1 Corintios 13:2 - Nuevo Testamento Toba Sur

² Qataq aÿim da huo'otaq sa'axattac da l'aqtac ñi Dios, qataq saÿaten 'enauac nam lataxacpi mayi saq cha'a, qataq semata'a't 'enauac na nauattonaxanaxacpi, qataq da ipi'iÿaxac mashi ivi' da seshit da ñoqochinaxat aca qasoxonaxa, qalaxayi da qaica ca isoxoyic, nachi ñaqaiyita qaica ca shinec.

Nuevo Testamento Toba Sombrero Negro

² Nataq'aen qom 'uo da'me yañoqotaĝanaĝac qaedi ja'aĝatetac da'me 'laqataĝanaĝac ñe'me Dios, nataq'aen qom jayate'n ena'uaque jogaa'me 'lonataĝanaĝaco ñe'me Dios, nataq'aen jayate'n ena'uaque gaa'me uo'oe, nataq'aen qom t'adaic da'me yepe'e qaedi jaqanatet ta'le jedaĝat ga'me qajoĝonaĝa, qalaĝaja qom qaya'te yoqopich'i, qama'le ja jayem 'te p'ajaye.

La'aqtaqa Ñim Lo'onatac 'Enauacna 2013

² Da qaica ca isoxoyec, nache qaica ca naigui da sa'axattac da la'aqtaxanaxac Ñim Lo'onatac 'Enauacna qataq da sheetega da saỹaten nam saqcha'a lapaxañipi Ñimaye. Nataqa'en qaica ca naigui da ipi'iỹaxac Ñim Lo'onatac 'Enauacna, na'aictaxa da ishet da nqochenaxat aca qaỹoqotcheguemec 'alhua.

1 Corintios 13:2 Iomraidhean Croise

Mateo 13:11

Nachi somayi 'enapeco': –Qami' qaÿaÿajnaxanaxanque naua saq cha'alo lataxaco dam l'onataxanaxac ñi Dios mayi neta'ague da piguem. Qalaxayi namayipi sa ishit da qaÿaÿajnaxanaxanec.

Mateo 17:20

Nachi so Jesús 'enapeco': –Cha'ayi qami' ÿataqta qapi'olec da qadpi'iÿaxaqui. Qaq ÿataqta 'eesa de'eda qami' shinapegalo nagui da huo'otaq qami' huo'o ca qadpi'iÿaxaqui, nai'ctaxa da lcata'amolec aca ala ana nanguishi l'enaxat mostaza, qalaq ishit da qoñiÿapega aca qasoxonaxa, qoñiita': “Qoca'ai ne'ena qoueta'a, 'anqo'ona ca lÿa 'alhua;” nachi acamayi ishit da ÿalaq. Qaq qami' ÿataqta qaica ca qauqalañiÿapec, da ÿoqta 'eesa da huo'o ca qadpi'iÿaxaqui.

Mateo 21:19

Nachi ila'a aso higo mayi neteu'a na laÿi so nqa'aic. Nachi nqo'oota asomayi, qalaxayi sa ishit da ÿanata aca ala, ndoteec ana laue. Nachi so Jesús 'enapega asa'aso higo, 'eeta': –¡Nagui nachi tachiguiña da sa ishit qome da huo'o ca alaÿaxac da qoneta! Huaña, nachi asa'aso higo daqaqa.

Mateo 21:21

Nachi so Jesús 'enapeco': –Ÿataqta 'eesa de'eda qami' sa'axatema, da ÿoqta 'eesa da huo'o ca qadpi'iÿaxaqui qataq sa ishit da qauqoleguetaxañi, qaq sa ishit da chaqdata de'eda so'otec ada higo da ishit da qau'ochi. Cha'ayi nataq'en ishit da qoñiÿapega aca qaÿoqotchiguemec 'alhua, qoñiita': “Qoca'ai ne'ena qonetaña, ime, qaq 'angui aso auaxai,” qaq de'eda qad'aqtaqui ÿataqta ipacchigui.

Hechos 13:1

Qaq nam 'amqajnataxanaxaicpi mayi netaña yi Antioquía huo'o na l'aqtaxanaxanec ñi Dios qataq na dapaxaguenataxanec da n'aqtac. Qaq naua l'enqa'te soomayi Bernabé, qataq so Simón (da lÿa l'enaxat Huedaic), qataq so Lucio, l'ec yi Cirene, qataq so Menahem (som nacta'ai' co'ollaxa so nta'a Herodes mayi ilotague' yi Galilea), qataq so Saulo.

Romanos 11:25

Ÿoqo'oyi qami' ÿaqaÿa't, ñishitaique da qauaÿajñi de'eda saq cha'a lataxac mayi 'eetapeguec ñi Dios, yaqto' qami' sa ishit da qaupi'itaxañiitega da qami' ÿajnaxanaxaiqa. Cha'ayi huo'o nam Israel l'ecpi nam ÿataqta qadamchigui, qalaxayi to' qom ivita ca laloqo' da nala'a't na sa ishit da Israel l'ecpi da inoxoneuo.

Romanos 15:14

Qami' ÿaqaÿadolqa, aÿim ÿoqta 'eesa ñaq'en da ÿataqta qami' nlaqchiguilo da qadauotaxanaqtaiqui qataq 'enauac nam nauattonaxanaxacpi, qataq ñi 'oonolec da qoñiita ÿaÿaten da huaqata ca lÿa.

Romanos 16:25

Qaq ÿoqo'oyi nagui shi'oxodenaq qome ñi Dios ñim ishit da ÿataqta da'añi naq'en da qadpi'iÿaxaqui, da yaqto' nateeteguet naq'en dam sa'axattac n'aqtac mayi chigaqaigui da nca'alaxa qataq da napaxaguenataxanaxac mayi n'aqtaguec so Jesucristo. Cha'ayi damayi ÿataqta nateeteguet dam saq cha'a 'eetapeguec ñi Dios mayi qomi' ÿaÿajnaxanaxanque. Damayi chochi saq cha'a naq'en ñimayi co'ollaq saxanaqaca ana 'alhua.

1 Corintios 11:4

Ca shiÿaxaua da ÿapotalec na lqaic da huo'otaq nqouagaxaueetac, huo'otaq i'axattac da l'aqtac ñi Dios, camayi huota'a naq'en da n'enaguec na lqaic, souaxat da ÿapotalec.

1 Corintios 12:28

Qaq 'eda da 'eetec ñi Dios co'ollaq huo'o na ÿaconeu'a na 'amqajnataxanaxaicpi da ÿanagui da l'onataxanaxac. Ÿamataxaachiguiñi da ÿideuo na lamaxashicpi naq'en so Jesús. Ime, qataq jec na i'axat da l'aqtac ñi Dios. Ime, qataq jec na dapaxaguenataxanapecpi. Ime, qataq jec na i'ot na n'añaxacpi mayi sa qaÿauanapega. Ime, qataq jec na ishit da nataden na dalolaxaic, qataq na itaunec da lhuenaxanaxa ca lÿa, qataq na ishit da nataxala'. Ime, qataq huo'o na ÿanem da ishit da detaxaiguilo naua n'aqtaqa sa qaÿauangalo.

1 Corintios 13:1

Aÿim da huo'otaq setaxaiguilo naua l'aqtaqa na shiÿaxauapi, qataq naua l'aqtaqa na chigaqshiguem lamaxashicpi ñi Dios, qalaxayi da qaica ca isoxoyic, nachi shiita'am aca qataqui mayi lamtapigui, huo'otaq aca nasaquiaxanata mayi qaÿasaquiaxaatac.

1 Corintios 13:3

Qataq aÿim da huo'otaq san 'enauac na aÿim hueto'ot, qataq sovitta'a da san da i'oquiaxac da qaÿavigaxat, qalaxayi da qaica ca isoxoyic, nachi ñaqaiyita qaica ca sachigoxotaigui damayi.

1 Corintios 13:8

Da nsoxoyic qaica ca loga't. Cha'ayi huo'o qome ca na'a'q da sa iuen da qai'axa't naua l'aqtaqa ñi Dios, huo'otaq da qaitaxaiguilo naua n'aqtaqa mayi sa qaÿauangalo, huo'otaq da nauattonaxanaxac.

1 Corintios 14:29

Qaq da huo'otaq huo'oi caua i'axa't naua l'aqtaqa ñi Dios, qaq no'on da nachajyiñi caua dos huo'otaq tres da da'aqtaxa'n. Qaq na laÿipi naloqten da l'aqtaxanaxa'c caamayi.

1 Corintios 14:39

Qaq ÿoqo'oyi qami' ÿaqaÿa't, qanpogoxoiñiÿapegue' da qau'axachi' naua l'aqtaqa ñi Dios, qaq sa ishit da sa qauashiñi da qaitaxaiguilo naua n'aqtaqa sa qaÿauangalo.

1 Corintios 14:4

Ca ishit da detaxaiguilo naua n'aqtaqa sa qaÿauangalo, camayi maichi nañaxattac. Qalaxayi ca i'axa't naua l'aqtaqa ñi Dios, camayi nañaxat naq'en na 'amqajnataxanaxaicpi.

1 Corintios 15:51

Qalaxayi ñishitaique da qauaÿajñi de'eda saq cha'a da sa ishit da 'enauac da seleuaq, qalaxayi 'enauac qome da qomi' qanadalaxa't.

1 Corintios 16:22

Da huo'o ca sa ishit da ÿauotec so qadataxala' Jesucristo, camayi huetalec da lta'adaic nhuaxanaguec. ¡'Am qadataxala', saqaÿaloq qome da 'ayi'iguelaq!

1 Corintios 4:1

Qaq ÿoqo'oyi qami', da qomi' qautaqÿalo, qalaq qomi' qauamachiÿa'aque da qomi' lta'u so Cristo, qataq qomi' qaipataxalguete da sapaxaguenataxanaxac da lataxac saq cha'a mayi chigoqo'ot ñi Dios.

1 Corintios 7:19

Nai'ctaxa da huo'o ca n'anaxashit na l'oc ca shiÿaxaua, huo'otaq qaica, qalaxayi nachi 'en'am. Cha'ayi chaqcata ca i'ot na lqataxacpi ñi Dios nachica ca qaÿaÿamaxadeeta.

1 Corintios 8:4

Ÿoqo'oyi ca nallic mayi qanatameelec da qoÿanot ca nqolac, saÿajnaq da na nqolacpi mayi huetalecna ÿataqta qaica ca 'enec, cha'ayi 'oonolec ñi Dios, qaica ca lÿa.

2 Corintios 12:11

Aÿim 'ico' huo'o da ñi'onataxac souaxat da maichi ñi'amaqten, qalaxayi qami' mayi qauayiñiÿa'a aÿim. Qamaq qamí'ctaxa mayi qavi'oxoyiñiitac aÿim, cha'ayi sela'a da sa ishit da aÿim napacalec nam qoquiitague'pi mayi 'eetega da nataÿaña nam Jesús lamaxashicpi, nai'ctaxa da aÿim qaica ca shinec.

Gálatas 5:16

Da shiitega 'eeta': Ÿataqta qoquiitegue qome ca 'eetapeguec so Espíritu Santo, yaqto' sa ishit da qoquiitague' cam 'eetapeguec da qadapachiyaxaqui.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

Gálatas 6:3

Cha'ayi ca ipi'itaxaatega da 'amaqtaqaic, qamaq qaica ca naigui, qaq camayi 'eeta'am da maichi natenachittapeguela't.

Efesios 3:4

Qaq da qautaxaÿaxañi, nachi qami' ishit da qauloÿa'a da aÿim ÿataqta sauattoota dam saq cha'a lataxac mayi chigoqo'ot so Cristo.

Efesios 6:19

Nataq'en aÿim qanqouagaxauñiitalec, yaqto' ñi Dios aÿim ÿanema naua i'aqtaqa da ivita da setaqa, qataq yaqto' aÿim qadamchigui da sa'axat dam saq cha'a co'ollaxa n'aqtaguec da nca'alaxa, da yaqto' qaÿaÿaten.

Colosenses 1:26

dam l'aqtac mayi sa ishit co'ollaxa da huo'o ca ÿaÿajnaxanaxanec som shiÿaxauapi soua hua'a'u vi'iyi. Qalaxayi nagui ñimayi ÿaÿajnaxanaxanec nam lalamaxatpi.

1 Timoteo 3:16

Qaq sa ishit da qaÿoqolguet de'eda saq cha'a lataxac da qad'amqajnataxanaxac, cha'ayi ÿataqta lta'adaic da lli'oxoyic: Ñi Dios nachaxan, qalaxayi nachida da yi'oqchigui lapachiyaxac na shiÿaxauapi; qaq da n'aqtaguec co'ollaq i'axat so Espíritu ÿataqta 'en da no'on shiÿaxaua, qaq ÿauaachigui somayi 'enauac na chigaqshiguem Dios lamaxashicpi. Qataq qai'axatem 'enauac na ÿotta'a't shiÿaxauapi, ÿoqo'oyi huo'o na i'amaqten na 'enauac ÿallippi nam huetalecna. Ime, qaq qaÿaueegue da piguem.

1 Juan 4:8

Qaq cam sa ishit da dauotaxanaqta, qachi sa ishit da ÿauatton ñi Dios, cha'ayi ñimayi huotaxanaqtaqaic.