Ruth 1:5 - Tedim Bible Revision 2017

⁵ Tua ciangin Mahlon le Khilion si a, tua nupi a tapa nihte le a pasal in sihsan hi.

Tedim Bible

⁵ tua ciangin Mahlon leh Khilion si a, tua nupi a tapa nihte leh a pasal in sihsan hi.

Ruth 1:5 Iomraidhean Croise

Isaiah 49:21

Tua ciangin na lungsimah, ‘Kua in keima adingin hih mite hong hin khiatsak ahi hiam? Kei hong kinusia-in tang-awlin ka om a, salin hong kikoihin hong kipaikhiat pih hi. Hihte kua in hong khoisak ahi hiam? Keimah guakin hong kinusia hi. Tua ahih manin koi lai panin hihte hong piang ahi hiam?’ na ci ding hi,” a ci hi.

Jeremiah 2:19

Na gitlohna mah in nangmah hong thuhilh dinga, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam het loin kha velval hi, cih thu thei inla mu in, Vanglian Topa Pasian in ka hong ci hi.

Luka 7:12

Tua khuakulh kongpi a tun laitakun misi vui a hong pai mihon tawh a kituak uh hi. A misi pen meigong khatʼ tapa khat neihsun hi a, tua khua sung mihon tampite in tua si vuina ah meigongnu hong zui uh hi.

Thu-hilhkikna 32:39

‘Tu-in thei un, keimah a kici pa pen kei ka hi a, kei sim loh pasian dang kuamah om lo hi. Ka that a, ka nungtasak hi. Ka liamsak a, ka damsak hi. Ka khut sung pan a hon khia zo kuamah om lo hi.

Ruth 1:2

Tua mipaʼ min Elimelek hi a, a ziʼ min Naomi hi-in, a tapa nihte min Mahlon le Khilion ahi hi. Amaute pen Judah gam Bethlehem a Efrathah mite ahi uh hi. Amaute Moab gamah pai-in tua lai ah om uh hi.

Ruth 1:4

Hih a tapa nihte in Moab mite zi-in la uh hi. A khat min Orpah hi a, a dang khat min Ruth ahi hi. Tua lai ah amaute kum sawm bang teeng uh hi.

Ruth 1:6

Tua ciangin tua nu a mo tegel tawh Moab gam panin a ciahkik dingin kithawi hi. Bang hang hiam cih leh Topa in a mite kemin an a piakna thu Moab gam sung panin amah in za hi.