1 Corintios 1:9 - Nuevo Testamento Toba Sur

⁹ Ñi Dios ÿataqta ipactelguete naua l'aqtaqa, ñimayi nachiñi ñi qami' iÿaxanalo da qanhuañiÿau'a da nachaalataxac so llalec Jesucristo mayi qadataxala'.

Nuevo Testamento Toba Sombrero Negro

⁹ Dios nach'e eta't en yepaquetelegue ga'me jo'ne joote 'yaĝatetac, nataq'aen nach'eñe joñe'me joote ami yiyaĝanalo ca'li qaedi ademii'teguet ñe'me C'oĝot Jesucristo, mach'e Qadejaliaĝanec.

La'aqtaqa Ñim Lo'onatac 'Enauacna 2013

⁹ Ñim Lo'onatac 'Enauacna ỹataqta ipacteleguete naua ỹa'n la'aqtaqa, Ñimaye nacheñi ñi qami' iỹaxanalo da qanhuañiỹaua'a da nachaalataxac So Llalec Jesucristo maye Qarataxala'.

1 Corintios 1:9 Iomraidhean Croise

Mateo 24:35

Na piguem qataq ana 'alhua imeuo qome, qalaxayi da i'aqtac sa ishit da imeuo.

Juan 17:21

Qataq 'am seÿaxanot, 'am ita'a, da yaqto' 'enauac namayipi ÿataqta n'atta't, da ÿataqta 'oonolec ca lataxac da qomi' n'attau'alo, yaqto' ishit da 'eeta'am da 'am aÿim qoueta'aguet, qataq aÿim 'am soota'aguet. Qataq ñishitaique da namayipi ÿataqta n'atta't, yaqto' nam huetalec ana 'alhua ishit da i'amaqten da aÿim 'adamaxashic.

Romanos 11:17

Qaq huo'o nam judiopi nam lcoue asa'aso nanguishi l'enaxat olivo nam qaiquesoxouec. Qaq som chigoqchiguiña, nachi nañaxateu'a qanqoÿin 'am mayi qoneta'am aca lcoue aca olivo mayi saq nanguishi. Huaña, nachi 'am ishit da 'anhuanau'a so lpa'a'q qataq da lca'alaxa asom olivo.

Romanos 8:28

Cha'ayi qomi' saÿajnaqta da ñi Dios ÿaqataxanai' 'enauac na lataxaguesat da ÿauotaique chigoqchigui naq'en da ÿaÿamaxatchiguiñi da lliquiaxac nam ÿauotec ñimayi mayi maichi lÿaxanataguishicpi co'olloxochiyi da ÿauotaique nca'alaxateec.

Romanos 8:30

Qaq nam lca'aguishicpi co'ollaxa ñi Dios, nachi nataq'en iÿaxana. Qaq nam lÿaxanataguishicpi ñimayi nataq'en ÿanagui da ÿataqta ÿaÿamaxadeeta qataq nhuanau'a naq'en da lli'oxoyic.

Romanos 9:24

Cha'ayi ñi Dios da qomi' iÿaxanalo, qalaq huo'o na chigoqtoigui naq'en na judiopi, qataq na laÿipi huo'o na chigoqtoigui naq'en na saq judiopi.

1 Corintios 1:30

Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

1 Corintios 10:13

Da qañi'iguenataguiiqui mayi qami' nvittegalo, damayi nachida da 'eeta'am da ñi'iguenataguec na 'enauac shiÿaxauapi. Qalaxayi qami' ishit da qaupi'iÿa'ai ñi Dios, cha'ayi ñimayi sa ishit da qami' ÿashiitema ca qañi'iguenataguiiqui da huo'otaq sa qanaloÿiguet. Chaqdata da huo'otaq nvi' ca qañi'iguenataguiiqui, nachi ñimayi ÿauo'o ca lliguec, yaqto' qami' ishit da qadaloÿa'aguet.

1 Corintios 10:16

Ana ÿomaxaqui mayi qaiÿotauga da yaqto' ñoqouagaxaunaxalec, anamayi da ivita da ñiÿomaxagui nachi naigui da 'eeta'am da qomi' qaÿauaxaÿaxana't souaxat naua ltago'q so Cristo. Nataq'en ana pan mayi ñicolaxataxañi, anamayi da ivita da sachiguenaq nachi naigui da 'eeta'am da qomi' qaÿauaxaÿaxana't souaxat da l'oquiaxac so Cristo.

2 Corintios 1:18

Qalaxayi ñi Dios qomi' ÿaÿateete' da sa ishit da saq ÿataxalec ca qad'aqtac da qami' sa'aqtaxanaxama.

Gálatas 1:15

Qalaxayi ñi Dios aÿim lca'aguishic co'ollaq saxanaxa da sañiguiñi, souaxat da lta'adaic lauotaxanaqtaic co'ollaq aÿim iÿaxana. Nachi co'ollaq 'eetec de'eda ñimayi,

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

Efesios 3:6

Qaq de'eda lataxac saq cha'a 'eeta': Chigoqchigui qome da n'aqtac mayi chigaqaigui da nca'alaxa da na sa ishit da judiopi ÿaconguet cam ÿachaxanapec ñi Dios da 'eeta'am qanqoÿin na judiopi. Namayipi nataq'en nhuanau'a da l'oquiaxac so Cristo, qataq nataq'en Jesús.

Colosenses 1:24

Qaq nagui aÿim ÿataqta samachiguiñi, cha'ayi huo'o da ñique'ejnaxac souaxat da qoñiita. Cha'ayi de'eda nque'ejnaxac da ÿalamaxat i'oquiaxac, damayi naigui da yaqto' nalochiguiñi naq'en na nque'ejnaxacpi so Cristo souaxat na 'amqajnataxanaxaicpi mayi nachina na 'ico' l'oquiaxac somayi.

1 Ts 2:12

Qataq saqataqtapeguelec 'enauac da qoñiita da ÿataqta qoquiitelec da lataxac ca shiÿaxaua da quetague' ñi Dios mayi qami' iÿaxanalo da qoviito'ot naq'en da l'onataxanaxac da ilo'ogue 'enauacna qataq da lli'oxoyic.

2 Ts 2:14

Qaq nachida da huo'o mshi qami' iÿaxanalo ñi Dios, nshitaique da qauacoñiiguet da nca'alaxa mayi chigaqaigui da n'aqtac dam sa'axataqtac. Nataq'en nshitaique da qanhuañiÿau'a da lli'oxoyic so qadataxala' Jesucristo.

2 Ts 3:3

Qalaxayi so qadataxala' mayi sa ÿatenachit ca l'aqtac qami' itauanque da qami' 'añaxaiqa, qataq qami' ntelaqna'agueta na sa ÿaÿamaxañisat.

2 Timoteo 1:9

Ñim Dios mayi qomi' nca'alaxatreec, qataq iÿaxana da qanachaalataxac da yaqto' sanqot. Qaq de'eda qomi' i'oteque, damayi nachi 'eetai' da lhuennataxa. Sa ishit da huo'otaq chochi nqopita'a ca qadataxac no'on. Mayi souaxat da qomi' ÿauoteque, cha'ayi mashi ñi'adaqtau'a so Cristo Jesús. Qataq nal'eno' da qomi' ÿauoteque co'ollaq saxanaqaca ana 'alhua.

2 Timoteo 2:13

Da ÿapagaqlec ca qad'aqtac, qalaxayi somayi sa ishit da napacalec ca l'aqtac, cha'ayi ñi Dios sa ishit da nqochin, qataq sa nadalaxat da lataxac.

Tito 1:2

qataq ÿauattoota nataq'en da aquitaxac da achaalataxac mayi chochaq tateec. Qaq ñim Dios mayi sa datenataxan ñimayi ÿachaxanapec co'olloxochiyi de'eda achaalataxac co'ollaq saxanaqaca ana 'alhua.

Hebreos 10:23

Qaq ÿataqta ñi'añaxataqtec qome da qanaquitaxac da qad'amqajnataxanaxac, cha'ayi ñi Dios ÿataqta ipacchigui qome da qomi' ÿachaxanapeguema.

Hebreos 11:11

Aso Sara nataq'en chigoqchigui da lpi'iÿaxac da yaqto' huo'o ca llalec, nai'ctaxa da mashi ÿi'axaina'. Qaq asomayi ÿaconguet da l'añaxac, da yaqto' ishit da deco'o. Qaq ishit da huo'o so llalec, cha'ayi asomayi i'amaqten ñi Dios da ishit da ipacchigui cam ÿachaxanapec.

Hebreos 2:17

Qaq nachida da huo'o mshi somayi iuen da ÿataqta 'eeta'am qanqoÿin da lataxac na lqaÿañicpi, da yaqto' ishit da ivida'a da npe'et qataq choxonnataxanaxaic lataxala' na ntaxaÿaxanaxanecpi da qaitaxaÿapegue' ñi Dios, qataq da yaqto' ÿapalaxat da lasouaxashit na shiÿaxauapi, ÿachigoxotchigui da nañanguet da nalaataguec.

Hebreos 3:1

Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.

Hebreos 3:14

Cha'ayi da ÿataqta qomi' qadamchiyiñi, chochi sevidaqta'a ca loga't da qanaquitaxac mayi saconaxaguet som hua'auchiguiñi, nachi ishit qome da ñiuanaqhua'a so Cristo.

Hebreos 6:18

Qaq 'eda da 'eetec da huo'oi naua dos mayi sa ishit da qanqochinaxa't, nam huo'o mshi sa ishit da datenataxan ñi Dios, qaq nachinaua naua ÿachigoxotchiguilo ñi Dios da qomi' ÿanema da qad'añaxac, qomi' mayi shi'iguenqot ñimayi qataq sa'amaqtenaq dam aquitaxac mayi qomi' ÿanema.

1 Pedro 5:10

Qalaxayi qom ime da qami' cada'ac da huo'o da qanque'ejnaxaqui, nachi ñi Dios ÿataqta qami' nalochiyiñi naq'en, qataq qami' qadamchiyiñi, qataq qami' 'añaxaiqa, qataq qaica ca qami' ÿayigo't. Cha'ayi nachiñi ñi Dios ñim qomi' ÿanema da qanchoxonnataguec, qataq qomi' iÿaxanalo da ñiuanaqhua'a naq'en da lli'oxoyic mayi chochaq tateec, qataq da ñi'adaqtau'a so Jesucristo.

1 Juan 1:3

Qaq qami' sa'axataxama dam sauanaqchigui qataq sa'axasoqchigui, yaqto' qami' ishit da qomi' qan'ayiitau'alo, 'eeta'am da 'eetec da qomi' ñi'idaqtau'a ñi qadta'a Dios qataq so llalec Jesucristo.

1 Juan 1:7

Qalaxayi da ñachaataqtaigui na yi'oqchiguiñi, da shinaqta'am ñi Dios da nachattaigui na yi'oqchiguiñi, nachi ñi 'oonolec da shinaqta ÿataqta n'atta'ai' ca lÿa, nachi naua ltago'q mayi qaicoldeec so llalec Jesucristo co'ollaq qaÿalauat, iÿouec 'enauac na qadasouaxashit.

1 Juan 4:13

Qaq da ÿoqta 'itchiguiñi naq'en da qomi' ñi'adaqtau'a ñi Dios, qataq da qomi' hueta'agueta ñimayi, 'eeta': Ñimayi qomi' ÿanema so n'Espíritu Santo.

Apocalipsis 19:11

Huaña, nachi sela'a na piguem da nauatoigui, nachi nachaxan so caaÿo lapagaxaic. Qaq som netalec l'enaxat ipacchiguilo naua l'aqtaqa qataq 'eesoda. Qaq da nloquiaxac ÿaÿamaqchiguiñi da nta'a qataq da nmit na shiÿaxauapi.