1 Corintios 1:1 - Nuevo Testamento Toba Sur

¹ Aÿim Pablo, maichi chigoqchigui co'ollaxa ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Sóstenes.

Nuevo Testamento Toba Sombrero Negro

¹ Jayem Pablo, jo'ne jayem qoyiyaĝana qaedi jayem lamaĝajec joñe'me Cristo Jesús —naq'aeta da'me mach'e loequenataĝanaĝac joñe'me Dios— choqoñe'me qadaqaya Sóstenes,

La'aqtaqa Ñim Lo'onatac 'Enauacna 2013

^1-3 Qami' ỹaqaỹa't maye qaua'amaqchiñiitac Ñim Lo'onatac 'Enauacna maye qoviita'a na Corinto: Qauacoñiiguet da iquinaxanaxac qataq ñi qarqaỹa Sóstenes. Aỹem Pablo huo'o da iyaxa da Ñi Qarta'a maye Lo'onatac 'Enauacna qataq So Qarataxala' Jesucristo qami' ỹanema ca lta'araic nsoxoyec qataq nlagaxayec. Ñim Lo'onatac 'Enauacna aỹem lca'aguishec, da yaqto' aỹem lamaxayec So Jesucristo, nataqa'en qami' lca'agui'she, da yaqto' qana'ayeetaua'a Somaye qataq qaualliquiitaigui na lalamaxatpi Ñim Lo'onatac 'Enauacna. Yaqto' qana'ayeetaua'alo qomi' qataq 'enauac nam ỹo'oxoreetac Som Qarataxala' Jesucristo maye huetalec 'enauac ana 'alhua.

1 Corintios 1:1 Iomraidhean Croise

Lucas 6:13

Qaq co'ollaq mashi yi'oxoñi, nachi iÿaxana so lapaxaguenatacpi. Ime, nachi lca'au'alo soua doce somayipi, nachi ÿanaguilo da ÿauo'oi lamaxa'shi.

Juan 15:16

Qami' sa ishit co'ollaxa da aÿim qalca'aguishiqui, aÿim mayi qami' llica'agui'shi. Nachi qami' shinapegalo da yaqto' ÿataqta qalota da alaÿaxac da qanachaalataxaqui, qaq de'eda alaÿaxac da qanachaalataxaqui, damayi nachi 'eetai'. Qaq yaqto' ñi ita'a qami' ÿanema 'enauac nam qauÿaxañiÿaique da huo'otaq qoviilec da i'enaxat.

Juan 20:21

Ime, nachi so Jesús qaltaq 'enapegalo soomayi, 'eeta': –Qami' huo'o qome da qadlagaxayiqui. Qaq de'eda 'eetec co'ollaxa da aÿim namaq ñi ita'a, qaq nachida qome da shiitec da qami' sama'q.

Hechos 1:15

Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':

Hechos 1:2

chochi ivitta'a so na'a'q co'ollaq taigue da piguem. Qaq somayi co'ollaq saxanaxa da taigue da piguem, nachi lca'au'alo soua lamaxa'shi, nachi ÿapaxaguenque cam l'onataxanaxa'c, ÿachigoxotchigui naq'en so Espíritu Santo.

Hechos 18:17

Nachi 'enauac nam griego l'ecpi ÿaconeu'a so Sóstenes som nataxala' aca naponaxaqui, nachi ÿataqta qaiuaxaatac, ÿauaachigui qanqoÿin so nta'a Galión. Qalaxayi somayi sa ishit da ÿoqochitega de'eda.

Hechos 22:21

Qalaxayi so qadataxala' aÿim 'enapega, 'eeta': “'Aue qome, qojec, cha'ayi ÿataqta qaÿoqtegue cam 'am samaxague, 'am samaxa qome nam sa ishit da judiopi.”

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

Romanos 1:10

Qaq sa i'atai' da seÿaxaatacot ñi Dios da maichi chigoqchigui ñimayi da ishit da aÿim ÿanem ca na'a'q da ishit da qami' ñamaqtegalo.

Romanos 1:5

Qaq nachi chigoqchigui so Jesucristo da ñi Dios qomi' nqouagueque da qomi' ÿanaguilo da qomi' lamaxa'shi, da yaqto' so'onataxanqot somayi, yaqto' 'enauac na ÿotta'a't shiÿaxauapi ishit da huo'o ca da'amqajnataxan qataq ÿalaq.

1 Corintios 15:9

Cha'ayi aÿim qaica ca i'amaqchic, saq shin'am na laÿipi lamaxashicpi so Jesús, qataq sa yalou'a da aÿim qoÿanagui da aÿim lamaxashic somayi, cha'ayi secaatac na i'amaqteetacpi ñi Dios co'olloxochiyi.

1 Corintios 3:9

Cha'ayi qomi' n'onataxanaxauapi da l'onataxanaxac ñi Dios. Qaq qami' 'ico' da qoñiÿa'am ca lanaxanqa' ñi Dios. Qami' nataq'en qoñiÿa'am ca noÿic mayi n'oxootapiguishiguem ñi Dios.

2 Corintios 1:1

Aÿim Pablo, de'eda ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Timoteo. Qaq nagui qami' samaxalo ana ÿide, qami' ÿaqaÿañicpi mayi qau'amqchiñiitac ñi Dios, mayi qoñiitaña na la ciudad Corinto, qataq nataq'en 'enauac na lalamaxatpi ñi Dios mayi netalec yi 'alhua Acaya.

2 Corintios 11:5

Cha'ayi aÿim sela'a da sa ishit da aÿim napacalec nam qoquiitague'pi mayi 'eetega da nataÿaña nam Jesús lamaxashicpi.

2 Corintios 12:12

Cha'ayi da ñiualaxaunaxac co'ollaq qami' sootapegueto, qataq nam n'anecpi, qataq nam sa qaÿauanapigui, qataq nam i'ot da n'aalaxa, nachina na ichoxot da ÿoqta 'eesa da aÿim lamaxashic so Jesús.

2 Corintios 8:5

Qataq yimayipi ivida'a da i'ot dam qaica da seuennaqtapega. Cha'ayi yimayipi i'auaxaañi da nañanot so qadataxala', ime, qataq jec qomi'. Qaq damayi chigoqchigui ñi Dios.

Gálatas 1:1

Aÿim Pablo, aÿim lamaxashic so Jesucristo. Qaq sa ishit da aÿim lamaxashic qataq da aÿim ÿideuo ca chochi shiÿaxaua, cha'ayi nachiso so Jesucristo qataq ñim lta'a Dios mayi nca'aleeguesop naq'en somayi da nleuaxa.

Efesios 1:1

Aÿim Pablo, da ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Qaq qami' samaxalo ana ÿide, qami' mayi qami' lalamqa'te ñi Dios qataq qau'amaqchiñiitac so Cristo Jesús, mayi qoñiitaña na la ciudad Éfeso.

Efesios 4:11

Ime, nachi ÿanem ca nshitaxat naq'en ñi 'oonolec shiÿaxaua. Nachi huo'o na lamaxashicpi naq'en somayi, qataq huo'o na l'aqtaxanaxanecpi naq'en ñi Dios, qataq huo'o naq'en na i'axattac da n'aqtaxanaxac mayi chigaqaigui da nca'alaxa, qataq huo'o na lataxala'pi naq'en na 'amqajnataxanaxaicpi, qataq na napaxaguenataxanaqpi.

Colosenses 1:1

Aÿim Pablo, da ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Aÿim soota'aguet ñi Timoteo,

1 Timoteo 1:1

Aÿim Pablo, aÿim lamaxashic so Jesucristo. Qaq de'eda ñamaxasaguec chigoqtot ñi Dios mayi qadca'alaxaqui, nataq'en so qadataxala' Jesucristo mayi ÿataqta qadpe'et.

1 Timoteo 2:7

Ÿoqo'oyi ñi Dios aÿim ÿanagui da aÿim l'aqtaxanaxanec qataq lamaxashic, da sapaxaguen na saq judiopi, da sapaxaguenec da npi'iÿaxac qataq da lataxac mayi ÿataqta 'eesa. Da i'aqtaxanaxac ÿataqta 'eesa, sa ishit da aÿim tenataxanaxaic, cha'ayi sa'amaqten so Cristo.

2 Timoteo 1:1

Aÿim Pablo, aÿim ÿideuo ñi Dios da aÿim lamaxashic naq'en so Jesucristo, da sa'axateec da nca'alaxa mayi ÿachaxanapec co'olloxochiyi. Qaq de'eda nca'alaxa taÿot ca mashi n'attau'a so Cristo Jesús.