Ruth 4:2 - Tedim Bible Revision 2017

² Tua ciangin amah in khua upate mihing sawm samin, “Hih lai ah tu dih un,” a ci hi. Tua ahih ciangin amaute tu suk uh hi.

Tedim Bible

² Tua ciangin amah in khua upate mihing sawm sam-in, “Hih lai-ah tu dih un,” a ci hi; tua ahih ciangin amaute tusuk uh hi.

Ruth 4:2 Iomraidhean Croise

1 KUMPI MASATE 21:8

Tua ahih ciangin amah in Ahabʼ minin laikhakte gelhin ama min gelhna tawh tua laite tungah gelh a, ama khuapi sungah Naboth tawh a teeng upate le uliante tungah tua laite a khak hi.

Paikhiatna 21:8

A topa in ama zi dingin a seh sa tua numei in amah a lungkimsak kei leh, amah in tua nu a pa kiang mahah zuakkik ding hi. Amah, tua nu tungah citakin gamta lo ahih manin, gamdang mi khat tungah tua nu a zuak theih nading thu nei lo ding hi.

Paunak 31:23

Thukhen upate lakah a pasal a tut ciangin miteʼ lakah a kithei kim mi khat ahi hi.

Kah la 5:14

Puteekte khuapi kongpi ah tu nawn lo uh a, khangnote in la a sa nawn kei uh hi.

Sawltak 6:12

Amaute in hih bangin zuauna tawh mihonte, upate le Thukham hilh siate a holhthawh uh hi. Tua ahih manin amaute hong pai-in Stefen man uh a, uliante mai ah a hong paipih uh hi.

Thu-hilhkikna 25:7

Mipa in a sanggampaʼ zi a lak nop kei leh, upate kiang kongpi ah a sanggampaʼ zi pai dinga, ‘Ka pasalʼ sanggampa in a sanggampaʼ min Israel sungah a zop ding ut lo a, pasalʼ sanggampaʼ nasep kei tungah hong sem nuam lo hi,’ ci ding hi.

Thu-hilhkikna 29:10

“Topa na Pasian un tu ni-in note tawh a bawl, Topa na Pasian uh thuciamna sungah na lut theih nadingun, tu ni-in amah in ama mi dingin note hong kipsak theih nading le noteʼ tungah hong ciamna le na pu na pate uh Abraham, Isaac le Jakob tungah a kiciamna bangin, amah, noteʼ Pasian ahih theih nadingin, na minam lutangte uh, na upate uh, na uliante uh, Israel mi pasal khempeuh, na taneute uh, na zite uh, na giahphual uh ah a om peemtate, na sing uh hong tomsakin na tui uh a hong tawisakte a kipan note khempeuh, tu ni-in Topa na Pasian uh mai ah na ding uh hi.

Thu-hilhkikna 31:28

Hih thute amauteʼ bilah genin, amauʼ lang khat ah teci a pang dingin vantung le leitung ka sap theih nadingin na minam upate uh le na uliante khempeuh uh kei kiangah hong khawm un.