Ruth 1:6 - Tedim Bible Revision 2017

⁶ Tua ciangin tua nu a mo tegel tawh Moab gam panin a ciahkik dingin kithawi hi. Bang hang hiam cih leh Topa in a mite kemin an a piakna thu Moab gam sung panin amah in za hi.

Tedim Bible

⁶ Tua ciangin tua nu a mo tegel tawh Moab gam panin a ciahkik dingin kithawi hi; bang hang hiam cih leh Topa in a mite kemin an a piakna thu Moab gam sung panin amah in za hi.

Ruth 1:6 Iomraidhean Croise

Piancilna 21:1

A gen sa bangin Topa in Sarahʼ tungah thupha pia a, a gen sa bangin Sarahʼ tungah Topa in hih hi.

Piancilna 28:20

Tua ciangin Jakob in thuciamna khat bawlin, “Pasian in kei hong ompih a, hih ka paina lampi ah kei hong kep a, nek ding an le silh ding puan hong piak a,

Piancilna 48:15

Amah in Josef thupha pia-in, “Ka pate Abraham le Isaac in a na a sep Pasian, tu ni dongin ka nuntak tawntung ah lam hong pi Pasian,

Piancilna 50:25

Tua ciangin Josef in Israel tapateʼ kiciamna bawlin, “Pasian in note hong kem dinga, note in hih lai panin ka guhte na pua to ding uh hi,” a ci hi.

Late 102:14

Bang hang hiam cih leh na nasemte in tua khua suangtumte it uh a, a leivuite nangawn pammaih sa uh hi.

Late 111:5

Amah in amah a zahtakte an pia a, a thuciamna a phawk tawntung hi.

Late 132:15

Ama beemlepang thupha tampi ka pia dinga, a mizawngte an ka vak kham ding hi.

Late 145:15

Nuntak husanna a nei khempeuhteʼ mit in nang hong en uh a, a hun a tun ciangin amaute an na vak hi.

Late 146:7

A kinengniam mite adingin thumanna sem khia a, gilkialte an a vak hi. Topa in thongkiate a khah khia hi.

Late 147:14

Amah in na gam sungah kilemna bawl a, mangbuh hoih pente tawh nang hong gilvahsak hi.

Paikhiatna 3:16

Pai in, Israel upate kaikhawmin amaute kiangah, ‘Topa, na pate uh’ Pasian, Abraham, Isaac le Jakobʼ Pasian keima tungah hong kilang khinin, “Note le Egypt gam sungah noteʼ tungah hong kibawlna ka mu khin hi.

Paikhiatna 4:31

Mite in um uh hi. Israel mite kiangah Topa hawhin, amauʼ thuaknate amah in a muh khitna thu amaute in a zak uh ciangin, amaute in a lu uh kunin Pasian a bia uh hi.

Paunak 30:8

Zuauna le khemna ka zat loh nadingin hong huh inla, a hau lua lo, a zawng lua loin hong bawl inla, ka khamkhop zah lian bek an hong pia in.

Isaiah 55:10

Bang hang hiam cih leh vantung panin guahtui le vuk hong pai-in, amaute ciahkik loin leitung kawtsakin, kungnote mengin sel khiasak a, khai vawhpa khaici pia-in a ne pa tungah an a piak mah bangin,

Jeremiah 29:10

“Topa in kong cih in ah: Babylon khua ah kum sawm sagih na om khit uh ciangin, note kong kankik dinga, kong kamciamna sa hong tangtungsakin hih munah kong lakik ding hi.

Joel 2:19

Topa in ama miteʼ thungetna dawng a, “Tu-in note tungah an, leenggahzu le sathau kong pia a, na kham takun na ne ding uh hi. Minam dangteʼ simmawhin na om nawn kei ding uh hi.

Zefaniah 2:7

Judah mi a omlaite in na gam sung luah ding uh a, amaute in tuucinna in nei-in, Ashkelon khua sunga om innte sungah zanin lum ding uh hi. Topa ahi amauteʼ Pasian in amaute ompih dinga, cithei sakkik ding hi.

Mattiu 6:11

Nisim khamkhop an hong pia in.

Luka 1:68

“Israel miteʼ Topa Pasian phat ciat ni. A mite a huh dingin hong pai-in amaute a suaktasak hi.

Luka 19:44

Nang le na kulh sunga om mi khempeuh hong sumai ding uh a, a omna ngei munah suang khat zong om nawn lo ding hi. Hih bang a pianna pen nang a hu dingin Pasian hong pai lam na phawk lohna hang ahi hi,” a ci hi.

1 TIMOTI MASA 6:8

Tua ahih manin an nek tui dawn, nikten puansilh i neih nakleh a pha zo ahi hi.

1 PETER MASA 2:12

Gentail mite in note mihoih lo hi, ci-in hong gensia nuamin mawhna hong zon ciangin, noteʼ hoihna bekbek mu-in, Pasian a hong pai Ni ciangin a phat theih nadingun amaute lakah na gamtatna uh hoihsak tawntung un.

Ruth 1:5

Tua ciangin Mahlon le Khilion si a, tua nupi a tapa nihte le a pasal in sihsan hi.

Ruth 1:7

Tua ahih ciangin ama omna mun panin a mo tegel tawh tua nu ding khia a, Judah gamah a ciahkik dingin pai uh hi.

1 SAMUEL MASA 2:21

Tua ciangin Topa in Hannah thupha pia a, tua nu gai-in tanu nih le tapa thum a nei hi. Naupang Samuel ahihleh Topaʼ omna ah a khang hi.