1 Corintios 1:10 - Nuevo Testamento Toba Sur

¹⁰ Qami' ÿaqaÿa't, qami' sedolguete da l'enaxat so qadataxala' Jesucristo da qami' saqatalo da ÿataqta 'oonolec da qadtaxaÿaxaqui. Sa ishit da qaucolaqaitagui. Chaqdata da qaica ca ÿaqpeuga, 'oonolec da qadhuennataqai qataq ca qoñiitapeguec.

Nuevo Testamento Toba Sombrero Negro

¹⁰ Ami yaqaya'olqa, ñe'me Qadejaliaĝanec Jesucristo jayem namaĝaquena qaedi ami ñachoĝodenoto queda'me 'noota ta'le adaloi'ta't nale 'uo ga'me anenaĝachiyegue. 'Noota qom ja yodapecache naa'me ademiyapelo'te, dite ta'le ena'uaque ami ademi'ta't, nataq'aen 'noota qom ena'uaque ami onolec ga'me adelnataĝaqui.

La'aqtaqa Ñim Lo'onatac 'Enauacna 2013

¹⁰ Qami' ỹaqaỹañicpi, qami' seroleguete da le'enaxat So Qarataxala' Jesucristo da qami' ñachoxoreetoiguilo da ỹataqta qanaỹaañeta't. Saishet da qaucolaqaitagui. Nachaqrata da qaica ca ỹaqpegueuga, 'oonolec ca qarhuennataqai qataq ca qoñiitapeguec.

1 Corintios 1:10 Iomraidhean Croise

Mateo 9:16

Qaica ca ishit da napaden ca nogoxot ltoxoic da huo'otaq dapannaxana ca dalaxaicolec hualoq laÿi. Cha'ayi que'eca dalaxaicolec napannaxanaxat, da huo'otaq nquiga't, nachi ishit da icolaxata'ague cam ltoxoic, nachi ishit da nquiguec ca lcolaxa.

Marcos 2:21

Qaica ca ishit da napaden ca nogoxot ltoxoic da dapannaxana ca dalaxaicolec. Cha'ayi da ÿi'iguena't ca dalaxaicolec laÿi, nachi ishit da icolaxata'ague ca ltoxoic. Huaña, nachi nquigaxateec ca ltoxo.

Marcos 3:24

Ca nta'a da huo'otaq nÿodacachi nam quetague'pi, nachi maichi deloguiÿa't, nachi que'eca nta'a, camayi sa ishit da 'eetai'.

Juan 10:19

Nachi na judiopi co'ollaq hua'axaÿa de'eda l'aqtac somayi, nachi qaltaq ÿi'iguelaxalec da nÿodacachi da lhuennataxac.

Juan 17:23

Aÿim soota'aguet namayipi, qataq 'am aÿim qoueta'aguet, yaqto' namayipi ishit da ÿataqta 'oonolec ca lataxac, qaq yaqto' nam huetalec ana 'alhua ishit da ila'a da 'am aÿim 'adamaxashic, qataq da ÿataqta 'auauotec namayipi, 'eeta'am da 'eetec da ÿataqta aÿim 'auauotec.

Juan 7:43

Nachi na shiÿaxauapi nÿodacachi da lhuennataxac souaxat so Jesús.

Juan 9:16

Nachi huo'o na fariseopi na 'eeta': –Se'eso shiÿaxaua mayi i'ot de'eda, somayi sa ishit da chigoqtot ñi Dios, cha'ayi sa ishit da huo'o ca ÿanaigui yi na'a'q mataxaqui. Qalaxayi huo'o na 'eeta': –¿Huá'ago' ca 'eetec da ishit da i'ot de'eda n'anec mayi sa qaÿauanapega, da huo'otaq somayi 'itaxaloxoic? Huaña, nachi nÿodacachi da lhuennataxac se'eso shiÿaxauapi.

Hechos 4:32

Qaq som qalota shiÿaxauapi mayi da'amqajnataxan, somayipi ÿataqta 'enauac da 'oonolec da nhuennataxa. Qaica da huo'otaq huo'o ca 'eetega da maichi lalamaxat cam hueto'ot, chaqdata da 'enauac qanhuaachigui.

Romanos 1:13

Qami' ÿaqaÿa't, sauotaique da qami' qauaÿajñiita da aÿim ÿataqta qalota da ñishitaique da qami' ñoqo'onalo da yaqto' qami' ñauaneto. Qalaxayi chochi ivitta'a nagui da saxanaxa da sañoxot. Sauotaiquecnaxa da qami' saÿalo, da yaqto' qalota ca ÿaueguec da qoñiita da da'amqajnataxan, 'eeta'am da shiitec naua lÿa't 'ale'u.

Romanos 12:1

Qaq ÿoqo'oyi qami' ÿaqaÿadolqa, souaxat da lta'adaic lqouagaxanaqtaic ñi Dios, qaq ÿoqo'oyi qami' ñachoxodeetoiguilo da ÿataqta imauec qome da qanachaalataxaqui da qai'añiÿot ñi Dios. Qoñiita'am qanqashiñi aca nachitaqtaxanaqte mayi ÿataqta nca'altauec, yaqto' qami' lhuotte' da qau'onataxañiÿot ñi Dios, qataq da qami' ÿaÿamaxadeete' ñimayi. Qaq 'eda qome da 'eetec da lli'oxonnataxanaxac da qadquiyaqteÿaxaqui.

Romanos 12:16

Qataq sa ishit da huo'o ca ÿoqtapeuga da qoñiita. Qataq sa ishit da qami' ñi'oxonnaxaiqa. Chaqdata da qau'enaxachi cam qaica ca l'amaqchic. Qataq sa ishit da qaupi'itaxañiitega da qami' ÿajnaxanaxaiqa.

Romanos 15:30

Qami' ÿaqaÿa't, souaxat da qadpi'iÿaxac so qadataxala' Jesucristo, qataq souaxat da nsoxoyic mayi qomi' ÿanema so Espíritu Santo, ÿoqo'oyi qami' ñachoxodeetoiguilo da aÿim qautauañi qome da qanqouagaxauñiÿot ñi Dios da aÿim qanqouagaxauñiitalec,

Romanos 16:17

Qami' ÿaqaÿa't, qami' ñachoxodeetoiguilo da ÿataqta qauloiteguet qome nam huesogui naq'en na shiÿaxauapi, qataq 'ico' qui'aqañi naq'en. Cha'ayi namayipi ÿataqta npa'aguene' nam napaxaguenataxanaxacpi mayi mashi qauaÿajñi. Ÿoqo'oyi qoquiÿa'ai qome namayipi.

1 Corintios 1:11

Shinapec de'eda, qami' ÿaqaÿadolqa, cha'ayi huo'o na lauo' l'ecpi aca qadqaÿa Cloe aÿim da'aqtaxaatapeguem da huo'o na sa naÿamaxanna't da qoñiita.

1 Corintios 11:18

Qaq da hua'auchiguiñi i'aqtac 'eeta': Sa'aqtapeguelec da qoÿiitega quenaxa da ivita da qalapoñiÿa't da qau'onaxañi, qalaq nda'a't da qami' qaucolaqaitagui. Qaq 'eeta'am ñaqashin da cada'acolec da 'eesa damayi.

1 Corintios 12:25

yaqto' sa ishit da nÿottecachi de'eda n'oquiaxac. Chaqdata da ñi 'oonolec ishit da huetapegue' da itauan ca lÿa.

1 Corintios 3:3

cha'ayi ñaq 'eetalec da qoquiitaigui da qadapachiyaxaqui. Cha'ayi da ña qannoita'a't, qataq qancotaitega't, qataq qaucolaqaitagui, qaq yi'oqta da qami' ña qoquiitaigui da qadapachiyaxaqui, qaq qoñiita'am da n'onataxac 'enauac na shiÿaxauapi.

1 Corintios 4:16

Qaq ÿoqo'oyi qami' ñachoxodeetoiguilo da qoquiitelec da ÿataxac.

2 Corintios 10:1

Aÿim Pablo, qami' ñachoxodeetoto, souaxat da huesottac lsoxosoxonaxac so Cristo qataq da lsoxoyic. Aÿim mayi qoÿiitegacnaxa da qaica ca i'amaqchic da qami' sootaiguilo, qalaxayi naxa da sa ishit da qami' sootaiguilo, qalaq ÿataqta saq llivigui yi iuel.

2 Corintios 13:11

Qaq nagui qami' ÿaqaÿa't, ÿataqta no'on qome ca qoyiquiaxaqui. Ÿataqta qanpogoxoiñiÿapegue' qome da nalochiguiñi da qanachaalataxaqui, qataq ÿataqta qauamaichiguiñi, qataq 'oonolec ca qadhuennataxaqui, qataq qaulaquiitapiguiñi. Qaq yaqto' qami' hueta'agueta ñi Dios mayi chigoqo'ot da nlagaxayic qataq da nsoxoyic.

2 Corintios 13:9

Qaq ÿoqo'oyi qomi' ÿataqta samaqchiguiñi da huo'otaq qaica ca qad'añaxac, lamaaxa da ÿataqta qami' 'añaxaiqa. Qaq soqolaqtot da ñoqouagaxaunaqtac, yaqto' qami' ishit da ÿataqta qanaloichiguiñi.

2 Corintios 5:20

Qaq ÿoqo'oyi nachiqomi' l'aqtaxanaxanqa so Cristo, qaq chigoqchiguilo naq'en qomi' ñi Dios da 'eeta'am da qami' nachoxodeetoiguilo. Qaq chigoqchigui so Cristo da qami' ñachoxodenaqtoiguilo, shinaqta': qanmañi' qome ñi Dios.

2 Corintios 6:1

Cha'ayi qomi' lta'u ñi Dios dam l'onataxanaxac, qaq ÿoqo'oyi qami' ñachoxodenaqtoiguilo da sa ishit qome da saqca ca naigui qanqashiñi da lqouagaxanaqtaic mayi qami' ÿachaxanalo ñimayi.

Gálatas 4:12

Qaq qami' ÿaqaÿa't, qami' ñachoxodeetoiguilo da no'on da aÿim qau'enaxachiichigui, cha'ayi aÿim nachiqami' shiita'ama. Cha'ayi sa ishit da huo'otaq qami' huo'o ca aÿim qau'ochiic.

Filipenses 1:27

Qaq chaqdato' da qami' qanpogoxoiñiÿapegue' da yaqto' da qadataxaqui nateeteguet da l'aqtac so Cristo. Qaq yaqto' da ishit da qami' sevitalo, huo'otaq da sa ishit, qalaxayi ñaqaiyita ñishitaique da aÿim ivida'a qome ca i'axaÿaxac da qoñiita da sa ishit da qanañaxañiiñi, qataq sa ishit da qami' huesoguilo da qauloquiitapeguelec da qadpi'iÿaxaqui mayi qauachigoxochiÿaigui da n'aqtac mayi chigaqaigui da nca'alaxa,

Filipenses 3:16

Qaq de'eda shinapec no'on da nachida qome qadhuennataxa, qataq ÿataqta nateeteguet da qadataxac dam mashi sogote da sevidaq.

1 Ts 5:13

Ÿataqta qauauochiic, qataq ÿataqta qauchoxoyiñi, souaxat da l'onataxanaxac. Qoviitaiguio' da qami' lactrapiguiñi, saqca ca da ñi 'oonolec da qoñiita.

2 Ts 2:1

Qaq nagui, qami' qadqaÿa't saxa da sa'axataq da lli'iguelaxasoxoc so qadataxala' Jesucristo, qom anac da qomi' laÿona't. Qami' saqataxalo

1 Timoteo 5:21

Da ÿaqataxac 'am sami' nagui ÿataqta qomi' ÿauaachiguilo ñi Dios qataq so qadataxala' Jesucristo nataq'en na chigaqshiguem Dios lamaxashicpi lca'aguishicpi. Ÿataqta 'aualaxalco' qome da ÿaqataxac. Sa ishit da huo'o ca 'aumatalec da 'adauotaxat, qataq sa 'alca'agui na ÿale.

2 Timoteo 4:1

Qaq de'eda ÿaqataxac 'am sami' nagui ÿataqta qomi' ÿauaachiguilo ñi Dios qataq so qadataxala' Jesucristo mayi anac qome da nachaxan da nta'a, qataq nmit ñi 'oonolec na shiÿaxauapi mayi ña nca'altauec qataq na mashi ileu. 'Am shinapega

1 Pedro 2:11

Qami' ÿaqaÿadolqa, qami' mayi qoñiita'am ñaqshin ca sa ishit da nqajlec ca lañoqo', qami' ñachoxodeetoiguilo da sa ishit qome da qauauo'oi ca ldaqa' ca 'eetapeguec da qadapachiyaxaqui mayi iloquiaxaatac da qanachaalataxaqui.

1 Pedro 5:10

Qalaxayi qom ime da qami' cada'ac da huo'o da qanque'ejnaxaqui, nachi ñi Dios ÿataqta qami' nalochiyiñi naq'en, qataq qami' qadamchiyiñi, qataq qami' 'añaxaiqa, qataq qaica ca qami' ÿayigo't. Cha'ayi nachiñi ñi Dios ñim qomi' ÿanema da qanchoxonnataguec, qataq qomi' iÿaxanalo da ñiuanaqhua'a naq'en da lli'oxoyic mayi chochaq tateec, qataq da ñi'adaqtau'a so Jesucristo.