1 Corintios 3:3 - Nuevo Testamento Toba Sur

³ cha'ayi ñaq 'eetalec da qoquiitaigui da qadapachiyaxaqui. Cha'ayi da ña qannoita'a't, qataq qancotaitega't, qataq qaucolaqaitagui, qaq yi'oqta da qami' ña qoquiitaigui da qadapachiyaxaqui, qaq qoñiita'am da n'onataxac 'enauac na shiÿaxauapi.

Nuevo Testamento Toba Sombrero Negro

³ qa'a maliaĝa oquitapegue'to jodaa'me anejiyaĝauayaĝaqui lamaico. Ami p'aguenataĝanaĝayaqa nataq'aen mach'e ami da'me auapichitapega't, chane'eja nach'eda di'yoq q'aen queda'me maliaĝa oquitapegue'to da'me anejiyaĝauayaĝaco lamaico. ¿Qo'li ja naq'aeta?

La'aqtaqa Ñim Lo'onatac 'Enauacna 2013

³ cha'aye ñaq 'eetalec da qoquiitaigui da qarapachiỹaxaqui. Ỹoqo'oye ña qannoita'a't, qataq qancotaitega't. Qaq 'era da qoñiitec da qaỹaỹaten da saishet da qoquiitaigui da lataxac So Saqcha'a La'añaxac Ñim Lo'onatac 'Enauacna, qataq qoñiita'am da lataxac ca shiỹaxaua maye ca'attague' ca 'eetapeguec da lapacheỹaxac.

1 Corintios 3:3 Iomraidhean Croise

Romanos 13:13

Qaq ÿoqo'oyi ÿataqta ñaÿamaxataqta qome, se'enaxataqteguem da qanayiutaigui yi na'a'q. Sa ishit da qomi' taxaiqa. Qataq sa ishit da so'otaq ca lta'adaic qadqui'axac qataq da quishiguetaxac, na ÿotta'a't namanaxanaqtaiguesat, na cotaxaguesat, na nquiÿaxanaqtaiguesat.

1 Corintios 1:10

Qami' ÿaqaÿa't, qami' sedolguete da l'enaxat so qadataxala' Jesucristo da qami' saqatalo da ÿataqta 'oonolec da qadtaxaÿaxaqui. Sa ishit da qaucolaqaitagui. Chaqdata da qaica ca ÿaqpeuga, 'oonolec da qadhuennataqai qataq ca qoñiitapeguec.

1 Corintios 1:11

Shinapec de'eda, qami' ÿaqaÿadolqa, cha'ayi huo'o na lauo' l'ecpi aca qadqaÿa Cloe aÿim da'aqtaxaatapeguem da huo'o na sa naÿamaxanna't da qoñiita.

1 Corintios 11:18

Qaq da hua'auchiguiñi i'aqtac 'eeta': Sa'aqtapeguelec da qoÿiitega quenaxa da ivita da qalapoñiÿa't da qau'onaxañi, qalaq nda'a't da qami' qaucolaqaitagui. Qaq 'eeta'am ñaqashin da cada'acolec da 'eesa damayi.

1 Corintios 3:4

Cha'ayi da huo'o ca 'enapec: “Aÿim ÿataxala' so Pablo,” qaq ca lÿa 'eeta': “Aÿim ÿataxala' so Apolo,” qaq yi'oqta da qami' qoñiita'am ca shiÿaxaua mayi quetaigui da lapachiyaxac.

2 Corintios 12:20

Cha'ayi aÿim huo'o da itelaxa da huo'otaq ivita da qami' ñoqo'onalo, qaq sa iuena'a da sa ishit da tachigui cam tatapigui yi iuel da qami' ñauaneto, qataq sa iuena'a, da qami' nataq'en sa ishit da tachigui cam tatapigui yi qadvilli da aÿim qanauañi'. Cha'ayi aÿim huo'o da icolanaxa da huo'otaq qami' quetanguilo ca cotaxac, pa'aguenaxac, nalemataic, shiÿaxaua sa iuen ca lÿa, qaÿasaxalec ca lasouaxashit ca nÿa, nvidaqtaxanaxac, 'amqajnaxac, qataq qaica ca naÿamaxa.

Gálatas 5:15

Qalaxayi qami' da maichi qannaquiita'a't, qataq ñi 'oonolec da maichi chictac ca lÿa, qaq damayi ÿataqta qadvichiÿa'a qome. Ten, qom 'ico' maichi qanlaxachiitapeguela't.

Tito 3:3

Cha'ayi nachi 'en'ama qomi' co'olloxochi saxanaxa da sa'amqajnataxanaq. Ÿataqta qaica ca saÿajnaqpec, qataq sa salaxasoxolec ñi Dios. Sesomaqtac, qataq qomi' l-lataqa na ÿotta'a't qadqopitaxanaqtaic qataq qadamanaxanaqtaic. Souaqtaigui da so'otaqtapeguec ca sa ÿaÿamaxañi ca qadÿa, qataq sepa'aguenaqtac. Mashi sotaq qomi' qaishitegueta. Chaqdata da ñipa'aguenaqtega't.

Santiago 3:16

Cha'ayi cam hueta'ague ca huo'o da lquiÿaxanaqtaic qataq huo'o ca naquittaique, nachi huetaña da saqca ca nlagaxayic qataq 'enauac na sa ÿaÿamaxañisat.

1 Pedro 4:2

da yaqto' cam taÿa'ague da qanachaalataxaqui, qanachaachiitaigui cam 'eetapeguec ñi Dios, nachi sa ishit da qau'ochi ca 'eetapeguec da qadapachiyaxaqui.