1 Corintios 12:2 - Nuevo Testamento Toba Sur

² Qami' qauaÿajñiita da co'ollaq saxanaxa da qau'amqajnataxañi, qaq qami' qaisomaxaata'pe da qoquiitague' na nqolacpi mayi qaicaua caua l'aqtaqa.

Nuevo Testamento Toba Sombrero Negro

² Auayachiñe queda'me ca'li maliaĝa ja auep'iiya'a ñe'me Cristo, 'uo ga'me nañoqotaĝanaĝac jo'ne nach'ega ami yauequeteda'ague da'me qaedi auep'iiya'alo jogaa'me jo'ne ch'e nequi'il 'me qaya'te 'loyaĝa'j.

La'aqtaqa Ñim Lo'onatac 'Enauacna 2013

² Co'ollaq qami' saxanaxa da qaua'amaqchiñi So Cristo, nache qausomiitac, qavio'oxoyiñiitac na qanatameetacotpi maye saq 'en qataq choche ne'enaqtacpi qataq qaicaua caua la'aqtaqa.

1 Corintios 12:2 Iomraidhean Croise

Mateo 15:14

Qaq ÿoqo'oyi sa ishit qome da qauqochiÿa namayipi. Cha'ayi namayi sa nauaañi qataq lauegaxala' nam sa nauaañipi. Qaq cam sa nauaañi da huo'otaq ÿauecta'aguet cam 'eeta'am sa nauaañi, nachi caamayi ishit da tayingui acam nshide.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxayi mashi qami' qaiqui'itaxatte', qataq mashi qanañañiÿot ñi Dios, qataq ñimayi mashi qami' ÿaÿamaxadeete'. Qaq 'enauac de'eda chigoqchigui so qadataxala' Jesús qataq so Espíritu mayi chigoqo'ot ñi qadta'a Dios.

Gálatas 4:8

Qami' co'ollaq saxanaxa da qauauattoñi ñi Dios, qalaq qami' lcoñitagui'shi nam saq cha'api qanatameetacotpi mayi saq 'en.

1 Ts 1:9

Cha'ayi namayipi maichi n'aqtaxaatapigui da 'eetec so hua'auchiguiñi qoyiquiaxac co'ollaq qami' souaqta'agueta. Nataq'en n'aqtaxaatapigui da qadsoxosoxonaxaqui co'ollaq qomi' qauacoñiigueta, qataq da 'eetec co'ollaq qoquiÿa'ai nam nqolacpi da qoquiigue da qau'onataxañiÿot ñim Dios mayi nca'altauec qataq sa ishit da chochi n'enaqtaguetto.

Tito 3:3

Cha'ayi nachi 'en'ama qomi' co'olloxochi saxanaxa da sa'amqajnataxanaq. Ÿataqta qaica ca saÿajnaqpec, qataq sa salaxasoxolec ñi Dios. Sesomaqtac, qataq qomi' l-lataqa na ÿotta'a't qadqopitaxanaqtaic qataq qadamanaxanaqtaic. Souaqtaigui da so'otaqtapeguec ca sa ÿaÿamaxañi ca qadÿa, qataq sepa'aguenaqtac. Mashi sotaq qomi' qaishitegueta. Chaqdata da ñipa'aguenaqtega't.

1 Pedro 1:18

Cha'ayi ñi Dios qami' nca'alaxateeguesopa dam achaalataxac mayi ÿataqta qaica ca naigui, dam qami' n'onaxata'agueta som hua'au qadta'aipi; qataq qami' ÿataqta qauaÿajñiita da lashiichiÿaxac de'eda nca'alaxa da sa ishit da chochi lashiue qanqoÿin cam taÿa'a da imeuo da 'eeta'am aca oro huo'otaq aca plata,

1 Pedro 4:3

Cha'ayi mashi 'eeso'oya' da soua hua'a'u vi'iyi da qau'ochiitac nam nqopita nam sa ishit da ÿauatton ñi Dios. Se'esoua vi'iyi qami' qoviitaigui nam namanaxanaqtaiguesat, qauem qoÿiitapegueguesat, ntaxa, qataq nam nqui'axaguesat, qataq ÿomaxac chochaq tateec, qataq qanatamñiitacot na nqolacpi mayi sa qaÿashin.