1 Corintios 13:4 - Nuevo Testamento Toba Sur

⁴ Ca huo'o da lsoxoyic ÿataqta nque'ejnaxaic, qataq huotaxanaqtaqaic, qaq sa ishit da quiÿaxanaqtaqaic, qataq sa ishit da n'amqajnaxaic, huo'otaq ñi'oxonnaxaic.

Nuevo Testamento Toba Sombrero Negro

⁴ Ga'me 'uo da'me loqopich'i yataqachiñe 'uo da'me napogaĝadenaĝac nataq'aen da'me lichoĝodenataĝanaĝac, ja p'aguenataĝanaĝaic, ja mach'e 'nonaĝatapela't, nataq'aen ja ni'yoĝodenaĝaic.

La'aqtaqa Ñim Lo'onatac 'Enauacna 2013

⁴ Ca huo'o da lsoxoyec, nache ỹataqta huo'o da lhualaxavic qataq, nache 'eetai' da lauotaxanaqtaic. Ca huo'o da lsoxoyec, nache saishet da quiỹaxanaqtaqaic qataq saishet da 'eetega da qaica ca 'ena'am. Qataq saishet da ño'oxonnaxaic.

1 Corintios 13:4 Iomraidhean Croise

Mateo 27:18

Cha'ayi somayi ÿaÿaten da chochi huo'o da nquiÿaxa so Jesús, ÿoqo'oyi qoÿaneuo.

Hechos 7:9

Qaq se'eso llalaqpi so Jacob mayi sachigoxosoxoiguipi, somayipi co'ollaxa nquiÿa so lqaÿa José. Nachi somayi qaimen, nachi qaido'ogue da Egipto. Qalaxayi ñi Dios hueta'aguet somayi,

Romanos 1:29

Nachi namayipi ÿataqta nlaqchigui 'enauac na ñi'itaxaloxosat, quishiguetaxac, qauemsat, qataq da qanmitta'ai añi plata, qataq na sa ÿaÿamaxañisat. Namayipi quiÿaxanaqtaqaicpi, laataxanaxaicpi, loquiaxaicpi, tenataxanaxaicpi, qauemaicpi, qataq n'aqtaqa l'o'pi.

Romanos 13:13

Qaq ÿoqo'oyi ÿataqta ñaÿamaxataqta qome, se'enaxataqteguem da qanayiutaigui yi na'a'q. Sa ishit da qomi' taxaiqa. Qataq sa ishit da so'otaq ca lta'adaic qadqui'axac qataq da quishiguetaxac, na ÿotta'a't namanaxanaqtaiguesat, na cotaxaguesat, na nquiÿaxanaqtaiguesat.

1 Corintios 3:3

cha'ayi ñaq 'eetalec da qoquiitaigui da qadapachiyaxaqui. Cha'ayi da ña qannoita'a't, qataq qancotaitega't, qataq qaucolaqaitagui, qaq yi'oqta da qami' ña qoquiitaigui da qadapachiyaxaqui, qaq qoñiita'am da n'onataxac 'enauac na shiÿaxauapi.

1 Corintios 4:18

Huo'o ca 'oonolec da qoñiita ÿashittagui da ñi'oxonnaxac, ipettega da huo'otaq aÿim sa ishit da qami' ñamaqtegalo.

1 Corintios 4:6

Qami' ÿaqaÿa't, de'eda qami' sa'axatema, damayi maichi qadaÿamqai. Saloqnaxaatapigui so Apolo qataq aÿim, yaqto' qami' ishit da qauachigoqoichigui da shinaqta da qauaÿajñi da sa ishit da qanapaquiÿapeguelguete naua ñiyigui'shi n'aqtaqa, yaqto' qaica ca n'amaqchiitacot ca lÿa, qaq ca lÿa i'otan.

1 Corintios 5:2

¡Qalaq ñaq 'eetalec da qami' ÿashittaguilo da qañi'oxonnaxaqui! ¡Qamaq ishíttaxa da ÿataqta qauaquicoita! Qaq que'eca shiÿaxaua mayi i'ot de'eda lta'adaic sa ÿaÿamaxañi, ÿataqta qauamaqÿauéctaxa da sa ishit da nachi 'eetai' da qami' netanguilo.

1 Corintios 8:1

Qaq nagui qami' sa'axatema da lliquiaxac ca nallic mayi qanatameelec da qoÿanot ca nqolac. 'Eesa da 'enauac da qadauattonatac de'eda. Qalaxayi de'eda nauattonaxanaxac ÿashittagui naq'en da ñi'oxonnaxac ca shiÿaxaua. Chaqdata da nsoxoyic mayi nañaxat naq'en camayi.

2 Corintios 12:20

Cha'ayi aÿim huo'o da itelaxa da huo'otaq ivita da qami' ñoqo'onalo, qaq sa iuena'a da sa ishit da tachigui cam tatapigui yi iuel da qami' ñauaneto, qataq sa iuena'a, da qami' nataq'en sa ishit da tachigui cam tatapigui yi qadvilli da aÿim qanauañi'. Cha'ayi aÿim huo'o da icolanaxa da huo'otaq qami' quetanguilo ca cotaxac, pa'aguenaxac, nalemataic, shiÿaxaua sa iuen ca lÿa, qaÿasaxalec ca lasouaxashit ca nÿa, nvidaqtaxanaxac, 'amqajnaxac, qataq qaica ca naÿamaxa.

2 Corintios 6:6

Nataq'en ichoxot da qomi' l-lataqa ñi Dios da no'on qadataxac, qataq da qadauattonaxanaxac mayi 'eesa, qataq da qadhualaxavic, qataq da qadauotaxanaqtaic, qataq da nachi 'eetai' da qomi' hueta'agueta so Espíritu Santo, qataq dam 'eesa qadsoxoyic,

Gálatas 5:26

Qaq sa ishit qome da qomi' ñi'oxonnaxaiqa, qataq ñi 'oonolec sa ishit da inogoqchittac ca lÿa, qataq sa ishit da maichi ñiquiÿaqta'a't.

Efesios 4:2

Qataq sa ishit qome da qami' n'amqajnaxaiqa. Chaqdata da qami' choxonnataxanaxaiqa, qataq qami' hualaxauaiqa, qataq ñi 'oonolec da qoñiita ÿataqta ichoxoden ca lÿa da huo'o ca camachaqca.

Efesios 4:32

Chaqdato' da qami' soxodaiqa, qataq choxonnataxanaxaiqa, ñi 'oonolec ÿataqta ichoxoden ca lÿa da huo'o ca ÿasouaxat, yaqto' ishit da qoñiita'am ñi Dios da ÿachigoxotchigui so Cristo da qami' ichoxode'n.

Filipenses 1:15

Qaq 'eesa da huo'o na i'axattac so Cristo, qalaxayi huo'o na laÿipi ÿataqta ÿaÿamaqchiguiñi da lhuennataxac.

Colosenses 1:11

Qataq seÿaxanaqtacot ñimayi, da yaqto' ÿachigoxotchigui da l'añaxac mayi qaica ca 'en'am da lli'oxoyic da qami' 'añaxaiqa naq'en, da yaqto' huo'o da qanhualaxaunaxaqui qataq da qantonaxaqui da qanaloÿa'aguet 'enauac na chochaqna,

Colosenses 2:18

Qaq sa ishit qome da qauauaqaita'a da sa qami' talguete naq'en ca qanshiitenaxachi nam shiÿaxauapi mayi chochi huomoigui da 'ico' qaica ca n'amqajnaxac qataq natameetacot na namaxashic piguem l'ecpi. Cha'ayi namayipi taigui da i'ot cam sa ishit da ÿoqta ÿauaachigui, qataq chochi ÿashittagui da ñi'oxonnaxac, souaxat naua maichi lhuennataxaco da lapachiyaxac.

Colosenses 3:12

Cha'ayi ñi Dios ÿataqta qami' ÿauoteque, qataq qami' lca'agui'shi, da yaqto' qami' lalamqa'te. Qaq ÿoqo'oyi ÿataqta qai'añiiñi qome da qami' choxonnataxanaxaiqa, huotaxanaqtaqaiqa, qataq sa qami' n'amqajnaxaiqa, qataq huosotta da qadataxaqui, qataq qami' hualaxaunaxaiqa.

1 Ts 5:14

Nataq'en qami' qadqaÿa't, qami' saqataxalo da ÿataqta qoñiÿapega na sa ishit da do'onataxan, qataq qau'añaqchichi na sa da'angui yi lauel, qataq qautauañi na sa da'añi da lpi'iÿaxac, qataq qanhualaxauñi' 'enauac na shiÿaxauapi.

1 Timoteo 6:4

que'eca shiÿaxaua chochi n'amqajnaxaic, qalaxayi qaica ca ÿaÿaten. Ÿoqo'oyi lqopitaxat da chochi nmitta'ai da ÿauotaique ncotaxaqui na n'aqtacpi. Qaq de'eda 'eeta'am ca yi'oqchigui lalolaxa. Qaq de'eda nachida da chigoqtapoigui da pa'aguenaxac, cotaxac, nshiunaxanaxac, qataq da qaipettega ca nÿa,

2 Timoteo 2:25

qataq huosotta da lataxac da 'ico' nlaxaneec ca depa'aguenataxaatac. Cha'ayi sa iuena'a da ñi Dios ishit da ÿami' camayi da ÿaxaadeec naq'en naua n'onataxaco, qataq ÿami' da ÿaÿaten da 'eesa lataxac,

2 Timoteo 3:10

Qalaxayi 'am mashi 'auaÿateeta da ÿapaxaguenataxanaxac, qataq da ÿataxac ÿaÿamaqchiguiñi, qataq dam shiitapeguec, qataq da ipi'iÿaxac, iualaxavic, isoxoyic, qataq da ñi'añaxateguet 'enauac na chochina,

2 Timoteo 4:2

da ÿataqta 'au'axat da n'aqtac, ÿataqta 'anpogoxoinapegue' da huo'o ca 'addaqa', nachi 'en'am da qaica ca 'addaqa'. 'Anloqteneec ca shiÿaxaua, 'auachaxana ca lsomaxac, 'auqata, ÿataqta 'anhualaxaune' da 'auapaxaguen.

Tito 3:3

Cha'ayi nachi 'en'ama qomi' co'olloxochi saxanaxa da sa'amqajnataxanaq. Ÿataqta qaica ca saÿajnaqpec, qataq sa salaxasoxolec ñi Dios. Sesomaqtac, qataq qomi' l-lataqa na ÿotta'a't qadqopitaxanaqtaic qataq qadamanaxanaqtaic. Souaqtaigui da so'otaqtapeguec ca sa ÿaÿamaxañi ca qadÿa, qataq sepa'aguenaqtac. Mashi sotaq qomi' qaishitegueta. Chaqdata da ñipa'aguenaqtega't.

Santiago 4:5

Ÿoqo'oyi saq vichiguiñi da 'enapec naua ñiyigui'shi l'aqtaqa ñi Dios, 'eeta': “So Espíritu mayi qomi' ÿanaiguilo naq'en ñi Dios, somayi qomi' ÿauoteque qataq 'ico' ica'altalguete.”

1 Pedro 2:1

Qaq ÿoqo'oyi no'on qome da qai'axañiiuec 'enauac na ÿotta'a't sa ÿaÿamaxañisat. Sa ishito' da qauatenataxañiitac, qataq sa ishit da dos naua qoquiitagueto, qataq sa ishit da qaupa'aguiñiitac ca qadÿai, qataq sa ishit da qami' n'aqtaqa l'o'.

1 Pedro 3:8

Qataq iuen da 'enauac da qoñiita ÿataqta 'oonolec da qadhuennataqai, qataq qauchoxoyiñi ca huo'o ca huetapoigui qadÿai. Ñi 'oonolec ÿataqta ÿauotec ca lÿa, 'eeta'am naq'en ca maichi lqaÿa. Qataq ÿataqta qami' choxonnataxanaxaiqa, qataq sa ishit da qami' napagaqnaxaiqa.

1 Pedro 4:8

Qalaxayi ÿataqta ÿacteec qome qanqashiñi da qalota da qadsoxoyiqui, cha'ayi da nauotaxanaqtaic i'oteu'a da ÿataqta qalota na nasouaxashitpi qaÿapalaxat.

2 Pedro 1:7

qataq da qaÿauotec ca nÿa, qataq da qadsoxoyiqui.

1 Juan 4:11

Qami' ÿaqaÿadolqa, da nachi 'eetec de'eda da qomi' ÿauoteque ñi Dios, qaq nataq'en ñi 'oonolec da shinaqta ÿataqta ÿauotec ca lÿa.