1 Corintios 1:7 - Nuevo Testamento Toba Sur

⁷ Qaq 'eda da 'eetec da huo'o mshi qami' qaica ca qaviñiitac nam Dios qami' ÿanema, nagui da ña qauachiitaique ca na'a'q qom nachaxan so qadataxala' Jesucristo.

Nuevo Testamento Toba Sombrero Negro

⁷ qo'che' ja auoviñetaque ga'me anemii 'me chiyoqo'ot ñe'me Dios nayi queda'me cha'li auachitaque ga'me nolo' qom di'yo'quena ñe'me Qadejaliaĝanec Jesucristo.

La'aqtaqa Ñim Lo'onatac 'Enauacna 2013

⁷ Ỹoqo'oye nagui da qauacheetaique So Jesucristo da ñe'eguelaq, nache qami' nlaqchiguilo nam chegoqo'ot Ñim Lo'onatac 'Enauacna.

1 Corintios 1:7 Iomraidhean Croise

Mateo 25:1

Nachi de'eda l'onataxanaxac ñi Dios mayi neta'ague da piguem, damayi 'eeta'am qome caua diez qa'añole mayi ÿaconalo soua lcoÿadaxanaxaqui' mayi lca'atoxo't na aceite. Nachi nqo'ooda so nadonaxac, da yaqto' huaqatra'aguet ca adonaq.

Lucas 12:36

Qoñiita'am qome ca nlatac da iuattaique ca n'aco' da ivita da ñi'iguelaq da chigaqa'a ca nadonaxac, da yaqto' lhuotta da ÿauateguet da ivita da nvi' camayi qom huo'otaq chochi deÿaxan.

Lucas 17:30

Qaq 'eda qome da 'eetec ne'ena shiÿaxaua llalec qom ivita que'eca na'a'q da nachaxan.

Romanos 8:19

Cha'ayi ÿataqta lta'adaic da lyaxa 'enauac nam l'onatacpi ñi Dios da iuatta'a que'eca na'a'q qom ivita da na llalaqpi ñi Dios qaÿachaxan ca 'eetec ca lataxac.

Romanos 8:23

Qaq saqnata namayipi da 'ico' dachottac, nataq'en qomi', nai'ctaxa da mashi qomi' netanguita so Espíritu Santo som l'auaxanec da qomi' qoÿanema. Qalaq ñaqaiyita ÿataqta lta'adaic da pa'atauo qanqui'ic da sayinaqta'aguet que'eca na'a'q qom qomi' ÿacongueta ñi Dios da ÿoqta qomi' llalqa qataq da isouec da qad'oquiaxac.

1 Corintios 4:5

Qaq ÿoqo'oyi qami' sa ishit da huo'o ca qau'aviÿalec da qanmichi. Qauachiÿa'aguet so qadataxala' qom ñi'iguelaq da yi'oq naq'en na huetaigui na napalaxa. Somayi mayi yi'aqlec naq'en na 'eetapeguecpi ana nquiyaqtepi. Ime, qanachi ñi Dios ÿaconguet ca 'oonolec da ÿanem ca 'itchiguiñi naÿamaxannataguec.

2 Corintios 12:13

Cha'ayi da qoñiita sa ishit da huo'otaq se'enaxatteguem cam 'ico' qaica ca naigui da sa ishit da qoñiÿa'am ñaqashin nam laÿipi 'amqajnataxanaxaicpi, chaqdata da aÿim maichi ñalligoxottela't da sa ishit da huo'o ñaq'en ca nsallaxaueetapegue' aÿim da qoñiita. Qaq ¡qauchoxoyiñi qome aÿim souaxat da 'ico' qami' so'ota'n!

Gálatas 5:5

Cha'ayi qomi' sachigoxotaqchigui so Espíritu Santo qataq dam qadpi'iÿaxac da huo'o mshi qomi' huo'o da qanaquitaxac da ishit da qomi' ÿaÿamaxadeete' ñi Dios.

Filipenses 3:20

Qalaxayi qomi' qadma' da piguem, qataq seuataqtaique da ñi'iguelaq so qadca'alaxaqui mayi qadataxala' Jesucristo qom chigoqtegue da piguem.

Colosenses 3:4

Cha'ayi so Cristo nachiso so qanachaalataxac. Qaq qom ivita da ñi'iguelaq da nachaxan, nachi qami' nataq'en qanachaxañi. Nachi qanhuañiÿau'a da lli'oxoyic somayi.

1 Ts 1:10

Nataq'en namayipi n'aqtaxaatapigui da qami' qauachiitaique nagui da ñi'iguelaq so Jesús som llalec ñi Dios mayi nca'aleec naq'en co'ollaq mashi ileu. Somayi mayi nachiso so qomi' nca'alaxateeguesopa qome da lchiquiaxac ca nhuaxanaguec na shiÿaxauapi mayi naÿa'cna.

2 Ts 1:7

qataq da qami' nmataxanaxaneeguesopa qome na qanque'ejnaxaqui, nataq'en qomi', que'eca na'a'q qom ñi'iguelaq so qadataxala' Jesús, chigoqo'ot na piguem da nachaxan, nactaigui na 'ico' l'edaxa na nodec qataq na chigaqshiguem Dios lamaxashicpi mayi 'añaxaicpi.

2 Timoteo 4:8

Qaq nagui aÿim iuatta'aguet da nshiitenaguec da ñachaalataxac qui'itta. Qaq de'eda aÿim ÿami' que'eca na'a'q so qadataxala' Jesús som sa depe'enaxan da nmit na shiÿaxauapi. Qalaxayi saqaÿimta da aÿim ÿami', nataq'en 'enauac na shiÿaxauapi mayi ÿayiita'aguet ca lli'iguelaxasoxoc.

Tito 2:13

Nataq'en qomi' ÿapaxaguenque da soqolaqtot da qadhuataxanaxac da seuataqta'aguet que'eca na'a'q mayi qomi' qaÿachaxanapeguema da ñi'iguelaq da nactaigui da lli'oxoyic so Jesucristo mayi qadta'a qataq qadca'alaxaqui.

Hebreos 9:28

qaq nachida da 'eetec nataq'en so Cristo da 'oonolec da qaÿi'iguelaxalec da qoÿaneuo da yaqto' nqat nam qalota nasouaxashitpi. Qaq da ime, nachi qaltaq ÿi'iguelaxalec da nachaxan, qalaxayi sa ishit da anaga da nqat na nasouaxashitpi, chaqdata da somayi anaga da nca'alaxateec nam iuattaique somayi.

1 Pedro 1:13

Qaq ÿoqo'oyi no'on da ÿataqta qauaÿamaxachiichiguiñi cam qau'ochi, qataq ÿataqta qanloiteec, qataq ÿataqta qaumachiÿo'ot 'enauac da qadpi'iÿaxaqui ñi Dios souaxat da lqouagaxanaqtaic mayi qami' ÿanema qom ivita da nachaxan so Jesucristo.

1 Pedro 4:13

Qaq chaqdato' qome da ÿataqta qauamaichiguiñi da qami' qanhuañiÿau'a na nque'ejnaxacpi so Cristo, yaqto' ÿataqta qami' nlaqchiguilo da qantonaxaqui qom qaualoÿa'a da lli'oxoyic qom ivita da ñi'iguelaq somayi.

1 Pedro 5:4

yaqto' qom ivita da ñi'iguelaq som ilotague' 'enauac na lataxala'pi na 'amqajnataxanaxaicpi, nachi qami' qauacoñiiguet aca qanshiitenaqchi mayi saqca ca 'en'am da lyac, saq 'en'am aca lshiitenaxanaqte ca shiÿaxaua mayi ishit da daqaqtañi, 'eeta'am ana laue ca qo'ipaq.

2 Pedro 3:12

Qaq qauachiÿa'aguet qome que'eca na'a'q mayi lvidaxaqui da ñi Dios da nmit 'enauacna, qataq ÿataqta qauayiñiita'aguet qome que'eca na'a'q mayi huetoigui da na piguem ÿavigaxat ca nodec, qataq 'enauac nam hueto'ot namayi nlaguiñi souaxat na l'edaxa ca nodec.

1 Juan 3:2

Qami' ñauochaxa'u ÿaqaÿa't, nagui mashi qomi' llalqa ñi Dios. Qaq saxanaxa da qomi' qaichoxotema chaq hua'ague ca 'eetec qome ca qadataxac ca pa'ateec na'a'q. Qalaxayi qomi' saÿajnaq da qom nachaxan so Jesucristo, nachi ÿataqta shinaqta'am somayi, cha'ayi ÿataqta ñimaqa'ai' da seloqto'ot.

Judas 1:21

Qataq sa ishit qome da qai'axañiiuec da lauotaxanaqtaic ñi Dios. Qataq qauachiÿa'aguet ca pa'ateec na'a'q qom so qadataxala' Jesucristo ÿachigoxotchigui da lchoxonnataxanaxa da qomi' ÿanema ca nca'alaxa mayi chochaq tateec.