1 Corintios 13:1 - Nuevo Testamento Toba Sur

¹ Aÿim da huo'otaq setaxaiguilo naua l'aqtaqa na shiÿaxauapi, qataq naua l'aqtaqa na chigaqshiguem lamaxashicpi ñi Dios, qalaxayi da qaica ca isoxoyic, nachi shiita'am aca qataqui mayi lamtapigui, huo'otaq aca nasaquiaxanata mayi qaÿasaquiaxaatac.

Nuevo Testamento Toba Sombrero Negro

¹ Qom jayaten ta'le jadenaĝa't daa'me 'laqataqa joga'me jiyaĝa'u nataq'aen daa'me 'laqataqa jogaa'me piyem laje', qalaĝaja qom qaya'te yoqopich'i, qama'le gaa'me 'yaqataqa qaya'te yelo'teguet, jena'am jaga'me qataqui, uotaĝa ga'me natoviaĝatajec jo'ne qoyatoviaĝan nale.

La'aqtaqa Ñim Lo'onatac 'Enauacna 2013

¹ Aỹem da huo'otaq qaica ca isoxoyec, nache qaica ca naigui da saỹaten 'enauac na na'aqtacpi ana 'alhua qataq na piguem. Da qaica ca isoxoyec, nache sheeta'am ca lcat maye choche datoitapigui, qataq sheeta'am aca nasaquiaxanata maye choche dasactapigui.

1 Corintios 13:1 Iomraidhean Croise

Mateo 25:45

Nachi ne'ena nta'a 'enapec qome: “Ÿataqta 'eesa de'eda qami' sa'axatema, da 'enauac nam sa ishit co'ollaxa da qau'ochiic ca 'oonolec ne'ena saq 'amaqtaqpi, qaq nataq'en aÿim sa ishit da huo'o ca aÿim qau'ochiic.”

Marcos 16:17

Qaq cam hueta'ague ca da'amqajnataxan, camayi i'ot qome na n'anecpi mayi 'eeta': qai'onataxana da i'enaxat da qai'odauec na n'ecpi leguemaxaic, qataq da qai'aqtaxanguilo naua ÿaqa'alo n'aqtaqa,

Romanos 14:15

Qaq ÿoqo'oyi ca nallic mayi qollictac, da huo'otaq ishit da ique'emaqchit da lhuennataxac ca 'ad'amqajnataxanaxaua, nachi 'am sa ishit qone' da qoquetaigui da 'adsoxoyic. Qaq sa ishit qome da huo'o ca 'auqataqchit nam ileualecpi co'ollaxa so Cristo, souaxat da 'am 'anshitaique da qollic nam ÿotta'a't nallic.

1 Corintios 12:10

Qataq huo'o na ÿanem da ishit da i'ot na n'añaxacpi mayi sa qaÿauanapega, qataq huo'o na ÿanem da i'axa't naua l'aqtaqa ñimayi. Qataq huo'o na ÿanem da ishit da ÿauatton nam saq cha'api da huo'otaq chochi tenataxanaxaic, huo'otaq nachiso so Espíritu Santo. Qataq huo'o na ÿanem da detaxaiguilo naua n'aqtaqa sa qaÿauangalo. Qataq huo'o na ÿanem da ÿaÿaten da i'axat ca naigui ne'enaua n'aqtaqa.

1 Corintios 12:16

Huo'otaq ana ntela da 'enapec: “Aÿim sa ishit da aÿim n'aite, qaq ÿoqo'oyi sa ishit da ñi'attau'a de'eda n'oquiaxac,” qaq da l'aqtac de'eda, qalaxayi nachi 'en'am n'attauo.

1 Corintios 12:8

Qaq ñimayi huo'o na ÿanem da ÿajnaxanaxaic da detaqa, chigoqchigui naq'en so Espíritu, qataq huo'o na ÿanem da saqalota da lauattonaxanaxac da detaqa, chigoqchigui naq'en so Espíritu.

1 Corintios 13:8

Da nsoxoyic qaica ca loga't. Cha'ayi huo'o qome ca na'a'q da sa iuen da qai'axa't naua l'aqtaqa ñi Dios, huo'otaq da qaitaxaiguilo naua n'aqtaqa mayi sa qaÿauangalo, huo'otaq da nauattonaxanaxac.

1 Corintios 14:2

Cha'ayi ca shiÿaxaua mayi detaxaiguilo naua n'aqtaqa sa qaÿauangalo, camayi n'aqtaxaatague' ñi Dios, qaq sa ishit da nachina na shiÿaxauapi, cha'ayi qaica ca ishit da hua'axaiguet. Camayi itaxaÿaxanaxan so Espíritu Santo da i'axat na 'eesa lataxacpi mayi saq cha'a.

1 Corintios 14:4

Ca ishit da detaxaiguilo naua n'aqtaqa sa qaÿauangalo, camayi maichi nañaxattac. Qalaxayi ca i'axa't naua l'aqtaqa ñi Dios, camayi nañaxat naq'en na 'amqajnataxanaxaicpi.

1 Corintios 14:5

Qaq aÿim ñishitaique da 'enauac da qoñiita da ishit da qautaqÿoiguilo naua n'aqtaqa sa qaÿauangalo, qalaxayi ÿacteec ñaqashin da qau'axachi' naua l'aqtaqa ñi Dios. Cha'ayi ÿacteec ca naigui da qai'axat da n'aqtac, qa saq 'en'am da qaitaxaiguilo naua n'aqtaqa sa qaÿauangalo. Lamaaxa da sa qai'axat ca naigui ne'enaua n'aqtaqa da yaqto' ishit da nañaxat na 'amqajnataxanaxaicpi.

1 Corintios 8:1

Qaq nagui qami' sa'axatema da lliquiaxac ca nallic mayi qanatameelec da qoÿanot ca nqolac. 'Eesa da 'enauac da qadauattonatac de'eda. Qalaxayi de'eda nauattonaxanaxac ÿashittagui naq'en da ñi'oxonnaxac ca shiÿaxaua. Chaqdata da nsoxoyic mayi nañaxat naq'en camayi.

2 Corintios 12:4

Somayi qaÿaueegue co'ollaxa da piguem dam lma' na qanca'alaxateec. Qaq co'ollaq hueta'ague damayi, nachi hua'axaÿalo soua n'aqtaqa mayi sa qai'axaÿapiguilo, mayi sa qaichitapec da detaxaiguilo ca chochi shiÿaxaua.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

1 Timoteo 1:5

Qaq damayi qaÿamaxasoxoolec da qoÿaxaañi, cha'ayi ñi Dios nshitaique da nchoxonna't na shiÿaxauapi. Ca shiÿaxaua huo'o da lsoxoyic, cha'ayi ÿataqta qui'itta añi lquiyaqte, qataq da lavilÿaxac ÿaÿamaqchiguiñi, qataq huosota da lpi'iÿaxac.

1 Pedro 4:8

Qalaxayi ÿataqta ÿacteec qome qanqashiñi da qalota da qadsoxoyiqui, cha'ayi da nauotaxanaqtaic i'oteu'a da ÿataqta qalota na nasouaxashitpi qaÿapalaxat.

2 Pedro 2:18

Cha'ayi naua l'aqtaqa qalaq ÿataqta ÿajnaxanaxaiqa, qalaxayi qaica ca naiguilo. Qataq ÿachigoxotchigui na namanaxanaqtaiguesat qataq nam 'eetapeguec da n'oquiaxac da ÿashaxaneec nam ÿoqta 'eesa da ca'ai na huetaiguilo naua lsomaxaco.

Apocalipsis 14:2

Ime, qaq sa'axaÿa so nlamaxa chimqot na piguem. Somayi 'eeta'am na l-lamaxa na lta'adaic l'auaxac, qataq 'eeta'am na nalataxa, qataq 'eeta'am na l-lamaxa ana qalota nviquepi da qaivictapigui.