1 Corintios 3:5 - Nuevo Testamento Toba Sur

⁵ Cha'ayi ¿négue't aÿim Pablo? qataq ¿négue't ca Apolo? Qomi' chaqdata da qomi' lamaxa'shi ñi Dios, qomi' qauachigoqoichiguilo da huo'o mshi qami' qau'amaqchiñi so qadataxala' Jesús. Ñi 'oonolec da shinaqta i'ot ca l'onataxanaxac mayi ÿachaxaalec ñi qadataxala'.

Nuevo Testamento Toba Sombrero Negro

⁵ ¿Toqoch'e qo'nonaĝachigui ñe'me Apolo? ¿Toqoch'e jayem qo'nonaĝachigui? Ch'e qo'mi lamaĝa's joñe'me Dios, jo'ne qo'mi auachiyoĝochiyayelo da'me male auep'iiya'a ñe'me Dios. Je'etaq ga'me 'nonatac jo'ne qo'mi yanema ñe'me Jaliaĝanec:

La'aqtaqa Ñim Lo'onatac 'Enauacna 2013

⁵ Cha'aye ¿negue't aỹem Pablo? Qataq ¿negue't ca Apolo? Qomi' choche qomi' lamaxa'she Ñim Lo'onatac 'Enauacna, qomi' qauachegoqoichiguilo da huo'omshe qami' qaua'amaqchiñi So Qarataxala' Jesús. Ñi 'oonolec da shenaqta ỹo'ot ca lo'onataxanaxac maye ỹachaxaalec So Qarataxala'.

1 Corintios 3:5 Iomraidhean Croise

Mateo 25:15

Nachi so 'oonolec soomayi ÿanem aso ivi' cinco mil, qaq so lÿa qalaq ÿanem aso ivi' dos mil, qataq so lÿa ÿanem aso ivi' mil. Qaq ÿanema soomayi añim nalota'ai'. Ime, nachi jec.

Lucas 1:2

Qaq namayipi ÿiyiñi dam mashi qomi' i'axatema nam ÿauaachigui so chigoqchiguiña ne'ena qai'otpi, qata nataq'en i'axattac de'eda n'aqtac.

Juan 3:27

Nachi so Juan 'enapegalo soomayi, 'eeta': –Qaica ca shiÿaxaua maichi nalligoxottela't da huo'o ca i'ot, da huo'otaq sa ishit da ÿanem ñi Dios camayi cam i'ot.

Hechos 18:24

Qaq se'esoua na'axa'te nachi nvita yi Éfeso so judío l'ec l'enaxat Apolo. Somayi nachi lañoqo' yi 'alhua Alejandría, qaq somayi ÿataqta ÿaÿaten da l'aqtaxanaxac, qataq ÿataqta ÿaÿate'n naua llico naua nanettrañi l'aqtaqa ñi Dios.

Hechos 19:1

Qaq so Apolo co'ollaq ñaq hueta'a yi Corinto, nachi so Pablo quetaguilo naua 'ale'u mayi saqaÿoqotchiguemque, chochi nvitta'a yi Éfeso. Nachi huaña, qaq huo'o so ilalecpi 'amqajnataxanaxaicpi.

Romanos 15:16

da aÿim lamaxashic naq'en so Jesucristo, da yaqto' so'onataxanoigui na saq judiopi. Qaq ÿoqo'oyi sa'axatem namayipi da n'aqtac mayi naigui da nca'alaxa mayi ÿan ñi Dios, da yaqto' sanot ñimayi nam saq judiopi, da 'eeta'am ñaq'en acam nachitaqtaxanaqte mayi ÿaÿamaxadeeta ñi Dios, cha'ayi mashi iÿotauga namayipi so Espíritu Santo.

1 Corintios 12:28

Qaq 'eda da 'eetec ñi Dios co'ollaq huo'o na ÿaconeu'a na 'amqajnataxanaxaicpi da ÿanagui da l'onataxanaxac. Ÿamataxaachiguiñi da ÿideuo na lamaxashicpi naq'en so Jesús. Ime, qataq jec na i'axat da l'aqtac ñi Dios. Ime, qataq jec na dapaxaguenataxanapecpi. Ime, qataq jec na i'ot na n'añaxacpi mayi sa qaÿauanapega. Ime, qataq jec na ishit da nataden na dalolaxaic, qataq na itaunec da lhuenaxanaxa ca lÿa, qataq na ishit da nataxala'. Ime, qataq huo'o na ÿanem da ishit da detaxaiguilo naua n'aqtaqa sa qaÿauangalo.

1 Corintios 16:12

Qaq so qadqaÿa Apolo ÿataqta qalota da ñachoxonnaxac da ñaq ca'attoiguilo soua qadqaÿa't da qami' nauaato, qalaxayi somayi sa ishit da jec nagui. Qalaxayi jec qom ivita da huo'o ca ldaqa'.

1 Corintios 3:10

Qaq aÿim shiita'am ca ilotague' na noÿic l'opi, cha'ayi ñi Dios aÿim ÿanem da llapaxañi so n'oxonaxala' ca noÿic. Qaq na laÿipi n'oxootapiguishiguem somayi. Qalaxayi ñi 'oonolec iuen da ilotelec da lataxac da do'oxonaxan.

1 Corintios 3:22

nai'ctaxa da Pablo, huo'otaq Apolo, huo'otaq Pedro, huo'otaq ana 'alhua, huo'otaq da nca'alaxa, huo'otaq da nleuaxa, huo'otaq naua ñachaataqtaiguilo na'axa'te, huo'otaq ca ñaq natauo, cha'ayi namayi 'enauac qadalamaxachi.

1 Corintios 3:7

Qaq ÿoqo'oyi ca danaxaatac qataq ca decodaxaatac qaica ca 'enec. Nachiñita ñi Dios mayi huo'o naq 'enec, cha'ayi ñimayi mayi i'ot da lañaxataxac da n'onataxanaxac.

1 Corintios 9:17

Qaq ÿoqo'oyi da aÿim maichi ñalligoxottela't da iuennataxac da so'ot damayi, qaq ishíttaxa da huo'o ca ñishiitenaguec. Qalaxayi da ÿoqta aÿim qaÿamaxalec da so'ot damayi, qaq 'eesa da ÿoqta aÿim ipataxalec de'eda ñi Dios.

2 Corintios 11:23

¿Namayipi peta'a l-latacpi so Cristo? Qaq nataq'en aÿim ÿacteec da ñapactelec namayipi, qaq nai'ctaxa da 'ico' huo'o da ñi'onataxac da shinapec de'eda. Qalaxayi aÿim ÿacteec da i'onataxanaxac, saq 'en'am namayipi. Ÿacteec da ñiuaxanaguec, qataq ÿacteec da ñicoñitaguec. Qalota da sootaigui da lchic da ñalaataguec.

2 Corintios 3:3

Qami' qoñiita'am aca nede mayi nachiso so Cristo maichi ÿidelec, ime, qaq qomi' sanaxauec. Acam nede mayi sa ishit da chochi nedaxanaxat cam qaidolec, cha'ayi nachiso som n'Espíritu ñi Dios mayi nca'altauec som dedaxan. Aca nede mayi sa ishit da 'eeta'am da nedaguec da qoÿidelec ca coma', cha'ayi nachinaua naua lquiyaqtel na shiÿaxauapi.

2 Corintios 3:6

Cha'ayi ñimayi maichi chigoqchigui da qomi' nalau'alo naq'en da so'onataxanaxau'a dam dalaxaic aÿamaxataxac mayi saq 'en'am da qaÿalaxaguet ca chochi ñiyiguishic, cha'ayi damayi nachida da dalaxaic achaalataxac mayi chigoqo'ot so Espíritu Santo. Na nqataxacpi mayi qoÿittañi, namayipi i'ot da nalaataguec ca shiÿaxaua, qaq so Espíritu Santo, qalaxayi ÿan da achaalataxac.

2 Corintios 4:1

Qaq ÿoqo'oyi qomi' sa ishit qome da sa ñi'añaxataq, cha'ayi ñi Dios dam lqouagaxanaqtaic qomi' ipataxalguete de'eda n'onataxanaxac.

2 Corintios 4:5

Qataq da sa'aqtaxanaqtac, qalaq sa ishit da maichi ñi'aqtaxanaqtapeguela't. Chaqdata da qomi' sa'axataqtac so Jesucristo da nachiso so qadataxala'. Qataq ñi'axataqta da chochi qomi' qadlataqalli', souaxat da lsoxoyic so Jesús.

2 Corintios 4:7

Qalaxayi de'eda mayi qalota da lashiichiÿaxac, damayi sachoqtaigui da qad'oquiaxac mayi 'eeta'am aca 'alhuole, yaqto' ishit da qaila'a de'eda lta'adaic n'añaxac da chigoqo'ot ñi Dios, qaq sa ishit da nachiqomi' chigoqchiguilo.

2 Corintios 5:18

Qaq 'enauac de'eda chigoqchigui ñi Dios ñim chigoqchigui naq'en so Cristo da qaltaq ñimanaxai' naq'en ñimayi. Ime, qaq qomi' ÿanema da qad'onataxanaxac, da yaqto' nmane' ñaqashinaq 'enauac na shiÿaxauapi ñimayi.

2 Corintios 6:1

Cha'ayi qomi' lta'u ñi Dios dam l'onataxanaxac, qaq ÿoqo'oyi qami' ñachoxodenaqtoiguilo da sa ishit qome da saqca ca naigui qanqashiñi da lqouagaxanaqtaic mayi qami' ÿachaxanalo ñimayi.

2 Corintios 6:4

Chaqdata da sauoqtaique da 'enauac nam so'otaqpi ichoxot da qomi' l-lataqa ñi Dios, souaxat da qanhualaxaunaxac da ñi'añaxataxaguet 'enauac na qanque'ejnaxaguesat, qadhuenaxanaxa qataq nam qanqanaqtagueguesat.

Efesios 3:7

Qaq aÿim ÿataqta sa ñauapeguela't. Qalaxayi aÿim qoÿanagui da yaqto' sa'axat de'eda n'aqtac, qaq damayi chigoqchigui da l'añaxac ñi Dios.

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.

Colosenses 1:25

Qaq maichi chigoqchigui ñi Dios da aÿim ÿanagui da i'onataxanaxac da yaqto' so'onataxaalec da qoñiita, qami' 'amqajnataxanaxaicpi, qataq da sa'axatta 'enauac da l'aqtac ñimayi,

1 Timoteo 1:12

Sanot da ñi'achiquiaxac ñi qadataxala' Jesucristo mayi aÿim ÿanem co'olloxochiyi da i'añaxac da souapegue' de'eda, cha'ayi ñimayi saq llalcolec da lpe'e naq'en aÿim, qataq aÿim ipataxalec da l'onataxanaxac.

1 Pedro 4:10

Qataq ñi 'oonolec ÿataqta iloteguet ca nshitaxat mayi ÿanem ñi Dios da do'onataxaalec na laÿipi, qoñiita'am ca ÿataqta ÿaÿaten da ilo'ogue na ÿotta'a't lachitaqtaxanaxatpi ñi Dios.