Paunak 10:2 - Tedim Bible Revision 2017

² Thuman loin ngahna ah phattuamna om lo a, thumanna in sih nading pan hong hon hi.

Tedim Bible

² Thuman lo-a ngahna-ah phattuamna om lo a, thumaanna in sih nading pan hong hon hi.

Paunak 10:2 Iomraidhean Croise

Paunak 11:4

Hauhna in sih nading panin hong hu thei lo a, thumanna in na sih ding hong hu thei hi.

Paunak 12:28

Mi thumanteʼ gamtatna in nuntakna piangsak a, mihaiteʼ gamtatna in sihna piangsak hi.

Paunak 13:11

Ol takin hauh pakna oltak mahin kiamkik pah a, haksapi-in hauh tohna khangto semsem hi.

Paunak 21:6

Zuaugenna tawh hauhnate bei mang pak a, sihna khuk sung hong tunpih hi.

Ezekiel 7:19

Topaʼ hehna amauʼ tungah a tun ni ciangin, a ngun a khamte un amaute suahtak thei lo ahih manin, a ngun a khamte uh nin bangin kongzing lakah paai ding uh hi. A gilkial uh ciangin zong an bangin tuate ne thei lo uh hi. Ngun le khamte in mawhna sungah amaute tumpih zaw hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei inla, diktakin gamta in. Mizawngte hehpih leteh, tua in a sia-a na gamtatna sate hong puahsak dinga, na nuamsa toto ding hi, a ci hi.

Zefaniah 1:18

Topaʼ heh thuk ni hong tun ciangin a ngun le a khamte un amaute hon khia zo lo ding hi. Ama hehna meikuang in leitung khempeuh kaang tum dinga, thakhat thu-in leitung a teeng mi khempeuh a sumai ding hi.

ROM (Romans) 2:5

Lungsim khauhin na kisik nop lohna hangun Pasianʼ hehna le a manin a thukhenna a hong kilat Ni ding ciangin na gimthuak ding uh a nasia semsem dingin a bawl na hi uh hi.

ROM (Romans) 5:21

Tua ahih manin mawhna thahatin hong sihsak mah bangin, i Topa Jesu Khris hangin Pasianʼ hehpihna thahat zaw lai a, mihoihin hong sangin nuntak tawntungna sung a hong tunpih hi.

Filippi 3:9

Khris tawh kip takin kipawl khin ka hih manin Thukham zuihna tawh a kingah thei keima hanciamna tawh dik ngahna cihte ka nei nawn kei hi. Tu-in, Jesu Khris upna hangin Pasian in a hong piak diksakna ka ngah a, tua pen upna siksanin a hong kipia ahi hi.