shiÿaxaua. Chaqdata da nsoxoyic mayi nañaxat naq'en camayi.

1 Corintios 9:23

Qaq 'eda 'enauac da shiitec souaxat da n'aqtac mayi chigaqaigui da nca'alaxa, yaqto' ishit da nataq'en aÿim ñiuanau'a ca chigaqaigui de'eda n'aqtac.

2 Corintios 10:12

Cha'ayi qomi' sa ishit da sauoqtaique da shinaqta'am, huo'otaq da ñaloqnaxaguet da qanachaalataxac nam shiÿaxauapi mayi maichi ñi'oxodeetapeguela't. Namayipi huo'o da n'oopaxac, souaxat da maichi naloqnaxaatapeguela't, qataq da ñi 'oonolec maichi naloqnaxaatapeeguet da nachaalataxac ca lÿa.

2 Corintios 10:15

Qaq sa ishit da ñipa'axanaqpeguelec ca l'onatac ca lÿa shiÿaxaua da huo'otaq se'enaxataqteguem ca maichi qadalamaxat. Chaqdata da qomi' ñaquitaqta'a da ña nquic da qadpi'iÿaxaqui, yaqto' qomi' ishit da nquicteec da qad'onataxanaxac da qoñiita, qalaxayi nachi 'eetai' da sa ishit da ñapagaqlec yi loga't da qad'onataxanaxac.

2 Corintios 10:7

Qami' mayi qauloitagui ca chochi yi'oqchigui shiÿaxaua. Qom huo'otaq huo'o ca 'eetega da quetague' so Cristo, qaq camayi no'on da ÿaÿateeta da qomi' nataq'en qolaqtague' so Cristo.

2 Corintios 11:4

Cha'ayi qami' ÿapacteec da qan'añaxachiiguet nam qami' nvittapegueu'alo mayi i'axattac ca lÿa Jesús mayi saq 'en'am som sa'axataqtac, qataq da qami' qauacoñiiguet ca lÿa espíritu mayi saq 'en'am som mashi qauacoñiiguet, qataq da qauacoñiiguet ca lÿa n'aqtaxanaxac mayi saq 'en'am da mashi sogote qau'aqaichigui.

2 Corintios 12:19

Qalqo' ¿qami' qaupi'itaxañiÿa peta'a da qomi' shinaqpec de'eda, da chochi qami' ñoqolguetaqtagueto? 'A'i, sa ishit. Chaqdata da qomi' ÿaÿateete' ñi Dios nagui da qomi' itaxaÿaxanaxa'n so Cristo. Qaq 'enauac de'eda so'otaq, qami' ÿaqaÿadolqa, damayi naigui da yaqto' ishit da qanquiquiitashiguem.

2 Corintios 12:20

Cha'ayi aÿim huo'o da itelaxa da huo'otaq ivita da qami' ñoqo'onalo, qaq sa iuena'a da sa ishit da tachigui cam tatapigui yi iuel da qami' ñauaneto, qataq sa iuena'a, da qami' nataq'en sa ishit da tachigui cam tatapigui yi qadvilli da aÿim qanauañi'. Cha'ayi aÿim huo'o da icolanaxa da huo'otaq qami' quetanguilo ca cotaxac, pa'aguenaxac, nalemataic, shiÿaxaua sa iuen ca lÿa, qaÿasaxalec ca lasouaxashit ca nÿa, nvidaqtaxanaxac, 'amqajnaxac, qataq qaica ca naÿamaxa.

2 Corintios 12:6

Qaq nai'ctaxa da huo'otaq ñi'oxodeela't, qalaq sa ishit da 'ico' huo'o da ñi'onataxac, cha'ayi aÿim ÿataqta 'eesa cam sa'axat. Qalaxayi aÿim sa ishit da nachi shiitec de'eda, yaqto' sa ishit da huo'o ca ÿagaqnapeguec da lmejnaxanaxac da shiita, huo'otaq cam hua'aqchigui i'aqtac.

2 Corintios 4:15

Qaq 'enauac de'eda yi'oq, yaqto' qami' qauaÿamqaiñi, yaqto' da qalota na ÿaconguet da lqouagaxanaqtaic ñi Dios, qaq qalota nataq'en na ÿaatacot da n'achic, qaq damayi naigui da lli'oxoyic ñi Dios.

Colosenses 2:18

Qaq sa ishit qome da qauauaqaita'a da sa qami' talguete naq'en ca qanshiitenaxachi nam shiÿaxauapi mayi chochi huomoigui da 'ico' qaica ca n'amqajnaxac qataq natameetacot na namaxashic piguem l'ecpi. Cha'ayi namayipi taigui da i'ot cam sa ishit da ÿoqta ÿauaachigui, qataq chochi ÿashittagui da ñi'oxonnaxac, souaxat naua maichi lhuennataxaco da lapachiyaxac.

1 Ts 1:5

Cha'ayi qomi' co'ollaq qami' sa'axataxama da n'aqtac mayi chigaqaigui da nca'alaxa, qalaq sa ishit da ndoxoiqa naua qadtaxaÿaxac. Cha'ayi qomi' hueta'agueta da l'añaxac so Espíritu Santo, qataq saÿajnaqta da ÿataqta 'eesa dam sa'axataqtac. Qataq qami' ÿataqta qauaÿajñiita da qadataxac no'on co'ollaq qami' souaqta'agueta. Qaq damayi naigui da maichi qanaÿamaxataxaqui.

2 Timoteo 2:10

Ÿoqo'oyi ñi'añaxateguet 'enauac na chochina, cha'ayi ñishitaique da na Dios lca'aguishicpi ividauga da nca'alaxa mayi ÿapac da lyaquiaxac qataq chochi tateec. De'eda nca'alaxa qomi' taÿoto, cha'ayi mashi ñi'adaqtau'a so Cristo Jesús.